Монголын мэргэжлийн хумс урлал, гоо сайхны нэгдсэн холбооны залуус хоёр дах жилдээ олон улсын зэрэглэлтэй “МBEAU-2019” тэмцээнийг эх орондоо зохион байгуулж байна. Шилдгүүд өнөөдөр тодорно. Өчигдөр эхэлсэн уг тэмцээнд урлалтын төрөл бүрт анхан, дунд, мастер шатны өрсөлдөөн болж буй. Энэ өрсөлдөөнд монгол залуус есөн орны залуустай өрсөлдөж бас туршлага солилцох юм байна.

Тэмцээний ялагчид ОХУ-ын Сочи хотод жил бүр зохиогддог олон улсын гоо сайхны фестивальд оролцох эрхийг гардуулна. Тэмцээний тухай Монголын Мэргэжлийн хумс урлал, гоо сайхны нэгдсэн холбооны тэргүүн Ж.Урантуяагийн хэлснээр гоо сайхан, хумс, сормуус урлаачдын хөдөлмөрийн стандартыг дэлхийн түвшинд хүргэж, мэргэжилтнүүдээ бэлтгэж, дахин сургаж мэргэшүүлэхийг зорьж байгаа аж.