АТГ: 98000 ам.доллар авлигад авсан хэргийг Прокурорт шилжүүлжээ | News.MN

АТГ: 98000 ам.доллар авлигад авсан хэргийг Прокурорт шилжүүлжээ

АТГ: 98000 ам.доллар авлигад авсан хэргийг Прокурорт шилжүүлжээ

Авлигатай тэмцэх газар/АТГ/-аас  өнөөдөр сэтгүүлчдэд ээлжит мэдээллээ хийлээ. Тус газар найман хүнийг яллагдагчаар татахаар хэргийг нь Прокурорт шилжүүлсэн бол 37 хэргийг хаах саналтайгаар Прокурорт, мөн зарим дуулиант хэргийг шүүхэд шилжүүлэх саналтайгаар прокурорт шилжүүлсэн  байна.

Тухайлбал, Эрүүл мэндийн яамны өндөр албан тушаалтнаар 2016-2017 онд ажиллаж байсан О нь ажил гүйцэтгүүлсэн нэр бүхий хуулийн этгээдүүдтэй хувийн харилцаа үүсгэж, өөртөө болон бусдад давуу байдал бий болгосон хэрэг.

Нийслэлийн хот төлөвлөлт Нийслэлийн хот төлөвлөлт, ерөнхий төлөвлөгөөний газрын хэлтсийн даргаар ажиллаж байсан Э нь “Барилгын ажлын зөвшөөрлийн гэрчилгээ”-г гаргахдаа албаны чиг үүргээ хэрэгжүүлснийхээ хариуд 20 сая төгрөгийн хахууль авсан гэх эрүүгийн хэргийг,

Хан-Уул дүүргийн Нийгмийн даатгалын хэлтсийн даргаар ажиллаж байсан С нэр бүхий иргэдэд Нийгмийн даатгалын сангаас тэтгэвэр, тэтгэмж олгохдоо үндэслэлгүйгээр илүү тогтоож, хээл хахууль, шан харамж авсан, өгсөн гэх хэргийг,

Баянзүрх дүүргийн харьяа  болон харьяаллын бус, мөн насанд хүрээгүй хүүхдүүдийг цэцэрлэгтээ авахгүй гэж хясан боогдуулж бусдаас хахууль авсан Боловсрол, соёл, шинжлэх ухааны яамны харьяа дугаар цэцэрлэгийн удирдах албан тушаалтанд холбогдох хэргийг,

Төрийн банканд ажиллаж байсан удирдах албан тушаалтнууд 4.7 тэрбум төгрөгийн зээл гаргахдаа 98.000 ам.доллар хахуульд авсан хэргүүдийг шүүхэд шилжүүлэх саналыг Прокурорт хүргүүлжээ.

Мөн өнгөрсөн сард 33400 албан тушаалтны ХОМ-ийн хураангуйг сайтад байршуулсан. Энэ нь иргэд ХОМ-ийг хянах, шүгэл үлээх бололцоог олгож байгаа. Иргэдээс энэ чиглэлийн гомдол мэдээлэл ирүүлбэл хүлээж авахад бүрэн нээлттэй.

ХОМ-ийг үнэн зөв мэдүүлээгүй таван албан тушаалтанд хариуцлага тооцсон байна. Албан тушаалтнууд нь өөрийн болон гэр бүлийн гишүүний хөрөнгө орлогыг үнэн зөв мэдүүлээгүй нь тогтоогдсон тул албан тушаалаас нь чөлөөлөх, цалинг нь бууруулах зэрэг арга хэмжээг авчээ.  Үүнд:

МИАТ ХК-ийн Сургалтын хэлтсийн дарга Б.Амарсанаа

Дорноговь аймгийн Замын-Үүд сумын ЗДТГ-ын Хөгжлийн бодлогын тасгийн дарга Н.Алтангэрэл

Санхүүгийн зохицуулах хорооны Банк бус санхүүгийн байгууллагын газрын дарга Б.Итгэлсүрэн

Санхүүгийн зохицуулах хорооны Хяналт шалгалт зохицуулалтын ахлах референт П.Ууганбаяр

Чингэлтэй дүүргийн Нийгмийн даатгалын хэлтсийн даргын үүргийг түр орлон гүйцэтгэгч Ш.Алтанчимэг нар юм байна.

