Ч.Улаан: 60 гаруй тэрбум төгрөгийн хөрөнгө оруулалт хийгдлээ | News.MN

Ч.Улаан: 60 гаруй тэрбум төгрөгийн хөрөнгө оруулалт хийгдлээ

Ч.Улаан: 60 гаруй тэрбум төгрөгийн хөрөнгө оруулалт хийгдлээ

Ч.Улаан: 60 гаруй тэрбум төгрөгийн хөрөнгө оруулалт хийгдлээ

Монгол Улсын Засгийн газрын 2016-2020 оны үйл ажиллагааны хөтөлбөрийг хэрэгжүүлэхтэй холбоотой “Мах, сүүний анхдугаар аян”, “Атрын III аян”-ыг хэрэгжүүлэх шийдвэр гарч аянд шаардагдах хөрөнгийг жил бүрийн улсын төсөв, хөрөнгө оруулалтын хөтөлбөрт тусгаж, гадаад улс, олон улсын байгууллагын зээл, тусламжид хамруулах замаар шийдвэрлэж байхыг даалгасны дагуу “Хөдөө аж ахуйн бүтээгдэхүүний үйлдвэрлэлийг дэмжих” төслийг хэрэгжүүлж байна.

Энэ Төслийн хүрээнд нийт 24.5 сая ам. долларын хөрөнгөөр газар тариалангийн үйлдвэрлэлд нэн хэрэгцээтэй байгаа 50-165 м.х-тэй трактор 186 ширхэг, хадлангийн зориулалттай 40 иж бүрдэл техник, таримал тэжээл үйлдвэрлэлийн зориулалттай 20 иж бүрдэл техник, үр тариа, тэжээлийн таримлын 50-125 га талбайг услах 130 ширхэг бороожуулагч, төмс, хүнсний ногооны 1-10 га талбайг услах 116 ширхэг дунд болон бага оврын бороожуулагч, жимс, жимсгэнийг услах зориулалт бүхий 90 ширхэг дуслын усалгааны систем болон 110мм-450 мм диаметр бүхий усалгааны хуванцар хоолой тус тус нийлүүлэгдээд байна.

Нийлүүлэгдэж байгаа хөдөө аж ахуйн трактор, техник, хүнсний ногооны бага оврын бороожуулагч, тоног төхөөрөмж, усалгааны хоолойг 10 хувийн урьдчилгаа төлбөртэй,  8 жилийн хугацаатай жилийн 2 хувийн хүүтэй зээлээр олгож байна.

Харин том, дунд оврын бороожуулагч, дуслын усалгааны системийг урьдчилгаа төлбөргүй 12 жилийн хугацаатай жилийн 2 хувийн хүүтэй нөхцөлөөр тус тус олгож эхлээд байна.

Эдгээр техник тоног төхөөрөмжүүдийг тариаланчдад гардуулан өгөх үйл ажиллагаанд ХХААХҮ-ийн сайд Ч.Улаан, БНХАУ-аас  Монгол Улсад суух Онц бөгөөд бүрэн эрхэт элчин сайд Шин Хай Мин нар тэргүүтэй албаныхан гардуулан өгсөн юм.

Төслийг хэрэгжүүлснээр төмс, хүнсний ногоо үйлдвэрлэлийн зүтгэх хүчний техникийн хүчин чадал одоо байгаа төвшнөөс 10%-иар нэмэгдэж жилдээ 100.0 мянган тонн хадлан тэжээл, 10.0 мянган тонн таримал тэжээл бэлтгэх, үр тарианы 9000 га, төмс, хүнсний ногооны 770 га, жимс, жимсгэнийн 150 га талбайг услах техникийн чадамж шинээр бий болно. Энэхүү төслийг хэрэгжүүлснээр үр тариа, төмс, хүнсний ногооны аж ахуй эрхэлдэг иргэн, аж ахуйн нэгжид техникээ шинэчлэх, эрчимжсэн мал аж ахуй, усалгаатай тариаланг хөгжүүлэхэд томоохон дэмжлэг болох юм. Төслийн хэрэгжүүлснээр жилдээ 5,0 тэрбум төгрөгийн хадлан тэжээл, 4,0 тэрбум төгрөгийн таримал тэжээл, 1,5 тэрбум төгрөгийн хүнсний ногоо тариалж хураан авах боломжтой болно. Нийт 450 хүний ажлын байр шинээр нэмэгдэх юм.

Эх сурвалж: ХХААХҮЯам

"Болор дуран"-аар шалгав.
Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2019-05-23 66.181.179.233

Улаан сайдаа Юун хятадын техникийг нэвтрүүлээд эхлэв. Цаашдаа энэ юунд хүргэхэв гэдгийг сайн бодсонгүй дээ. Өөрөө ч яахав хятадуудтай нийлж бизнес хийдэг гэж дуулдсан. Энэ хятадын техникийг оруулж ирэх үндэслэл болох ёсгүй байлтай. Урьд өмнө ХАА-н салбарт баримталж байсан техникийян бодлогоос 180 градусаар эргэж байдаг. Сайд байх хугацаа чинь жил гаруйхан шүү.Монголыг хятаджуулах бодлогоо болиорой.

Avatar

зочин 2019-05-23 59.153.115.171

Хятадтай нийлээд мах бензины үнийг тэнгэрт хадаахлаар жар гаруй тэр бумын орлого оролгүй яахав,харин дараа нь яах юм болдоо

Avatar

Зочин 2019-05-23 64.119.19.101

Энэ х***а трактороо болиочээ. өмнөх сэгүүд нь лизингээ ч төлөөгүй байхад эвдрээд Монголоор дүүрчихсэн.

Avatar

oght vkd elfngnty gld;d; 2019-05-23 103.212.117.61

glekd dgnht;efmkre

Avatar

Огцор 2019-05-23 103.212.117.61

Огцор

NewsMN Гар утасны хувилбар Татах
NEWS.mn

Мэдээллийн эх сурвалж