Нийслэлийн Сонгинохайрхан дүүргийн долдугаар хороонд байрладаг “Хилчин хотхон” нь өнөөдрийг хүртэл төвийн дулаан хангамж, цэвэр бохир усны нэгдсэн шугамд холбогдоогүй, мөн хөрсний ус зайлуулах хоолой хийгдээгүй байна. Үүний улмаас 3500 гаруй оршин суугчийн эрх зөрчигдөж иржээ.

Тэгвэл Азийн хөгжлийн банкны санхүүжилтээр тус байрны дулааны төвийн шугамд холбох ажил, орон нутгийн хөгжлийн санхүүжилтээр хөрсний ус зайлуулах ажлын зураг төсөл бэлэн болсон байна. Хотын дарга С.Амарсайхан 2019 оны төсөвт Хилчин хотхоныг төвлөрсөн дулаан хангамжийн шугам сүлжээнд холбох ажлын зураг төсөл, барилга угсралтад шаардлагатай төсвийг суулгаж өгчээ.

Э.БУРАМ