“Данийн хааны балетын тэргүүн гоцлоочид Улаанбаатарт” | News.MN

“Данийн хааны балетын тэргүүн гоцлоочид Улаанбаатарт”

“Данийн хааны балетын тэргүүн гоцлоочид Улаанбаатарт”

Дэлхийд алдартай “Данийн Хааны Балет”-ын тэргүүн гоцлоочдын төгс тоглолтыг Улаанбаатарт үзэх ховорхон боломж балетын урлагийг хүндлэн дээдлэгч, сонирхогчдод тохиож байна.

Тоглолт ирэх зургадугаар сарын 29-нд "Corporate Convention Centre"-т 18.00 цагаас тоглогдох юм байна. Энэ талаар "Олон улсын урлаг боловсролын хөгжлийн академи" өнөөдөр /2019.05.27/ сэтгүүлчдэд мэдээлэл хийлээ.

"Данийн хааны балет" нь 1748 онд байгуулагдсан, балетын урлагийн анхдагчдын нэг хэмээн тооцогддог аж. Уг театрын балетчид нь АНУ, Канад, Франц, Румын, Испани зэрэг орнуудын тайзыг чимж явдаг төдийгүй дэлхийн балетын салбарт бишрэгддэг.

Үзэгч та энэхүү тоглолтод хүрэлцэн ирснээр "Хааны балет"-ын 33 дахь уран сайхны удирдагч ноён Николас Хюббегээр удирдуулж буй дэлхийн тэргүүн балетчидын, зуун зуун дамжсан нийгмийн тусгал, үе үеийн үзэгчдийн сэтгэл зүрхийг догдлуулсаар ирсэн суут туурвигчдын сор болсон сонгодог бүтээлүүдийн дээжийг үзэх болно. Түүнчлэн уг тоглолтын дундуур олон сонирхолтой хөтөлбөрүүд зохиогдохоос гадна, тоглолтын ашгаас нийгмийн сайн сайханд чиглэсэн буяны үйлсийн аян хэрэгжүүлэх юм.

"Олон улсын урлаг боловсролын хөгжлийн академи" нь цаашдаа улсдаа олон улсын урлаг, боловсролын сургалт, томоохон тоглолт,  уралдааныг зохион байгуулахаар төлөвлөж байна.

Б. НОМИНЧИМЭГ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-05-27 103.212.119.185

Энэ тоглолт Урлагийн академи гэдэгт ямар ч хамаагуй юмсан. Дани- Монголын нийгэмлэг, Монгол- Данийн нийгэмлэг санаачилж, хамтарч ажилласны хучээр хийгдэх гэж байгаа тоглолт юмсан. Монголын тал харин ч Данийн балетчдыг монголд тоглолт хийлгэхгуй талаас нь ажилласан даа. Дуурийн театрт тоглуулахгуй, ер нь тоглолт хийлгэх шаардлагагуй гэж хуртэл байсан даа.

NewsMN Гар утасны хувилбар Татах
NEWS.mn

Мэдээллийн эх сурвалж