Ерөнхийлөгч Х.Баттулга парламентыг тарахыг дахин шаардлаа | News.MN

Ерөнхийлөгч Х.Баттулга парламентыг тарахыг дахин шаардлаа

LiveЕрөнхийлөгч Х.Баттулга парламентыг тарахыг дахин шаардлаа

Ерөнхийлөгч Х.Баттулга парламентыг тарахыг дахин шаардлаа
15 : 40
2019-5-23

Ерөнхийлөгч Х.Баттулга: Энэ парламентыг тарахыг дахин шаардлаа

УИХ-ын чуулганы үдээс хойших хуралдаан эхэллээ. Чуулганы хуралдааны эхэнд Монгол Улсын Ерөнхийлөгч Х.Баттулга үг хэллээ. Монгол Улсын Ерөнхийлөгч өмнө нь энэ парламент, УИХ-ыг тарахыг шаардаж байсан бөгөөд энэ удаад ч мөн дахин шаардаж байна гэлээ.

Монгол Улсын Ерөнхийлөгч Х.Баттулга:

-Миний бие энэ удаад өмнө нь тавьж байсан 2018 оны аравдугаар сарын 29-ний өдөр УИХ өөрөө тарах шийдвэр гарах саналыг дахин тавьж байна. Хагас жил орчим хугацаа өнгөрөхөд УИХ үйл ажиллагаа, ёс зүй нь сайжирсангүй, улам дордож иргэд сонгогчдын итгэлийг бүр мөсөн алдахад хүрээд байна. Тиймээс УИХ-ын тухай хуулийн 31-р зүйл  31.1 дэх заалтыг үндэслэн УИХ бүрэн эрхээ хэрэгжүүлэх боломжгүй болсон тул хугацаанаасаа өмнө тарах асуудлыг хэлэлцэн тогтоол гаргахыг дахин санал болгож, уриалж байна.

2016 оны сонгуулийн дүнгээр бүрдсэн УИХ байгуулагдсан цагаасаа хойш сонгогчдын итгэлийг хөсөрдүүлэх, ард түмний эрх ашигт харшлах олон зүйл, гэмт үйлдлүүдийг удаа дараалан хийж ирлээ. Нэхэн сануулбал, Ж.Эрдэнэбатын Засгийн газар ашиг сонирхлын зөрчилтэй, асар өндөр үнийн дүнтэй концессын гэрээнүүдийг Засгийн газар, УИХ-ын гишүүд болон хамаарал бүхий этгээдүүдтэй гэрээ байгуулж, олон алдаатай бодлого явуулсны дүнд огцорсон. УИХ-ын 39 гишүүн өргөсөн тангаргаасаа ухарч, төрийн албаны ёс зүйг уландаа гишгэн ЖДҮХС-аас нэн хөнгөлөлттэй нөхцөлөөр зээл авсан нь олон зүйлээр тогтоогдсон.  УИХ-ын гишүүд хуулийг өөрсдийн эрх ашигт нийцүүлэн өөрчлөх замаар гэмт этгээдүүдийн хөөн хэлэлцэх хугацаа дууссан нэрийдлээр хуулийн хариуцлагаас мултлах, хүчин, хүн амины хэрэгт нэр холбогдох, авлигын хэрэгт сэрдэгдэх нь улам даамжирч, УИХ-ын гишүүд ард түмний төлөөлөл байх ёс зүйн чадамжаа алдаж байна.  аад зах нь Төрийн ордны тухай хуулийн заалтуудыг ноцтойгоор зөрчиж, албан тасалгаандаа согтууруулах ундаа хадгалах, хэрэглэх байдал даамжирснаас эрдэнэт хүний амь сүйдэх нөхцөл ч үүсчээ.

Та бүхний батлан гаргасан Татварын багц хуульд хүний эрх, эрх чөлөөг хясан боогдуулах зүйл, заалт өчнөөн олноор орсон, Сангийн сайд нь өөртөө шүүх эрх мэдлээс давсан олон боломж гаргасан, бизнес эрхлэгчдийн өмчлөх, чөлөөтэй зорчих эрхэд халдсан, иргэншлийн ололт болсон хязгаарлагдмал хариуцлагатай компанийн суурь зарчмыг эвдсэн олон заалтыг бусдын нөлөөлөлд автсан байдлаар оруулсныг УИХ асар хайхрамжгүйгээр, хянан үзэлгүйгээр баталлаа.

Улсын хөгжил дэвшлийн үндэс нь Төр, төрийн албан хаагчид шударга ёсыг үлгэрлэн сахидаг, ёс зүйн хэм хэмжээг ягштал хэрэгжүүлдэг байх явдал гэдгийг эрдэмт мэргэд эрт үеэс сургаж ирсэн билээ. Өнөөгийн Монгол Улсад УИХ нь ёс зүйгүй явдал, увайгүй хандлагын үлгэр жишээ болсноос бус, ард олныг итгүүлэн үнэмшүүлэх, сайн сайханд манлайлан дагуулах чадваргүй байна. УИХ-ын гишүүдийн дийлэнх нь гэмт хэрэг, авлига, ёс зүйн доголдолд нэр холбогдсон, хатуухан хэлэхэд УИХ маань “гэмтнүүдийн чуулбар” болсон аятай дүр төрхийг үзүүлэх болсныг  ард түмэн ил тодоор шүүмжлэн хэлэлцэх болжээ. Та бүхнийг улс төрийн эр зориг гарган, үндэстний эрх ашгийг дээдлэн УИХ-ыг өөрөө тарах шийдвэрт хүргэхийг би дахин уриалж байна. Та бүхэн зоригловоос энэ нь төрт ёсны түүхнээ цэгц шударгын жишиг болон үлдэх бөгөөд Монголын төр өөрийгөө ариусган цэвэршүүлэх чадвартай болохыг монголчуудад төдийгүй дэлхий нийтэд нотлон харуулах буянт үйлс болох нь дамжиггүй. Улам бүр явцууран мухардаж байгаа УИХ-ын үйл ажиллагааг хэвийн горимд аваачих, улс төрд эрс шинэчлэлийг өрнүүлэхэд Та бүхний эр зориг, шударга хандлага юу юунаас чухлаар шаардагдаж байгааг ойлгон мэдэрч, сонгогчдынхоо төлөө, эх орныхоо ирээдүйн төлөө хэцүү боловч чухал шийдвэрийг гаргахад гишүүдээ оройлон зориглогтун.

