FIBA 3×3 сагсан бөмбөгийн насанд хүрэгчдийн Ази тивийн аварга шалгаруулах тэмцээн өнөөдөр /2019.05.22/ БНХАУ-ын Чангша хотод эхэллээ. Энэ удаагийн тэмцээнд эрэгтэй 22 баг, эмэгтэй 13 улсын баг өрсөлдөж байна.

Монголын эрэгтэй, эмэгтэй багууд чансаагаараа үндсэн хэсэгт багтсан тул тавдугаар сарын 24-өөс тоглолтоо эхлүүлнэ.

“С” хэсэгт Монгол, Австралийн багууд багтсан бөгөөд нөгөө баг нь урьдчилсан хэсгээс эрхээ авсан баг орох юм. Энэ хэсэгт БНСУ, Энэтхэг, Малайз, Ванату арал улсуудын багууд багтаж ялагч болсон нь “С” хэсэгт тоглох юм.

Манай эмэгтэй шигшээ баг Казахстан, Киргизстан улсын багуудтай “В” хэсэгт багтсан бөгөөд тавдугаар сарын 25-д хэсгийн хоёр тоглолтыг хийнэ. Тэмцээнийг MNBA SPORTS TV Channel шууд дамжуулан хүргэх юм байна.

3×3 сагсан бөмбөгийн насанд хүрэгчдийн Ази тивийн аварга шалгаруулах тэмцээн тавдугаар сарын 26-ны өдөр өндөрлөнө.

ХУВААРЬ: /5.24-25/

5/24: Эрэгтэй шигшээ баг:

• 16:00 Монгол-QD
• 20:15 Австрали-Монгол