БНХАУ пүрэв гаригт /2019.05.23/ дотооддоо үйлдвэрлэсэн цагт 600 километр хурдлах чадвартай хурдан галт тэрэгний туршилтын загварыг танилцуулжээ. Уг галт тэргийг тус улсын  төрийн өмчит CRRC (China Railway Rolling Stock Corporation) компани үйлдвэрлэсэн байна.

Бээжин, Шанхай хотуудын хооронд ердөө 3,5 цагийн хугацаанд зорчих боломжтой энэхүү галт тэргийг 2021 оноос үйлчилгээнд нэвтрүүлэхээр зорьж байгаа аж. Одоогоор эдгээр хотуудын хооронд нисэх онгоцоор зорчиход 4,5 цаг зарцуулж байгаа.

Төмөр зам, галт тэрэгний дугуй хооронд соронзон орны хүчээр хөндий зай үүсдэг. Ингээд ямар ч үрэлт, эсэргүүцлийн хүчний нөлөөгүйгээр хурдлах боломжийг бий болгодог “MAGLEV” технологийн тусламжтай галт тэрэг  хурдалдаг байна.

БНХАУ одоо “MAGLEV” технологийн галт тэргийг Шанхай хотын төвийг нисэх онгоцны буудалтай холбосон 30 км замд л ашиглаж байгаа. Энэхүү унаа нь цагт 431 км хурдалдаг бөгөөд өнөөдөр дэлхий дээр ашиглагдаж байгаа хамгийн өндөр хурдтай “MAGLEV” юм.

эх сурвалж:CNN