Энэ бол Та бүхний хийж чадах хамгийн ариун үйл болон ард олонд дэмжигдэх болно.

Сануулахад, Ерөнхийлөгч Х.Баттулга өмнө нь 2018 оны аравдугаар сарын 29-ний өдөр УИХ-ын бүрэн эрхээ хэрэгжүүлэх боломжгүй гэж үзэж өөрөө тарах шийдвэр гаргахыг УИХ-ын дарга М.Энхболдод хүргүүлж байсан юм.

Ийнхүү Ерөнхийлөгчийг үг хэлсний дараа УИХ-ын дарга Г.Занданшатар "УИХ-ын үйл ажиллагааг шинэчлэхээр, хурууны хээгээр санал авахаас эхлээд олон дэвшилтэт үйл ажиллагаа явуулж байгаа. УИХ-аар зайлшгүй хэлэлцэх шаардлагатай хуулийн төсөл хэлэлцэж байгаа болон хэлэлцэх асуудлын дараалалт оруулаагүй учраас энэ асуудлыг хэлэлцэх боломжгүй гэлээ.

Ингээд чуулганы хуралдаанаар 2020 оны Үндсэн чиглэлийг хэлэлцэж, зарчмын зөрүүтэй саналын томьёоллоор санал хурааж байсан ч гишүүдийн ирц хүрэхгүй байгаагаас зарим энэ асуудлаар МАН-ын бүлэг нэг хоногийн завсарлага авлаа.

Одоо чуулганы хуралдаанаар Монгол Улсын нэгдсэн төсвийн 2020 оны төсвийн хүрээний мэдэгдэл, 2021-2022 оны төсвийн төсөөллийн тухай хуулийн төсөл болон хамт өргөн мэдүүлсэн “Засгийн газрын өрийн удирдлагын 2019-2022 оны стратегийн баримт бичиг батлах тухай” УИХ-ын тогтоолын төслийн анхны хэлэлцүүлгийг хийж, зарчмын зөрүүтэй саналын томьёоллоор санал хурааж, эцсийн хэлэлцүүлэгт шилжүүллээ. 

Үүгээр УИХ-ын чуулганы өнөөдрийн хуралдаан өндөрлөлөө.

11 : 52
2019-5-23

Чуулган: 2020 онд 10,2 их наядын 118 төсөл, арга хэмжээ хэрэгжүүлнэ

УИХ-ын чуулганы хуралдаанаар Монгол Улсын эдийн засаг, нийгмийг 2020 онд хөгжүүлэх үндсэн чиглэл батлах тухай УИХ-ын тогтоолын төслийг хэлэлцлээ. Тогтоолын төсөл нь Монгол Улсын тогтвортой хөгжлийн үзэл баримтлал-2030, Засгийн газрын 2016-2020 оны үйл ажиллагааны хөтөлбөр, Гурван тулгуурт хөгжлийн бодлого зэрэг хөгжлийн дунд, урт хугацааны бодлогын баримт бичгүүдтэй хэрхэн уялдаж байгаа талаар нягтлан үзсэн байна. Ингэхэд Монгол Улсын тогтвортой хөгжлийн үзэл баримтлал-2030 бодлогын баримт бичгийн 58 хувьтай, Засгийн газрын 2016-2020 оны үйл ажиллагааны хөтөлбөрийн 90 хувьтай, салбаруудын төрөөс баримтлах бодлогын баримт бичгүүдтэй 23 хувь нь тус тус нийцсэн байна хэмээн ажлын хэсэг үзсэн байна. 2020 оны Үндсэн чиглэлд нийтдээ 118 төсөл арга хэмжээ хэрэгжүүлэхээр төсөвлөсөн бөгөөд үүнд нийтдээ 10,2 их наяд төгрөгийн санхүүжилт шаардлагатай.Үүнээс улсын төсвөөс 1,3 их наяд, олон улсын зээл, тусламжаар 2,1 их наяд, хувийн хэвшлийн санхүүжилтээр 6,1 их наяд, бусад эх үүсвэрээс 600 гаруй тэрбум төгрөгийг тус тус төсөвлөөд байгаа аж.

Хэлэлцэж буй асуудалтай холбогдуулан УИХ-ын гишүүд асуулт, тодруулга авлаа. Тухайлбал,

УИХ-ын гишүүн С.Бямбацогт:

-Үндсэн чиглэлээ бид маш нухацтай ярьж, өнгөрсөн гурван жилийн хугацаанд Засгийн газрын мөрийн хөтөлбөрийн биелэлт, үлдэж байгаа хугацаанд юуг анхаарах талаар дүгнэлтээ хийсний дараа 2020 оны үндсэн чиглэлийг хэлэлцэх байсан. Өмнөхөө дүгнэсний дараа дараагийн төлөвлөгөөгөө яримаар байх юм. УИХ төрийн бодлогыг тодорхойлж, Засгийн газар хэрэгжүүлж, УИХ эргэж хяналт тавьдаг. Засгийн газрын мөрийн хөтөлбөр яаж хэрэгжиж байна, үлдсэн нэг жилийн хугацаанд юу хийж амжуулах вэ гэдгээ сайтар ярилцах ёстой. Ирэх жил Засгийн газрын мөрийн хөтөлбөр хэдэн хувьтай биелэх боломжтой вэ.

