Гималайн уулсын хамгийн өндөр, авирахад хүнд хэцүү оргилуудын нэг болох “Нанда Деви”-д авирахаар явсан долоон уулчин Энэтхэг хөтчийнхөө хамт сураггүй болоод долоо хонож байгаа талаар орон нутгийн удирдлагууд өнөөдөр /2019.06.02/ мэдээлжээ.

Тус авиралтын багт дөрвөн англи, хоёр америк, нэг австрали уулчин байсан бөгөөд тэдэнтэй зэрэг авиралт хийсэн бусад багууд отогтоо эргэн ирцгээсэн байна.

“Нанда Деви” оргил нь 7400 метрийн өндөр бөгөөд Гималайн уулсын хамгийн адармаатай, аз сорьсон оргилуудын нэг аж. Цаг агаарын тааруу байдлаас болж хоёр ч удаа эрэн хайх ажиллагааг хойшлуулсан бөгөөд Энэтхэгийн агаарын хүчний нисдэг тэрэг уг ажиллагаанд нэгдэн сураггүй болсон уулчдыг хайж буй юм байна.

Эх сурвалж: BBC