Дараа нь сэтгүүлчдийн сонирхсон асуултад АТГ-ын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Т.Баярхүү хариуллаа.

-Нэг сайд арван сая ам.долларын  авлига авсан гэх хэргийг шалгаж байна уу?

-Арван сая ам.долларын авлигын хэргийг шалгах ажил АТГ-т  явагдаагүй. Үндсэн хуульд хүнийг шүүхээр гэм буруутайг нь тогтоох хүртэл гэм буруутайд тооцож болохгүй гэдэг зарчмын дагуу хүний нэр цохож мэдээлэл өгөх боломжгүй байна.

-Мэргэжлийн хяналтын ерөнхий газар /МХЕГ/-ын хэлтсийн дарга нар бусдыг хясан боогдуулж авлига авсан хэргийн хөөн хэлэлцэх хугацаа нь хэзээ дууссан юм бэ?

-Тус хэрэг нь шүүхээр шийдвэрлэгдсэн. Яагаад энэ албан тушаалтнууд гэмт хэрэгт холбогдох болов гэдгийг судалж үзсэн. Өөрөөр хэлбэл, МХЕГ-ын албан тушаалтнуудын үйл ажиллагааг нарийн журамлаагүй байсан нь авлига авах нөхцөл байдлыг бий болгосон байсан. Иймд журамтай болгож авлига авах нөхцөлийг хаах ажлыг  МХЕГ-аас  хийж байна. АТГ-т шалгагдаж байгаа хэрэг дээр хөөн хэлэлцэх хугацаа дууссан асуудал байхгүй. Хөөн хэлэлцэх хугацаа дууссан тохиолдолд мөрдөн байцаалтын ажиллагаа явуулах үндэслэлгүй болдог.

-Жижиг  дунд үйлдвэрлэлийг хөгжүүлэх сантай холбоотой боловсруулсан саналыг хүлээгээд авахаар ахиад ашиг сонирхлын зөрчил гарахаар үндэслэл байна гэж байсан. Өнгөрсөн долоо хоногт тус сангийн шинэчилсэн журмыг баталсан. АТГ-аас  тавьж байгаа шаардлагад шинэчилсэн журам нийцэж байна уу?

-АТГ-ын тавьсан шаардлагад 100  хувь нийцсэн гэвэл үгүй. Гэхдээ өмнөх зохицуулж байсан журмаас ахиц  гарсан  журам  болсон. Өөрөөр хэлбэл, тухайн зээлийг ямар үндэслэлээр сонгон шалгаруулах талаар тусгаж өгсөн. Өмнөх журамд тухайн зээлийг сонгон шалгаруулах эрх бүхий бүлэг хүмүүс асуудалд өөрсдийн үзэмжээр хандах нөхцөл бүрдсэн байсан.  Харин шинэ журмаар  олон асуудлыг тодорхой гаргаж өгсөн.  Мөн улс төрийн болон улс төрд нөлөө  бүхий этгээдүүд тухайн сангаас зээл авах эрхийг хязгаарласан гэх мэт авлига ашиг сонирхлын зөрчлөөс урьдчилан сэргийлэх чиглэлийн заалтууд орсон. Хэтэрхий  нарийн заалтаар зохицуулчихвал дээрх асуудал эрсдэл гарах боломжтой. Зарим талаараа эргээд зээл авах гэж байгаа иргэн аж ахуйн нэгж байгууллагын  эрхийг  хязгаарласан заалтууд орох боломж бүрдүүлнэ .

-Эрдэнэтийн 49 хувийн хэрэг ямар шатанд явж байна вэ? 

-Нийгэмд хүлээлт үүсгэсэн хэргүүд прокурорын хяналтад доор шалгагдаж байгаа. Яг тодорхой хэрэг дээр мэдээлэл өгөх боломжгүй байна.

Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
13
ХахаХаха
3
ТэнэглэлТэнэглэл
1
ХөөрхөнХөөрхөн
1
ХарамсалтайХарамсалтай
1
БурууБуруу
0
ЗөвЗөв
0
ГайхмаарГайхмаар
Баярлалаа!