Байнгын хорооны дарга Ж.Ганбаатар:

-Үндсэн чиглэлийг зургадугаар сарын 1-нд хэлэлцэж дуусгах ёстой байсан. Өргөн барьсан цаг хугацаа нь ингэж таарч байгаа. Үндсэн чиглэл бол гадаадын зээл тусламжаар юу хийх, улсын төсвийн хөрөнгөөр юу хийх вэ гээд маш чухал бичиг баримт байгаа юм.

УИХ-ын гишүүн Д.Хаянхярваа:

-Сүүлийн жилүүдэд Үндсэн чиглэлийг цагийн тулгаж оруулж ирээд, асуудалд нухацтай хандаж чаддаггүй. Бид мөрийн хөтөлбөрт туссан зүйлсийг эргэж нэг харах шаардлагатай гэж бодож байна. Эдийн засгийн чөлөөт бүс байгуулах асуудлыг 20 гаруй жилийн өмнө бид эхлүүлж байсан. Гэтэл сая Хятадын талтай эдийн засгийн чөлөөт бүс байгуулах асуудлыг хийнэ гэж ярих боловч албан ёсоор гэрээ байгуулаагүй гэж сонссон. Эдийн засгийн чөлөөт бүстэй холбоотой асуудлаа явуулахгүй бол ярьсаар 20 жил болж байна. Мөн сүүлийн жилүүдэд бид махны экспортоо нэмэгдүүлнэ гэж байсан ч өчигдөрхөн махны экспортод квот тогтооно гээд ярьж байна. Цаашид бид нөөц бүрдүүлэх чиглэл рүү анхаарахгүй бол өнөөдрийнх шиг нөхцөл байдал үүснэ. Түүнээс гадна халх голын ройнд экспортын хүнсний ногооны чиглэлийн бүсийг бий болгож, эрүүл хүнсний ногоог тарьж, экспортлох чиглэлээр ажиллавал бид уул уурхайгаас илүү ашиг олж болох юм шиг харагдаад байгаа юм.

УИХ-ын гишүүн Б.Саранчимэг:

-2017 онд биеийн тамир, спортын дэмжих хууль болон түүнийг дагаж мөрдөх эрүүл мэндийн даатгалын тухай хууль батлагдсан. Энэ хуулиар фитнесс, иог гэх мэт магадлан итгэмжлэгдсэн байгууллагаар иргэд үйлчлүүлж, эрүүл мэндийн даатгалаараа үйлчлүүлэх боломжтой. Энэ хуулийг яаралтай хэрэгжүүлэх шаардлага байна. Салбарын яамдаас магадлан итгэмжлэх журам батална гэж байгаа ч тойргоор иргэдтэй уулзахад энэ санал маш зөв байсан ч хэрэгжүүлэх чиглэлд нь анхаараач гэсэн саналыг маш их тавьж байсан. Тиймээс энэ магадлан итгэмжлэх журмыг баталж, хэрэгжих чиглэлд салбарын сайд нар нь анхаарах шаардлагатай байна. 2019 онд Үндсэн чиглэлд тусгагдсан ч хэрэгжээгүй байгаа нэг ажлын нэг нь энэ юм. Тиймээс 2020 онд зайлшгүй оруулах шаардлагатай байгаа юм.

УИХ-ын гишүүн, ажлын хэсгийн ахлагч  Я.Содбаатар:

-Салбарын яамдаас энэ хуулийн хэрэгжилтийг 2019 онд багтаагаад хийх боломжтой учраас 2020 оны Үндсэн чиглэлд оруулах шаардлагагүй гэдэг санал гаргасан учраас байнгын хорооны хуралдааны үеэр энэ санал дэмжигдээгүй.

УИХ-ын гишүүн Б.Батзориг:

-2020 оны Үндсэн чиглэл маш чухал бичиг баримт. Ажлын байрыг нэмэгдүүлэх, аж ахуй нэгжийг орлоготой болгож байж улс орон хөгжинө. Ажлын байрыг нэмэгдүүлдэг салбар бол хөдөө аж ахуй, аялал жуулчлалын салбарууд юм. Бид дотооддоо нэмүү өртөг шингээж, ажлын байр нэмэгдүүлэхийн тулд ноолуур хөтөлбөрийг баталсан. Мөн үйлдвэржилт-100 хөтөлбөр баталсан.Энэ хөтөлбөрүүд цаашид яаж хэрэгжиж явах вэ. Түүнээс гадна аялал жуулчлалыг татах чиглэлээр салбарын яам ямар бодлого хэрэгжүүлж байна вэ. Жуулчид манай улсыг зорьж ирэх боловч тийзний үнэ өндөр байдаг гэх мэтчилэн асуудал олон байдаг.

УИХ-ын гишүүн, ажлын хэсгийн ахлагч  Я.Содбаатар:

-Үндсэн чиглэлд тодорхой суусан ч хөрөнгө мөнгөний хувьд дутагдалтай зүйл бас бий. Тиймээс ч ноолуурын салбар дээр 400 тэрбум, үйлдвэржилт-100 дээр 500 тэрбум төгрөг нэмэх саналыг байнгын хороон дээр гишүүд санал гаргасан. Үүгээр санал хураах байх. Аялал жуулчлалын тоог нэмэгдүүлэх, 2020 онд нэг сая жуулчин татахын тулд тодорхой арга хэмжээ авах ёстой гэдэгтэй гишүүд санал нэг байна.Үүн дотроо онгоцны тийзний асуудлыг хөндөж байх шиг байна. Энэ жил 110 мянга орчим суудал нэмэгдэж байгааг Зам тээврийн хөгжлийн яамнаас мэдэгдсэн. Долдугаар сарын 1-нээс хоёрдогч тээвэрлэгчийг эхлүүлнэ гэж салбарын яамнаас мэдээлж буй. Өнөөдрийн байдлаар тийзний үнэ  буурч байгаа гэдгийг албаныхан хэлж байна.

