Дэлхийн эрүүл мэндийн байгууллагын (ДЭМБ) хорооноос цахим болон видео тоглоомд донтохыг олон улсын (ICD-11) ангиллын өвчнөөр бүртгэснээ бямба гаригт зарлажээ. Тоглоомд донтох үзэгдэл дэлхий дахинд өсч, олон улсын эмч мэргэжилтнүүдийн санааг зовоох болсон юм. ДЭМБ-аас өвчнөөр бүтгэснээр эрүүл мэндийн эмч мэргэжилтнүүдэд тоглоомд донтолтоос сэргийлэх, эмчлэхэд дэмжлэг болох аж. Тоглоомын донтсоноор тухайн хүн орчноос тусгаарлагдаж, өдөр тутмын амьдралын хэмнэлээ алдах, баяр баясалгүй, бусад зүйлд дур сонирхолгүй болох, өөрийгөө хянах чадвараа алдах, уур уцаартай болох зэрэг олон сөрөг үр дагавартай гэж үзэн өвчнөөр бүртгэжээ.

Өмнөд Солонгосын засгийн газраас ДЭМБ-ын жишгийн дагуу тоглоомд донтох үзэгдлийн эсрэг арга хэмжээ авахаар төлөвлөжээ. Компьютерын технологи өндөр хөгжиж, ухаалаг утасны хэрэглээ өссөөр байгаа нь Өмнөд Солонгост өсвөр үе, залуус сүүлийн үед тоглоомд донтох нь эрс нэмэгджээ. Тухайлбал, 2010 онд 15 настай хүү тоглоом тоглохоо боль гэж загнуулсныхаа төлөө ээжийнхээ амийг хөнөөж, дараа нь амиа егүүтгэсэн хэрэг гарч байжээ. Мөн тухайн онд Өмнөд Солонгосын шүүхээс тоглоомд донтсоноос хүүхдээ өлсгөж алсан гэр бүлийн хосыг хоёр жил шоронд хорих ялаар шийтгэсэн аж. Тэд виртуаль орчинд хүүхэд өсгөх тоглоомд донтож, төрсөн үрээ умартсан байжээ.

Эх сурвалж: Yonhap