Холбоотой мэдээ

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2019-05-24 64.119.23.228

Жижигүүдээс ганц нэгийг илрүүлсэн болоод ажил хисэн дүр эсгэх юм лаа. Том авилгачид бүгд замхарсан.

Avatar

Зочин 2019-05-24 202.9.45.187

Hm

Avatar

зочин 2019-05-24 66.181.180.41

АТГ ажлаа сайн хийгээд байгаам харин түүнийг нь прокурор шүүх 2 хэрэгсэхгүй болгоод байгаад хамаг учир байнаа энэ прокурор шүүх 2-г АТГ шалгаж сэгсрээч их юм гарна даа

Avatar

иргэн 2019-05-24 202.179.27.244

АТГ хичнээн Цаг зав хүч хөдөлмөр гаргаж Албан тушаалтангуудын Гэмт хэргийг Шалгаж
Прокурорт шилжүүлдэг Прокурор хянаж байна гэж баахан удаадаг эцэст нь Шүүх Албан тушаалтангуудын Хэргийг Хөөн хэлэлцэх хугацаа дууссан гээд Хэрэгсэхгүй болгож Цагаатгана ингээд АТГ-ын хийсэн ажил Ор мөргүй юу ч биш болж хувирна даа Хөөрхий

Avatar

ёхёх 2019-05-24 103.229.121.111

Ард түмэн биднийг доромжлоод байна даа.

Avatar

ёхёх 2019-05-24 103.229.121.111

АТГ гэж хөөрхий дөө зүгээр л нэг нүдээ хөдөлгөдөг хүүхэлдэй. Шулуухан хэлэхэд шоронд байгаа ялтнуудаа даруй чөлөөл.

Avatar

зочин 2019-05-24 103.57.94.56

ХОМ гэх юм муу муудаа дээрэлхүү гэдэг шиг л юм болох юм.доромжлоод байгаа юмуу.

Avatar

Иргэн 2019-05-24 66.181.177.22

Шал худлаа. Эд нар ажил хийсэн дүр эсгэж авилгач шүүгч, прокурорууд нь тавьж явуулсаар олон жилийг үдлээ. Энэ мал шиг шүүх прокурорууд нь ирээдүйгээ , үр хүүхдээ боддоггүй улс уу. Та нарын үр сад ямар нийгэмд амьдрах юм бэ? Та нарын авсан авилагаар баян амьдрана гэж бодож байгаа бол санасны чинь гарз

Avatar

ХҮРЭЛСҮХ 2019-05-24 174.50.62.78

ЖОНХУУ агаа бид хоёр засаг барьж байгаа цагт нэг ч авилгач шийтгэгдэх ёсгүй. Худлаа гэвэл саяхан тэрбумын авилга авсанаа хүлээн зөвшөөрсөн МХЕГ-н байцаагчдаас асуугаарай. Авилгач авилгачидаа хайртай байдаг юм. Би мужик хүн шүү.

Avatar

Zochin 2019-05-24 49.0.212.145

Илрүүлсэн ганц нь 98мянган доллар, цаанаа илрээгүй нь 980 сая доллар байгаа шүүдээ

Avatar

Zochin 2019-05-24 24.46.102.95

Tegeed 14 honog barivchlaad gargachihdag ulamjlaltai shuudee

Avatar

zochin 2019-05-24 59.153.112.222

90 onoos xoish turd ajillasa ulsuud bayajsa bol bigd alviga avasa ene bol amidraliin unen xuuliig bol xeseg ulsuud bichdeg yum

Avatar

Зочин 2019-05-24 202.21.102.226

Shuuhiin shiidver garaagui bhad huniig gemt hereg uildsen gej zarlah ni buruu shu. ene bol sain jishig. ter byasaa joom geed bgaa mal chi harin byasaa joomond avliga ugdug terneesee ch doloon dor tarhitai b**s bn shu

Avatar

zochin 2019-05-24 62.47.240.34

Byasaa joomni araas ajlaa sain hiisen bna BAYr HUrGYE HOHOHO!!!!! Gehdee tom garuudin hoinoos guij chadahgui tul tanai baiguullaga tatan buulgaval taarna bitgii ard tumni tatvarin munguur hereggui byasaa joom huudug humuus tsalinjuulaad bai