Ийнхүү гишүүд үг хэлж дууссаны дараа зарчмын зөрүүтэй саналын томьёоллоор санал хураах чуулганы үдээс хойших хуралдаанаар үргэлжлүүлэхээр боллоо.

Үдээс хойш 15.00 цагт чуулган хуралдана.

10 : 35
2019-5-23

Чуулган: Т.Аюурсайханыг байнгын хорооны даргаар томиллоо

УИХ-ын чуулганы өнөөдөр /2019.05.23/-ийн хуралдаан эхэллээ. Хуралдаанаар байнгын хорооны даргыг чөлөөлөх, Цахим бодлогын түр хорооны бүрэлдэхүүнд өөрчлөлт оруулах төсөл болон 13 хуулийн төслийг хэлэлцэхээр төлөвлөсөн юм. Хэлэлцэх асуудалтай холбоотойгоор хүүхдийн мөнгийг хүсэлт гаргасан хүүхэд бүрт олгох хуулийн төслийг яаралтай хэлэлцэх саналыг УИХ-ын гишүүн С.Бямбацогт онцолсон юм.

Мөн УИХ-ын гишүүн Д.Тэрбишдагва “Оюутолгойн ажлын хэсгийн дүгнэлтийг УИХ-ын Эдийн засгийн байнгын хороогоор хэлэлцсэн. Ажлын хэсгийн дүгнэлтэд дөрвөн гишүүн гарын үсэг зураагүй, бусад гишүүд нь гарын үсгээ зурсан. Бүлэг дэмжсэн байгаа. Тэгэхээр ажлын хэсгийн дүгнэлтийг хэлэлцэх асуудлыг тодорхой болгох  шаардлагатай байна. Ажлын хэсгийн Т.Аюурсайхан нарын зургаан гишүүн ажлын хэсгийн дүгнэлт хангалтгүй гэсэн хүсэлт гаргасан байсан. Тэгэхээр ажлын хэсгийн дүгнэлтийг хэлэлцэх асуудлыг ойрын хугацаанд шийдвэрлэж өгөх хэрэгтэй байна. Ард түмэн, Засгийн газарт хүлээлт үүсгэж, асуудал үүсээд байна. Тиймээс хойшлуулашгүйгээр шийдвэрлэх асуудлыг УИХ-ын дарга зохицуулж өгнө үү” гэсэн хүсэлт гаргасан юм. Харин УИХ-ын дарга Г.Занданшатар ажлын хэсгийн дүгнэлтийг ирэх долоо хоногт хэлэлцэнэ гэдгийг онцолсон юм.

Мөн Эрүүгийн хууль, хөөн хэлэлцэх хугацаатай холбоотойгоор хуульд нэмэлт, өөрчлөлт оруулах хуулийн төслийг боловсруулаад холбогдох байгууллагуудаас саналаа авч байгаа гэлээ. Энэ талаар Хууль зүй, дотоод хэргийн сайд Ц.Нямдорж “Эрүүгийн хуулийг үндсээр нь оролдохгүй бол болохгүй байна. Энэ хууль өөрөө буруу хууль байсан. 2017 онд өөрчлөлт оруулаад, 2018 онд дахин өөрчлөлт оруулсан. Энэ эх захгүй зүйлийг та нар өөрсдөө хийсэн шүү дээ. Цогцоор нь засах санал оруулж ирнэ. Өөрсдөө галзуу хүн шиг юм хийчихээд, дараа нь надаас хариуцлагаа нэхэх хэрэггүй шүү. Х.Нямбаатар аа, чиний энэ тодрох гэсэн үйлдэл чинь чиний аминд ч хүрч мэднэ шүү, одоо болно” гэв.

Ингээд чуулганы хуралдаанаар Аюулгүй байдал, гадаад бодлогын байнгын хорооны даргыг чөлөөлөх, өөрчлөх асуудлыг хэлэлцлээ. Тус байнгын хорооны дарга О.Содбилэгийг чөлөөлж, түүний оронд УИХ-ын Т.Аюурсайханыг томилох санал гаргасныг хуралдаанд оролцсон гишүүдийн олонх дэмжиж, томиллоо. Мөн чуулганы хуралдаанаар Цахим бодлогын түр хорооны бүрэлдэхүүнийг өөрчлилж, зарим гишүүдийг чөлөөллөө.

Чуулганы хуралдаан үргэлжилж байгаа бөгөөд Монгол Улсын эдийн засаг, нийгмийг 2020 онд хөгжүүлэх үндсэн чиглэл батлах тухай УИХ-ын тогтоолын төслийг хэлэлцэж байна.

 

"Болор дуран"-аар шалгав.
Энэ мэдээнд өгөх таны сэтгэгдэл?
19
ТэнэглэлТэнэглэл
11
ЗөвЗөв
2
ХахаХаха
2
БурууБуруу
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

65 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Хэцүү дээ, хэцүү 2019-05-23 202.9.42.139

ерөнхийлөгч та үнэхээр шударга эх орон ард түмнийхээ төлөө гэсэн сэтгэлтэй бол эхлээд өөрөө огцор доо ….харъя.Чадахгүй бол битгий ард түмний сэтгэхүйгээр тоглоод бай…Сөхөрч гүйцлээ шүү……

Avatar

Зочин 2019-05-23 43.242.243.128

Arhi uusan ter hen hen genev gishuudee gargaj ireed shiitgeliig ni og. Ajliin bairan deer arhi uuval tegne ingene geed baisan. Nomtoibayar bur hural deer sogtuu agsam tavilaa gej duuldsan UIHn darga Zandanshatar yu hiihiig ni haraya!

Avatar

зочин 2019-05-23 202.55.191.130

Жэнко гуай танд тэгэж хэлэх эрх байхгүй.

