Охид амиа хорлох нь ихэссэнд сошиал медиа буруутай | News.MN

Охид амиа хорлох нь ихэссэнд сошиал медиа буруутай

Охид амиа хорлох нь ихэссэнд сошиал медиа буруутай

Охид амиа хорлох нь ихэссэнд сошиал медиа буруутай

Өсвөр насны охидын дунд амиа хорлох явдал ихэссэн нь судлаачдын зүгээс сошиал мэдээллийн хэрэгсэл залуу үеийнхний оюуны эрүүл мэндэд хэрхэн нөлөөлж байна вэ гэсэн асуулт тавихад хүргэлээ.

Баасан гарагт JAMA Open Network-д нийтлэгдсэн АНУ-ын Үндэсний Хүүхдийн Эмнэлгийн судлаач эрдэмтэн Донна Рач тэргүүтэй эрдэмтдийн судалгаагаар 1975-2016 оны хооронд 10-19 настнуудын дундах амиа егүүтгэсэн хэргийг задлан шинжилжээ. 1990-ээд оны эхэн үеэс 2007 он хүртэл буурах хандлагатай байсан амиа хорлох явдал дараагийн жилүүдэд эрэгтэй, эмэгтэй өсвөр насныхны дунд өссөн байна. Өсвөр насны эрэгтэй хүүхдүүд амиа хорлох нь 2007 оноос хойших эхэн үед илүү байжээ. Гэтэл сүүлийн хэдэн жилд охидын дунд амиа хорлох нь ихэслээ. 10-14 насны бүлэгт хийсэн судалгаагаар охидын дунд амиа хорлох явдал 2007 оноос хойш 12.7 хувиар, хөвгүүдийн дунд 7.1 хувиар өссөн байна.

Эрдэмтдийн судалгаа өсвөр насныхан амиа хорлож буй шалтгааныг тодорхойлох зорилго тавиагүй. Харин уг судалгаатай танилцсан өөр бусад судлаачид өсвөр үеийнхэнд сошиал мэдээллийн хэрэгслийн ноёрхогч нөлөө гол шалтгаан нь гэсэн таамаг дэвшүүлж байна.

“Нийгмийн харилцаа амьдралд чухал үүрэг гүйцэтгэж эхэлдэг өсвөр насанд сошиал медиа бусадтай харилцах үндсэн талбар болж хувирсан нь бодит баримт” хэмээн Вашингтоны их сургуулийн харьяа анагаахын сургуулийн Жоан Люби, Өмнөд Иллинойсын их сургуулийн Сара Керц нар JAMA Open Network-д сэтгэгдэл үлдээжээ. Орчин үеийн өсвөр залуу үеийнхний 95 гаруй хувь нь интернэтэд төрөл бүрийн хэрэгслээр бие биетэйгээ холбогдож байгааг эрдэмтэд онцлон дурдсан юм.

Охид сошиал медиа ашиглах нэг шалтгаан нь “хүмүүс хоорондын харилцааны стрессээс үүдэлтэй байх магадлал өндөр” гэдгийг Люби, Керц нар анхааруулав. Хөвгүүдтэй харьцуулахад сошиал медиаг илүү идэвхтэй ашигладаг учраас кибер дарамттай тулгарах магадлал охидод илүү байж болзошгүй.

Эх сурвалж: ЗАСГИЙН ГАЗРЫН МЭДЭЭ

"Болор дуран"-аар шалгав.
Энэ мэдээнд өгөх таны сэтгэгдэл?
2
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-05-21 202.21.107.91

За даа одоо ч шид нь бүрдсэн мэдлэг мэдээллийн цуглуулгаас цэгцтэй гол зүйлд анхаарал тавьж зөв дадалтай болох нь чухал байх шив дээ.

Avatar

Зочин 2019-05-21 202.131.227.178

устгаач. хэнд хэрэгтэй юм: чи өөрөө амиа хорло сэтгүүлч нэртэй алмасааа

Avatar

ВЕНЕСУЭЛИЙГ ЯЛНА ГЭВ ҮҮ? 2019-05-21 58.108.82.222

ЯДУУРАЛ, ТӨР ЗАСГИЙН ОНОВЧГҮЙ БОДЛОГО, ЭДИЙН ЗАСГИЙН ХЯМРАЛ ШУУД НӨЛӨӨЛЖ АРД ИРГЭДИЙНХАА ИТГЭЛ НАЙДВАРЫГ УСТГАЖ БАЙГАА НЬ НИЙГЭМД МАШ ХҮНДЭЭР ТУСАЖ БАЙНА! ХӨГШЧҮҮЛ ЖИНХЭНЭ БҮС ЭЭ ЧАНГАЛЖ БАЙГАА

Avatar

Зочид 2019-05-21 66.181.161.90

Дунд сургуулийн сургалтын хөтөлбөрт амьдрал бол үргэлж нар гарч, солонго татаад байдаг зүйл биш, сайн муу холилдон байдаг, хүн өөрөө хичээж хөдөлмөрлөж байж сайхан амьдарна гэдгийг багаас нь ойлгуулж өгөх хэрэгтэй байна. Тэгэхгүй бол энэ олон ангит кино нтр-г харж байхад ажил хөдөлмөр хийж байгаа нь бага харагдаад, нэг л их тансаг ресторан, цэцгийн дэлгүүр, гоё байшин дотор үйл явдал нь өрнөөд л….

Avatar

Зочин 2019-05-21 66.181.161.90

… Түүнийг нь үзсэн хүүхдүүд амьдрал бол нэг л их амархан юм байдаг, тэгээд л юу юугүй баян тансаг амьдраад явчихдаг юм шиг ойлголт авахаар байгаа шүү зарим талаараа. Тэгээд бодит амьдрал дээр кинон дээр гардаг шиг тийм биш гэдгийг мэдрээд ирэхээрээ шоконд ордог юм уу яадаг юм, амиа хорлох нтр-ээ тулдаг байхыг үгүйсгэх аргагүй. Амьдрал бол хэцүү ч гэсэн сайхан зүйл.

Avatar

Зочин 2019-05-21 103.26.195.111

Хүн бол хувиа хичээсэн хогийн амьтан тэр тусмаа өнөөгийн их дээд сургуулийн багш нар хүртэл их зантай шаарнууд. Яагаад гэвэл бид зүрхэнд биш голдуу тархинд хамаг анхаарлаа хандуулах болсон.

NewsMN Гар утасны хувилбар Татах
NEWS.mn

Мэдээллийн эх сурвалж