Онцгой байдлын ерөнхий газрын даргын А/88 дугаар тушаалын дагуу Онцгой байдлын байгууллагын 2019 оны Гал унтраах техникийн олон төрөлт спортын бүсийн аварга шалгаруулах тэмцээнийг улсын хэмжээнд зохион байгуулж байна.

Хойд бүсийн тэмцээн Булган аймагт зохион байгуулагдаж бөгөөд тэмцээнд Хөвсгөл, Архангай, Булган, Дархан-Уул, Эрдэнэт, Сэлэнгэ, Төв аймгийн Онцгой байдлын газрын  баг тамирчид, Өмнөд бүсийн тэмцээн Өвөрхангай аймагт зохион байгуулагдаж байгаа бөгөөд тэмцээнд Баянхонгор, Говьсүмбэр, Дорноговь, Дундговь, Өмнөговь, Өвөрхангай аймгийн Онцгой байдлын газрын баг тамирчид оролцож байна.

Харин зүүн бүсийн тэмцээн Дорнод аймагт зохион байгуулагдаж байгаа бөгөөд тэмцээнд Дорнод, Хэнтий, Сүхбаатар аймгийн Онцгой байдлын газрын баг тамирчид, Баруун бүсийн тэмцээн Баян-Өлгий аймагт зохион байгуулагдаж байгаа бөгөөд тэмцээнд Ховд, Баян-Өлгий, Увс, Завхан, Говь-Алтай аймгийн баг тамирчид оролцож байгаа юм.

Мөн Улаанбаатар бүсийн тэмцээн НОБГ-ын Баянхошууны сургалтын цогцолборт зохион байгуулагдаж байна.

Тэмцээнд нийт 64 багийн 500 гаруй тамирчин оролцож байгаа бөгөөд довтолгооны шат, саадтай 100 м, 4х100 метрийн буухиа гүйлт, байлдааны тархалт гэсэн дөрвөн төрлөөр хоёр өдөр үргэлжлэн явагдаж,  аваргуудаа шалгаруулна гэж Онцгой байдлын ерөнхий газраас мэдээллээ.