Avatar

УИХ тарж ерөнхийлөгч бас огцрорх хэрэгтэй 2019-05-23 202.21.100.210

УИХ тарж ерөнхийлөгч өөрөө огцрох хэрэгтэй ингэж чадвал та нар бүгд Монгол орны цаашдын хөгжилд шударга ёс тогтоно. Х.Баттулга өөрөө хууль хяналтын байгуулгад шалгуулан тусгаарласан эрүүгийн гэмт хэргийн хавтас хэрэг буюу төмөр замд алга болсон 250 сая долларын асуудлаа шийдвэрлүүлэх хэрэгтэй. УИХ-н чуулганд хэлсэн үгэндээ УИХ ба Би өөрөө гэж тодоруулсан бол зүгээр та нар нэг тэрэгний өрөөсөн дугуй нар шүү дээ

Avatar

смоо 2019-05-23 64.119.20.208

худалда хбгжлийн банк энрдэнэбилэг орхон гээд л. цагда прокурор шүүх хэний ч хүч хүрэхгүй бгаан биш үү. бүр хувийн банк тѳр шүүхэд нѳлѳѳлж Сүржин Мэдэгдлээр заналхийлээд л эзэнгүй улс бас ЖДҮ гээд захын жишээ 60 тэрбум гэх мэт

Avatar

Zochin 2019-05-23 73.225.33.36

Huuli avilgal iin buh tolgoinuudiig ooriinhoo huneer songuilchihaad odoo mongol ulcig hulgaichiin uls bolgoh geed bna uu lalaras

Avatar

Зочин 2019-05-23 66.181.161.67

65 хүний 39 нь онц ноцтой бүлэг гэмт хэрэгт холбогдочихоод байгаа энэ УИХ тарах нь зөв. Гэмт хэрэгтэнгүүдээр төрөө дүүргэж болохгүй ээ.

Avatar

Zoochin 2019-05-23 202.55.188.43

Erunhiilogchiig demjij bn.Ireeduid uldeh ur huuhdiinhee tuluu shn Mongol eh orniig uldeeh heregtei shuu dee.Ene n Odoo tsag yeiin bidnii hiij uguh hamgiin tom uureg shuudee humuusee.

Avatar

Irgen 2019-05-23 174.203.13.80

Yerunhiilugch ATG,SHUUH,PROKUROR,ZEZIIN GISHUUNEER uuriin humuusee sanal bolgoj ulsiin ih hurlaar batluulsan.Odoo ta nar hereggui bolson.Odoo manai yeuk yurunhiilugchiin zasaglaltai bolj Mongoliin haan boloh zam ni shuluudlaa.Oros ehnertei putinii duulgavartai nohoi haantai bolohuu parlamenttai baij uursduu biye daasan shiidver gargaj erh chuluutuu amidrahuu.mongolcguudiin umnu tom songolt irsen. Hurelsukh mongoliin ard tumnii huu yu jenkogiin huu yu gedgee uzuuleh zag irsen.Dain ehellee.

Avatar

Tuvd tairdas janhuu ehleed uuruu ogtsor!!! 2019-05-23 66.181.187.91

Eldev-ochiriig demjij bna! Umhii tuvd tairdas janhuu ehleed uuruu ogtsor! Orkuudiin buus janhuug ard tumnii 30 % ni l songoson!!!

Avatar

Зочин 2019-05-23 202.9.42.73

ЭНЭ ИХ ХУРАЛ ҮНЭХЭЭР АЛИА САЛБАДАЙ НАРЫН ЦУГЛУУЛГА БОЛСОН АРД ТҮМЭНИЙГ Л ХӨГЖӨӨХ ЮМ ДАА ЦАГ ХУГАЦАА АЛТ. ХОШИН ЖҮЖИГ ҮЗЭЭД СУУЛТАЙ БИШ ТАРСАН НЬ ДЭЭР

Avatar

favaa 2019-05-23 66.181.161.69

uuruu zailah heregtei shuu dee muu luivarchin

Avatar

Арай дэндүү муу байгаа 2019-05-23 103.212.117.61

Тараа

Avatar

иргэн 2019-05-23 202.179.27.50

зүйтэй Ерөнхийлөгчийг Дэмжиж байна УИХ Улс оронд ЭЗ-ийн Онц их Хохирол учруулсан Этгээдүүдыг Хөөн хэлэлцэх хугацаа дууссан гэсэн Тогтоол шийдвэр гаргасан мөн Гишүүд Эрх мэдэл Албан тушаалаа Ашиглаж Иргэдэд очих ЖДҮ-ын Сангийн зээлийг Бага хүүтэйгээр авч Зүй бусаар ашигласан гээд тоочоод байвал ямарч Ёс зүйгүй гэдгээ харуулсан

Avatar

Зочин 2019-05-23 112.72.12.7

ЖААХАН ТЭСЭХЭЭС ЯАХАВ ХОЙТОН СОНГУУЛИАР НААД ХЭД ЧИНЬ АРИЛААД ӨГНӨӨ. ОДОО ХЭЛЭЭД НЭМЭРГҮЙ. ЮМ ОЙЛГОХ БИШ. ХАРИН ИДЭЖ УУЖ БАЙНА УУ ТЭРИЙГ Л САЙН АНЗААРЧ БАЙ.ДАРАА ХЭРЭГ БОЛНО

Avatar

Зочин 2019-05-23 46.165.254.166

Ерѳнхийлѳгч бол ажил хийх гээд яваад байгаа нь харагддаг. Харин УИХ тэрэнд нь байнга, зориудаар саад болж байдаг нь ил байдаг шүү дээ

Avatar

Зочин 2019-05-23 66.181.161.39

biatch please

Avatar

jencod 2019-05-23 202.126.89.44

biatch please

Avatar

Taij 2019-05-23 103.57.95.45

Бугдээрээ идэж уух амархан баяжих сонирхолтой,бие биедээ атаархсан жалга довны узэлтэй.Хунлэг чанараа гээсэн арчаагуй явцуу бэртэгчин бодолтой энэ монголчууд бид унэхээр бусад монголчуудтайгаа нийлж цусаа сэлбэхгуй бол улам бур дорой,мангуу болж байгаагаа мэдрэхгуй л байна даа.Хамаг сор болсон удам генийг нь гадныхан ур ундэсээр нь хядаад дууссан.Дандаа холдуу тэнэгууд нь тунаж улдээд одоо ямархуу байгаагаа харцгаа!

