Испани мэргэжилтэн Рафаэль Бенитес “Реал Мадрид”-ыг дасгалжуулахаар болоод байгаа билээ. Тэрбээр шинэ ажлаа “Энэ бол миний удаан хүлээсэн мөрөөдлийн ажил” гэж тодорхойлсон. Хэвлэлүүдийн мэдээлж буйгаар Рафаэль Бенитес “Реал”-ын тактикт хэд хэдэн өөрчлөлт хийх гэнэ. Үүнд, дэлхийн шилдэг хөлбөмбөгч Криштиано Роналдог төвийн довтлогчийн байрлалд гаргаж, харин зүүн жигүүрт Гарет Бэйлийг тоглуулах гэнэ.

Карло Анчелотти “Реал”-ыг удирдахдаа Криштиано Роналдог зүүн жигүүрт гаргаад, Гарет Бэйлийг баруун жигүүрт гаргасныг Бенитес өөрчилж, Роналдог төвийн довтлогчоор тавьснаар уэльс хөлбөмбөгч өөрийн дуртай зүүн жигүүртээ тоглох боломж нээгдэх юм байна. Харин Бенитесийн энэ шийдвэрээр бол Карим Бензема төвийн довтлогчийн байраа алдаж, нөөцөнд шилжих бололтой. Тиймээс ч Бензема энэ зун өөр баг руу явах магадлал улам ихэсч буй гэнэ.

Эх сурвалж: http://horom.mn