“Бурхан халдун уул"-ын бүс тодорхойлох баганатай боллоо | News.MN

“Бурхан халдун уул"-ын бүс тодорхойлох баганатай боллоо

“Бурхан халдун уул"-ын бүс тодорхойлох баганатай боллоо

“Бурхан халдун уул"-ын бүс тодорхойлох баганатай боллоо

“Бурхан Халдун уул, түүнийг хүрээлсэн тахилгат газар нутаг”-ийг 2015 оны 7 дугаар сард ХБНГУ-ын Бонн хотноо болсон ЮНЕСКО-гийн Дэлхийн өвийн хорооны 39 дүгээр чуулганаар Монгол Улсаас нэр дэвшүүлэн Дэлхийн өвийн Жагсаалтад соёлын ангиллаар бүртгүүлсэн билээ.

Төрийн тахилгат, Үндэсний бахархалт хайрхан Бурхан Халдун уул нь

Монгол туургатны эх түүхийн голомт нутаг юм. Монголын нууц товчоонд “Бурхан халдуныг өглөө бүр мялаасугай, өдөр бүр өчсүгэй, ургийн ураг минь ухан мэдтүгэй” гэж 800 гаруй жилийн өмнө Их эзэн Чингис хаан зарлиг болгосныг тэмдэглэсэн байдгаас гадна Бурхан Халдун уулын талаар 20 гаруй удаа дурдагдсан байдаг.

Бурхан Халдун уулыг Дэлхийн өвд бүртгүүлсэн нь Чингис хааны намтар түүхтэй холбоотой соёлын өвийг судлах, хадгалж хамгаалах, дэлхий дахинаа сурталчлан алдаршуулахад үнэтэй хувь нэмэр оруулсан явдал болсон юм.

ЮНЕСКО-гийн Дэлхийн өвийн жагсаалтад бүртгүүлснээр энэхүү ариун дагшин газар нутгийн дэлхий дахины хосгүй гайхамшигт үнэ цэнийг хадгалан хамгаалах, үнэ цэнэ, ач холбогдлыг нь олон нийтэд сурталчлан таниулах, хамгаалалтын төлөвлөгөө боловсруулж хэрэгжүүлэн, хойч үедээ болон хүн төрөлхтөнд өвлүүлэн үлдээх үүргийг Монгол Улсын Засгийн газар, ард түмэн хүлээсэн байдаг.

Энэхүү үүргийнхээ хүрээнд Монгол Улсын Засгийн газрын 2018 оны 10 дугаар сарын 03-ны өдрийн 299 дүгээр тогтоолоор Дэлхийн өвийн газрын хамгаалалтын асуудлыг Хан Хэнтийн улсын тусгай хамгаалалттай газрын хамгаалалтын захиргаанд хариуцуулан ажиллаж байна.

ЮНЕСКО-ийн лого бүхий хөшөө босгох үйл ажиллагааг 2018 оны 11-р сарын 21-ний өдөр Төв аймгийн Мөнгөнморьт сумын нутаг Хэрлэнгийн дээд Цагаан Аралд зохион байгуулсан.

Тэгвэл энэ удаад /2019 оны 05 дугаар сарын 30, 31/ “Бурхан Халдун уул, түүнийг хүрээлсэн тахилгат газар нутаг”-ийн хамгаалалтын бүс дагуу бүсийг тодорхойлох тэмдэглэгээ бүхий багана босгох арга хэмжээг БОАЖЯ, Засгийн газрын хэрэгжүүлэгч агентлаг Соёл, урлагийн газар, Хан Хэнтийн улсын тусгай хамгаалалттай газрын хамгаалалтын захиргаа, Соёлын өвийн үндэсний төвийн зүгээс зохион байгуулав. Арга хэмжээнд БОАЖЯ-ны Төрийн нарийн бичгийн дарга Ц.Цэнгэл, Засгийн газрын хэрэгжүүлэгч агентлаг Соёл, урлагийн газрын дарга Г.Эрдэнэбат, Соёлын өвийн үндэсний төвийн захирал Г.Энхбат тэргүүтэй төлөөлөгчид оролцлоо.

Эх сурвалж: СОЁЛ УРЛАГИЙН ГАЗАР

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-06-04 203.169.49.98

Юу их сүр бадруулж олон дарга явах юм. Хийх ажил нь алгынх нь чинээ. Тэрний оронд газар зүй, геодезийн мэрэгжлийн ганц баг гарахад л мэрэгжлийн түшинд хийчихээд ирнэ ш дээ. Тэр жил Алтанхяг ерөнхий сайдын 100 хүнтэй баг наана чинь төөрдөг түүх давтагдаж магадгүй.

Avatar

Зочин 2019-06-04 66.181.161.36

Багана харах гэсэн эд нар байх юм. Энэ хэд багана нь юм болов уу

NewsMN Гар утасны хувилбар Татах
NEWS.mn

Мэдээллийн эх сурвалж