Avatar

Зочин 2019-05-23 66.181.187.203

Зеленскийгээс будаа идээд байна уу гү юу хэзээ яаж попрохоо мэддэг аргагүй попын хаан юм даа. Ард түмний итгэлийг өөрийнхөө болон хэсэг бүлэг хүний ашиг сонирхолын төлөө ашиглачихаад наана аа худлаа баахан хориг тавьсан УИХ-г буруушаахаас өөр ид шидгүй. Уншаагүй байж шууд хоиг тавьдаг байх. Тэгээд л ард түмний эрх ашиг улс орны тусгаар тогтнол гэх мэт эх оронч үг хавчуулж хар массыг уруу татахаас цаашгүй жонхуучин гар байнашдэ

Avatar

Зочин 2019-05-23 58.140.202.122

юугаа солиороод байдаг солиот вэ

Avatar

Зочин 2019-05-23 66.181.161.95

ИХ хурал аль эрт тарах байсан жинхэнэ сандал ширээтэйгээ зууралдагсад. Ард түмниы онц хурал зарлар естоы

Avatar

Зочин 2019-05-23 119.40.100.142

МАН -хан Еөкдөө хулхидуулчихсан уу. Гохь нь гохь нь. Даанч их дагаж далдагнацгаагаад байсийн

Avatar

ИРГЭД 2019-05-23 202.9.43.187

УИХ ЗГ яаралтай хурдан тарах хэрэгтэйшүү..Хатуу хариуцлага тооцох хэрэгтэй…Ард түмний оролцоотой ЗГ шинээр бий болгон Нэгдсэн бодлогоор Улс орон Ард түмний хѳгжил дэвшлийг тодорхойлж хэрэгжүүлж явах хэрэгтэй……УИХ ЗГ хурдан тар тар тар

Avatar

Зочин 2019-05-23 202.126.89.114

Өөрөө ч бас цуг огцор!

Avatar

иргэн 2019-05-23 202.179.27.50

Ард түмэн Сонгосон юм Чи мэддэг юм биш Бүү х**

Avatar

Зочин 2019-05-23 80.147.227.186

Ikh hurliig ch gesen chinii ter ard tumen chini songoson yum

Avatar

Зочин 2019-05-23 202.21.101.226

Наадуул нь 20 ондоо алгаа болоод өөрөө 21 ондоо хурдхан шиг бууж үз. Та нараас өөр хүсэх түй ч алга

Avatar

Зочин 2019-05-23 202.179.27.55

Эрүүгийн хуулиар ямар их оролддог юм бэ. Нямдорж эрүүгийн хуулийг үндсээр нь өөрчилнө гэчихсэн үрчийж явна. Нямдоржийн хүссэн зүйл улс оронд халтай. Хүсээгүй зүйл ээлтэй байдаг.

Avatar

ХБ Иргэн 2019-05-23 103.229.122.121

Зөв. 2018 оны 12 сарын халамжийн мөнгөө би аваагүй. Учир нь төсөв дууссан гэсэн. Гэтэл эдийн засаг өсөлттэй гараад байдаг. Эдийн засаг алдагдалтай гарч байхад тэтгэврээ бүрэн авдаг байсан юм шүү. ЧИнзоригийг огцруулаасай. Дээр нь эрүүгийн шинэ балиар хуулиар нэг ядарсан залуу ялихгүй юмнаас болж шүүхэд дуудагдаж байна. татвар юмны үнэ хэрэг алга

Avatar

ЛОЛО 2019-05-23 66.181.187.188

МАНд чадуулчихсан зайлуул АНтайгаа явсан бол хэрэгтэй байсан юм даа. МАН одоо дээр дооргүй сүүлчийн удаа идэж дуусгахаар ухаан жолоогүй байна.

Avatar

Иргэн 2019-05-23 66.181.185.132

Ерөнхийлөгч мань их олон асуудал дээр нэрнээс цаашгүй "Шүдгүй арслан" шүү дээ. Гэвч Ерөнхийлөгч бол ард түмнийг нийтэд нь төлөөлж байгаагийн хувиар эх орон ард түмний эрх ашигт нийцэхгүй байгаа асуудлууд дээр шийдэх эрх мэдэлгүй ч гэсэн цор цор гэж дуугарч ард түмэнд мэдэгдэн, эрх мэдэлтнүүдийг сандарган булайг нь дэлгэж үгүй дээ л чихэнд нь хонх уяж байх үүрэгтэй шүү. Жинхэнэ монгол хөтөч банхар Ерөнхийлөгч мань тэр үүргээ л биелүүлж байна. Түүнд үүнээс өөр боломж маш хомс.

Avatar

Зочин 2019-05-23 202.126.89.80

Хүрэлсүх Оюун эрдэнэ нараа та нарт итгэсэн итгэлийг хөсөрдүүлж байгаа мах бензин өргөн хэрэглээний барааны үнийг өсгөж хариу барьж

Avatar

Иргэн 2019-05-23 66.181.179.233

Х.Баттулга Киевт болсон тэмцээнээс самбо бөхийн тэмцээнээс самбо бөхийн дэлхийн аварга болсон юм гэсэн. Тэгээд Украйнд сая ерөнхийлөгч болсон хошин шогийн жүжигчин залууг дууриаж хөглөж эхлэх нь . Хэвийн ажиллаж байгаа төрийн дээд байгууллагаараа оролдох ухаан олсон юм байхдаа. Хөгийн амьтан даа. Толгойндоо юутай нь харагдаж байна даа. За хийж гийгүүлэхгүй юмаа гэхэд гай тарилгүй шиг хугацаагаа дуусгаж үзээрэй. Бөх минь улсын ерөнхийлөгч гэдэг үнэндээ чиний хийх ажил биш бололтой.

