Манай орон цоохор ирвэсний тоо толгой, нягтшилаараа дэлхийд хоёрдугаарт ордог судалгааны өндөр ач холбогдол бүхий орон юм. Эрдэмтэд нийт 10 аймгийн 107 сумын нутагт 1000 орчим тоо толгой ирвэс бийг тогтоосон байдаг. Харамсалтай нь, энэ тоо хүмүүсийн санаатай болон санамсаргүй үйлдлийн улмаас цөөрч буйг эрдэмтэд анхааруулж буй юм.

Өнөөдрийн байдлаар цагдаагийн байгууллагад хууль бусаар зургаан ирвэс агнасан хэрэг бүртгэгдэн шалгагдаж байгаа ажээ. Ийм төрлийн гэмт хэрэг манай улсад зохион байгуулалттай сүлжээ болон, 90 хувь нь далд хэлбэрээр үйлдэгддэг байна. Мөн манай улс энэ чиглэлийн гэмт хэргийн экспортлогч орон болсныг албаныхан мэдээлсээр буй юм.

Б.ЖАРГАЛ