“Явуулын оффис” төрийн үйлчилгээг иргэдэд ойртуулна | News.MN

“Явуулын оффис” төрийн үйлчилгээг иргэдэд ойртуулна

“Явуулын оффис” төрийн үйлчилгээг иргэдэд ойртуулна

“Явуулын оффис” төрийн үйлчилгээг иргэдэд ойртуулна

Иргэдэд төрийн үйлчилгээг илүү ойртуулах, түргэн шуурхай үйлчлэх, төрийн үйлчилгээний чанар хүртээмжийг сайжруулах, иргэдийн санал хүсэлтийг хүлээн авч газар дээр нь шуурхай авах зорилгоор нийслэлийн Засаг дарга бөгөөд Улаанбаатар хотын Захирагч С.Амарсайханы хэлсний дагуу Нийслэлийн Засаг даргын Тамгын газраас  “Явуулын оффис” ажиллуулж эхэлсэн тухай мэдээллийг бид өчигдөр хүргэсэн.

Тэгвэл өнөөдөр Засаг даргын явуулын оффист Нийслэлийн үйлчилгээний нэгдсэн төвийн дарга  Б.Ууганбат ажиллаж, сэтгүүлчдэд мэдээлэл хүргэлээ. Тэрбээр “Төрийн захиргааны болон үйлчилгээний байгууллагуудын төлөөллүүд, нийслэлийн агентлагуудын албан тушаалтнууд “явуулын оффис”-т хуваарийн дагуу ажиллаж, иргэдийн өргөдөл гомдлыг хүлээн авч, газар дээр нь судалж шийдвэрлэх, зөвлөгөө мэдээлэл өгөх болно. Явуулын оффис ажиллаж байгаа тухайн байршилд иргэдээс гаргасан санал хүсэлт, үйлчилгээг шийдвэрлэсний дараа дараагийн байршилд очиж  ажиллана. Иргэдийн өмнө тулгамдаж  байгаа асуудлын хүрээнд тухайн дүүрэг, хорооны ямар байршилд очиж ажиллах,  бүрэлдэхүүнд нийслэлийн аль байгууллагын хэн гэдэг албан тушаалтан  ажиллах талаар мэдээллийг бид урьдчилан бэлтгэж хэвлэл мэдээллийн хэрэгслээр дамжуулан олон нийтэд хүргэнэ. Иргэд та бүхэн энэ дагуу өөрийн амьдарч байгаа дүүрэг хороонд нь хүрч ажиллах “Нийслэлийн Засаг даргын явуулын оффис”-т хандаж, тулгамдсан асуудлаа шийдвэрлүүлэх, өргөдөл гомдлоо гаргах боломжтой болж байгаа юм” гэлээ.

Явуулын оффис ирэх долоон хоногоос эхлэн урьдчилан мэдээлсэн хуваарийн дагуу ажлын өдрүүдэд 09.00-17.00 цагийн хооронд тодорхой байршлуудад очиж  ажиллах бөгөөд 7712-0000 тусгай дугаар дээр иргэдийн өргөдөл гомдлыг хүлээн авч холбогдох албан тушаалтнууд болон Нийслэлийн Засаг даргад уламжлан ажиллахаар болжээ.

Нийслэлийн ЗДТГ-ын Хэвлэл мэдээлэлтэй харилцах хэлтэс

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

СУДЛААЧ ИРГЭН 2019-05-24 202.9.42.63

БОДИТ ҮР ДҮН ГАРАГЖ АЖИЛЛААСАЙ ҮҮНИЙГ ДУУРАЙГААД ЛҮҮРГҮҮД ХАЖУУД НЬ БАС ЦУГ СУУГААСАЙ ТЭХГҮЙ БОЛ ОЛОН ТИЙШ ЯВЖ БИЧИГ ЦААС ЦУГЛУУЛАХ ҮНЭХЭЭР ХЭЦҮҮ БАЙГАА ДЭЛГҮҮР ТҮЦ БУУДАЛ АВТОЗАСВАР УГААЛАГ ГЭЭД ОРЛОГО ОЛДОГ БҮХ БАЙГУУЛЛАГУУДАД ЗӨВХӨН ҮЙЛЧИЛГЭЭ ЭРХЛЭХ ЗӨВШӨӨРӨЛ СУНГАХАД 40 ОРЧИМ БИЧИГ ЦААС ШААРДАЖ ГУРВАН САЯ ТӨГРӨНИЙ ӨРТӨГ БҮХИЙ ХОЁР Ч ДҮГНЭЛТИЙГ ГАРАГУУЛ ГЭЖ ШААРДАЖ БАЙГАА ХҮНД СУРТАЛ ТҮҮХЭНДЭЭ БАЙГААГҮЙ ТИЙМ ХЭМЖЖЭНД ХҮРЛЭЭ ҮЙЛЧИЛГЭЭ ЭРХЛЭХ ЗӨВШӨӨРЛИЙГ :: ЖИЛЭЭР ӨГЧ БОЛНОДОО

Avatar

50 ga 2019-05-24 122.201.22.223

T1t

NewsMN Гар утасны хувилбар Татах
NEWS.mn

Мэдээллийн эх сурвалж