Avatar

Зочин 2019-05-23 202.131.225.205

ERUNHIILUGCHUU, 700 TERBUMAA ERGUULJ ULSIIN ORLOGO BOLGOYOO!!! OVOOLSON SHOROONIIHOO ASUUDLAA, MAIDAR HOTIIN HEDEN ARAMNUUDAA YAAH GEJ BAINAA???!!! HAMAARAL BUHII EMEELT ZAH CHINI HYATADUUDIIN ERHSHEELD ORJ, MAHNII UNE HUURUGDUH GOL ZEMSEG BOLJ BAINA. SHODROGOS, SHODROGOS, SHODROGOS…!!!

Avatar

Зочин 2019-05-23 66.181.161.101

Дэмий тэгэж хэлээд юу гэхэв. Та өөрөө дорвитой харагдах ажил хийнэ үү.

Avatar

Nomto-d 2019-05-23 202.55.188.39

албан тасалгаандаа согтууруулах ундаа хадгалах, хэрэглэх байдал даамжирснаас эрдэнэт хүний амь сүйдэх нөхцөл ч үүсчээ.

Avatar

иргэн 2019-05-23 192.82.66.152

Эхлээд өөрөөсөө эхлэдээ шударга юм бол.ЗГ Ерөнхийлөгч 2 эхлээд зоригтой огцор дараа нь УИХ-аа тараадаа шударга ёс тогтоож байгаа ЕСайд Ерөнхийлөгч 2-оо.Үнэн хаш тэнгэрт хадаж байгаа нь чухал биш УИХ тарах нь чухал болж байна уу Баттулгаа.Байгаа зөв онож бууддаа Баттулгаа.алдаатай хориг тавиад УИХ-н гишүүдийн доог болсон учир УИХ-г тараах хүсэлт тавьж УИХ-г муухай харагдуулж өс хонзон авч байгаа юм байна даа.Ийм арчаагүй удирдагч нартай болсонгоо мэдэрдээ Монголчуудаа.

Avatar

Ганбаа 2019-05-23 122.201.22.47

маш зов энэ парламент тарах болзол оо 10 дахин хангасан, еронхийлогийг 100% дэмжиж байнаа, унэндээ энэ ЗГ ч чадамжаа алдсан.

Avatar

Зочин 2019-05-23 202.131.245.243

Күүрц суллагдсантай холбоотойгоор л Дон Жонкуны гэдэс нь гүйлгэсэн болов уу? кккккккккккккккккккккк

Avatar

Зочин 2019-05-23 202.131.245.243

О'крайний Ерөнхийлөгч ногоон залууг дуурайж байгаа юм уу, амьхандаа? кккккккккккккккк

Avatar

ЧД иргэн 2019-05-23 202.179.25.124

Шүдгүй арслан. Мянга барьхираад нэмэр байхгуй. Монгол чинь парламентын засаглалтай улс орон шүү дээ. Баттулга ерөнхийлөгч өөрийнхээ хязгаарлагдмал эрх үүргээ сайн судлаж умшаагүй юм шиг. Америк,, Украины ерөнхийлөгч нарыг дууриах гээд хэрээ хөлөө хөлдөөсний үлгэр болох вий дээ…

Avatar

Зочин 2019-05-23 66.181.185.132

Ерөнхийлөгч мань их олон асуудал дээр нэрнээс цаашгүй "Шүдгүй арслан" шүү дээ. Гэвч Ерөнхийлөгч бол ард түмнийг нийтэд нь төлөөлж байгаагийн хувиар эх орон ард түмний эрх ашигт нийцэхгүй байгаа асуудлууд дээр шийдэх эрх мэдэлгүй ч гэсэн цор цор гэж дуугарч ард түмэнд мэдэгдэн, эрх мэдэлтнүүдийг сандарган булайг нь дэлгэж үгүй дээ л чихэнд нь хонх уяж байх үүрэгтэй шүү. Жинхэнэ монгол хөтөч банхар Ерөнхийлөгч мань тэр үүргээ л биелүүлж байна. Түүнд үүнээс өөр боломж маш хомс.

Avatar

ХХХ 2019-05-23 180.149.93.14

ХАМТ ЗАЙЛЦГААГААРАЙ ЛАЛАРУУДАА, ТА НАРЫН ХЭРЭГ ОГТ АЛГА

Avatar

хх 2019-05-23 202.131.238.98

жонкуу өрөө юу хийвээ баахан төмөр тарааж жудо хэссэннээс өөр юу хийсийн

Avatar

Зочин 2019-05-23 66.181.183.245

Хөөрхий муу хэлүүлдэг М.Энхболд чинь ширэн нүүрлээд бензиний үнэ, долларын ханш, махны үнийг барьж байсан ЗГ тайгаа гар нийлэн ажиллаж байсан шүү. Гэтэл Хүрэлсүх яав. Баттулгын үгээр ажиллаж төрөө ч тэр, намаа ч тэр юу ч биш болгов. Ёстой Топор юм даа

Avatar

Зочин 2019-05-23 202.179.27.55

Сагсуу амьтад улс орон удирдаж чадахгүй.

Avatar

Зочин 2019-05-23 103.206.195.237

Үнэн бол Женко эхэлж манлайлж огцроод 76-гаа дагуулаад зайлцгаа бүгд луйварчид чи бол өөрөө авилгын загалмайлсан эцэг.

