Баян-Өлгий аймгийн Бес богда бүргэд дэвжээний бөхчүүдийн барилдааныг  сар бүр зохион байгуулдаг уламжлалтай. Ингэхдээ тус аймгийн сумдуудын нэрэмжит болгон өөр өөр сум зохион байгуулдаг бөгөөд энэ сарын барилдааныг Булган сумын нутгийн зөвлөлөөс Монгол улсын өсөх идэр начин Б.Хожагапаныхаа нэрэмжит болгон 6-р сарын 6-ны өдөр Хилчин спорт хорооны зааланд зохион байгууллаа. Барилдаанд аймгийн арслан Б.Дэлгэрсайхан, Г.Баасандорж, Б.Баатарцол, Г.Батням, Б.Серик, М.Еркебулан, Х.Айдос нараар магнайлуулсан аймаг сумын цолтой 64 бөх зодоглосноос Баян-Өлгий аймгийн Булган сумын харьяат ХХЕГ-ын Хилчин спорт хороо, Бес богда бүргэд дэвжээ, "Рысжан" ХХК-ний бөх аймгийн арслан Б.Баатарцол түрүүлж, Улаанхус сумын харьяат ОБЕГ-ын Аврагч спорт хорооны бөх аймгийн арслан Б.Серик үзүүрлэв. Их шөвгийн дөрөвт Дорнод аймгийн Дашбалбар сумын харьяат аймгийн арслан Д.Анар, Баян-Өлгий аймгийн Булган сумын харьяат аймгийн харцага Б.Төмөрбаатар нар шалгарав. 

        Мэдээллийг К.Барбол

Эх сурвалж: http://undesniibukh.mn