НБА-н бүсийн аваргын төлөө өрсөлдөж буй Торонто болон Милоуки багийн цувралын дөрөв дэх тоглолт боллоо. Торонтогийн талбайд болсон тус тоглолтонд талбайн эзэд 120:102 харьцаатай Милоукиг хожиж, цувралыг 2:2 болгож тэнцүүлэв.

Торонто Рэпторс багаас К.Лаури 25 оноо авсан. Плэй-оффт хангалтгүй тоглодог хэмээн шүүмжлүүлдэг К.Лаури багаа оноо авалтаар тэргүүллээ. Талбайн эздээс зургаан тоглогч 10-аас дээш оноо авснаас сэлгээний тоглогчид маш сайн байсан. Сэлгээнээс Н.Поулль 18, С.Ибака 17 оноо авсан бол Ф.ВанвЛит 13 оноо авсан. Харин багийн лидер К.Леонард 19 оноо авчээ. Милоуки Баксаас К.Миддлетон 30 оноо авч багаа тэргүүлж, Яннис 25, Н.Миротич авчээ. Бусад тоглогчид нь 10 оноо ч авч чадсангүй.

Хоёр багийн дараагийн тоглолт Милоуки Бакс багийн талбайд болно.

Б.БЯМБАБАЯР