Avatar

Зочин 2019-05-23 194.230.158.40

Battulga odoo l zuv duugarch bna

Avatar

Зочин 2019-05-23 103.57.94.129

Авлига албан тушаалын аалзны торонд сүлжилдсэн Хүрэлсүхийн Засгийн газар юуны өмнө огцрох ёстой.Ерөнхийлөгчөө дэмжиж байна.

Avatar

Зочин 2019-05-23 202.21.100.210

Х.Баттулга+ У.Хүрэлсүх+ Занданшатар нарын нөхөрлөл ердөө М.Энхболдыг солих хуурамж жүжиглэл байсан илүү сайхан тодорч эхэллээ. М.Энхболдоос хойш шатахуун 1940 төгрөг ам доллар 2650 төгрөг мах 1 кг 16000 төгрөгт хүртэл үнэ өсч ЖДУ-н 3 хулгайчын нэр алсран одож Бэрс кино урлагийн дээд сургуулийн оюутан Л.Оюун-Эрдэнэий шударга үнэний дүр эсгэсэн жүжиглэл 2-р шатандаа шилжиж ард түмний амьдрал үнийн өсөлтийн дарамтанд дарлуулж эхэллээ

Avatar

Дараагийн жүжиг 2019-05-23 103.57.95.106

Одоо өөрсдийн гайгаар үүссэн энэ бүх байдалыг өөр хүмүүст үүрүүлж тэдний л буруугаас ийм боллоо гэж тэднийг хэлмэгдүүлэх жүжиг нь хэзээ юм болдоо

Avatar

Зочин 2019-05-23 202.179.24.38

Тендрийн луйврыг арилгаад өгөөчээв. Одоо бүр гомдол гаргавал баталгааг нь улсын орлого болгоно гээд хууль гаргасан гэсэнв Ерөнхийлөгчөө хориг тавиад өгөөч. Жижиг дунд бизнес элгээрээ мөлхлөө

Avatar

Zochin 2019-05-23 103.10.23.218

Battulga MANAN-g nuraahaas aij bna, Mongolchuudaa ene parliamentiig taraaj bolohgui gedgiig oilgoh heregtei

Avatar

БӨХ БОЛ ТӨР, БӨХ БОЛ АЛУУР 2019-05-23 175.38.64.204

ОДОО СОНГУУЛЬ БОЛОХЫН ХООРОНД УИХ ЫГ БИШ ЕРӨНХИЙЛӨГЧИЙГ ОГЦРУУЛАХ ХЭРЭГТЭЙ!!! 65 УХНА НЭГ САМБИСТЫН ТОГЛОЛТОНД НАМААРАА БҮДЭРСЭЭР Л… ЯАНА ДАА ЗАЙЛУУЛ!

Avatar

Оюун-Эрдэнэ ээ шударга ёс чинь хаана байна ??? 2019-05-23 103.212.117.61

Хүрэлсүхээ итгэл алдарч байна

Avatar

АХМАД ДАЙЧИН 2019-05-23 64.119.17.106

ЯРЬДАГ БИШ ХИЙДЭГ, ҮГ ҮЙЛДЭЛ НЬ ЗӨРДӨГГҮЙ ЦЭГЦ ШУДАРГА ХҮН МОНГОЛ ТӨРД БАЙГААСАЙ ГЭЖ Л ХҮСЧ БАЙНА ДАА

Avatar

Зочин 2019-05-23 103.57.94.127

Аюурсайхан минь та нарын 5 гишүүн эх оронч үйл ажиллагаа явуулсаныг ард түмэн дэмжсэн.Эсэргээр мэргэжлийн луйварчид дэмжээгүй.Үүнийг сүүлийн үйл явдлууд баталж байна. Тухайлбал, Эрдэнэбилэг нарыг баривчилсантай зэрэгцэн АН-ын гаргаж байгаа үйлдлүүд, Элбэгдоржоос "….хоногийн дараа асуудал бидний талд шийдэгдэнэ, тэр үед ирнэ" гэсэн утгатай юм яриад гадаад явсан зэрэг нь анхаарал татаж байна. Иймд та нарч бас жагсаж таарна гэж ард түмэн найдаж байна.ТИЙМЭЭС ТАЛБАЙГ АН ГАНЦААР ЭЗЭГНЭХ УЧИРГҮЙ

Avatar

Иргэн 2019-05-23 203.91.119.94

Аюурсайхан Нямбаатар нар шиг мэдэхгүй мөртлөө мэдэмхийрдэг хэнэггүй хий өвчтэй эрх мэдэлдээ ташуурагсад УИХ, ЗГ-аар дүүрэн байна?!

Avatar

k 2019-05-23 202.170.70.242

songuuliin umnu shaaj uguh ni ee

Avatar

k 2019-05-23 202.170.70.242

songuuliin umnu shaaj uguh ni ee

Avatar

Зочин 2019-05-23 59.153.113.64

Хурэлсух ээ яахаараа барзгар С.Бямбацогт Эрдэнэбурэнгийн УЦС-ыг мэдээд гадны компануудад лобби хийгээд байна. Эрчмийн сайд болох гэж байна уу

Avatar

Зочин 2019-05-23 182.160.0.203

shagnalaa hoino ch gesen awchdee ajliin huls

Avatar

Зочин 2019-05-23 202.179.27.48

а**а шүү гэж байгаа юмуу?

Avatar

Зочин 2019-05-23 103.79.110.49

ӨМХИЙ ХҮРЭН ӨМХИЙ ХҮРЭН ӨМХИЙ ХҮРЭН ӨМХИЙ ХҮРЭН ӨМХИЙ ХҮРЭН ӨМХИЙ ХҮРЭН ӨМХИЙ ХҮРЭН ӨМХИЙ ХҮРЭН ӨМХИЙ ХҮРЭН ӨМХИЙ ХҮРЭН ӨМХИЙ ХҮРЭН ӨМХИЙ ХҮРЭН – май хошного

NewsMN Гар утасны хувилбар Татах
NEWS.mn

Мэдээллийн эх сурвалж