Оросын "Армия России" сүлжээ дэлгүүр, залуусын дунд алдартай реппер Тиматитай хамтран армийн стилийн хувцасны шинэ загвар коллекц гаргажээ.

Шинэ коллекцийн танилцуулга тавдугаар сарын 27-ны өдөр Москва хотын Батлан хамгаалахын удирдлагын төвд болсон байна.

Эрэгтэй, эмэгтэй болон хүүхдийн гэсэн гурван коллекцийг танилцуулжээ.

Хүүхнүүдэд зориулан сафари даашинз, харин залуучуудад богино өмд, энгэр дээрээ буудлагын байн зурагтай, ар нуруун дээрээ “Сирия” гэсэн бичигтэй футболка гаргасан байна. Бүх коллекцийг цэргийн эрээн материалаар хийжээ.

“Даавууг өндөр технологийн аргаар боловсруулсан, чанартай, ус даадаг материал. Энэ коллекцийн хувцсыг өмсөөд оросууд эх оронч үзлээ сэргээн, Оросын армийг дэмжих хэрэгтэй” хэмээн Тимати хэлсэн байна.

Коллекцийн нээлтэд Батлан хамгаалахын сайд Сергей Шойгу оролцсон бөгөөд зөвхөн сайдад зориулан бүтээсэн цэргийн хүрмийг реппер Тимати Сергей Шойгуд бэлэглэжээ.

Реппер Тимати Батлан хамгаалахын сайд Сергей Шойгуд цэргийн хүрэм бэлэглэв

ОХУ-ын Зэвсэгт хүчний Жанжин штабын дарга, Батлан хамгаалахын сайдын нэгдүгээр орлогч Валерий Герасимов

ОХУ-ын Ерөнхийлөгчийн дэргэдэх Бизнес эрхлэгчдийн эрхийг хамгаалах бүрэн эрхт төлөөлөгч Борис Титов

Реппер Тимати

Эх сурвалж: РИА НОВОСТИ