Avatar

zochin 2019-05-24 62.47.240.34

Haha dandaa byasaa jomni hoinoos huutsuldsun bna!!!! Nuguu AKULuudaa hariutslaga uruulj chadahgui bna uu? ATG funny

Avatar

Зочин 2019-05-24 202.126.89.131

Эрдэнэтуяагийн хэргийг хэрэгсэхгүй болгохоор дээд шүүхээс анхан шатны шүүхэд нөлөөлж бгаа гсэн. Эхлээд хонгилын шүүгчдийг цэвэрлэ. Тэхгүй бол бөөн зардал гаргаж шалгаад ямар ч нэмэргүй. Шүүгч нарын хөрөнгө орлогын хэрэг яасан бэ?

Avatar

зочин 2019-05-24 202.9.42.144

хөөн хэлэлцэх хуцаа дуусаа биз ойлгомжтой жижигчүүдийн жижигхэн мөнгө хөөдөг хугацаа байхгүй шууд шорон арван жилтэй

Avatar

зочин 2019-05-24 103.9.90.98

АТГынхэн юу ч мэдэхгүй зарим хэргийн холбогдогч нарыг хэлж болохгүй, хүний эрх энэ тэр ч гэх шиг. Нэг л их телевиз хэвлэлээр гараал юу мэдээлэх нь вэ гэхээр ву ч байхгүй. Болимоор юм дөө энэ мангар бацаанууд

Avatar

Иргэн 2019-05-24 122.201.31.224

Дугуйн зам тавьсангэх өсуудлыг шалгаач Нарны зам дагуу зүгээр л өудчихсан Ядаж налууг нь ч хийгээгүй

Avatar

Барилгын яамны авилгачин дарга нарыг АТГ шалгаж өгнө үү !!!!!!!!!!!!!!! 2019-05-24 195.206.105.217

Барилга, хот байгуулалтын яамны Төрийн нарийн бичгийн дарга С.Магнайсүрэн, Санхүүгийн хэлтсийн дарга Д.Баярсайхан нарыг АТГ хэзээ шалгах вэ? Барилгын яаманд зарлагдсан бүх тендерийг авилгал авч шалгаруулсан. Дараа барилгын гүйцэтгэл дээр гарын үсэг зурахдаа заавал хувь авж байж зурдаг. Барилгачин бид хэцүү байна шүү үнэндээ. Энэ шуналтай авилгачдын чинь авилгалыг өгөх гэж хэдэн ажилчидынхаа цалинг хүртэл бүрэн олгож чадахгүй байна. АТГ энэ хоёр авилгачинг хэзээ шалгаж бидэнд нар үзүүлэх вэ ?????

Avatar

Зочин 2019-05-24 202.126.89.232

Hariya baiguulgad ni gomdloo ugchmuur l yum bn.

Avatar

ХАРУУЛ ЗАНГИ 2019-05-24 66.181.167.53

ИЙМ ЮМ ЯРХИХ Ч ГЭЖ ДЭЭ. ХӨГИЙН ЮМААР ХӨӨЦӨЛДЧИХӨӨД АЖИЛ ХИЙСЭН ГЭЖ ХЭЛЭХЭЭСЭЭ ИЧЭЭЧ. НӨГӨӨ ТОМ ТОМ ХЭРЭГҮҮД ЯАСАН БЭ. ЖДҮ ХЭРЭГ ЮУ БОЛОВ. МХЕГ-ИЙН ХЭРГИЙГ СЭРГЭЭГЭЭД ШАЛГААЧ. АТГ АЖЛАА МУУ ХИЙЖ БАЙНА

Avatar

Зочин 2019-05-24 66.181.176.254

Хахаха. Цалин бууруулаад ок тээ

Avatar

Зочин 2019-05-24 203.91.115.55

Suu xxk nii ner turd haldah hereggui mongoliin hamgiin naidvartai uildver gedgiig zahiin hun medne er ni tegeed hulgana tarag uuj boliishde taragand durtai hulgana bjlde

NewsMN Гар утасны хувилбар Татах
NEWS.mn

Мэдээллийн эх сурвалж