“Философийн шинэ нэвтэрхий толь”-ийг орчуулах эрх олгожээ | News.MN

“Философийн шинэ нэвтэрхий толь”-ийг орчуулах эрх олгожээ

“Философийн шинэ нэвтэрхий толь”-ийг орчуулах эрх олгожээ

“Философийн шинэ нэвтэрхий толь”-ийг орчуулах эрх олгожээ

Шинжлэх Ухааны Академийн Философийн хүрээлэнгийн захирал Б.Пүрэвсүрэн саяхан Москва хотноо ажиллаад иржээ. Энэ үеэр ОХУ-ын ШУА-ийн Философийн хүрээлэнд ажлын айлчлал хийж, тус хүрээлэнгийн захирал Академич А.В.Смирновтой хамтын ажиллагааны гэрээнд гарын үсэг зуржээ.

Хамтын ажиллагааны хүрээнд  “Философийн нэвтэрхий толь бичиг” бичих, орчуулах ажилд Оросын Философийн хүрээлэн /ИФ РАН/ дэмжлэг үзүүлэхээр болжээ. Мөн  ОХУ-ын Төрийн шагнал хүртсэн “Философийн шинэ нэвтэрхий толь” бичиг дөрвөн боть бүтээлийг Монголын ШУА-ийн Философийн хүрээлэнд орчуулах, ашиглах эрхийг олгосон нь  энэ удаагийн айлчлал ач холбогдолтой болсон байна.

“Мэргэжлийн философичдын хүний нөөцийг бэлтгэхэд Оросын ШУА-ийн Философийн хүрээлэн болон бусад их дээд сургууль,  оросын философичид, эрдэмтэн судлаачид жинтэй хувь нэмэр оруулсан нь ХХ зууны дунд үеэс эхлэн монголын философи сэтгэлгээний хөгжилд чухал үүрэг гүйцэтгэсэн. Цаашид ч энэхүү шинжлэх ухаан, соёл, боловсролын уламжлалт харилцааг үргэлжлүүлэн хөгжүүлэх хүсэлтэй байна” гэдгээ Монголын талаас  илэрхийлжээ.

Харин ОХУ-ын талаас  “Бид Монголын анд нөхөдтэйгээ тогтоосон харилцаагаа маш их хүндэтгэн үнэлдэг. Өнгөрсөн зууны 90-ээд оноос хойш бидний харилцаа, хамтын ажиллагааны хүрээ, эрч хүч саарсан ч гэсэн хараахан тасраагүй байгаа энэ үед сэргээн эрчимжүүлэх асуудлыг тавьж байгаад гүн талархан хүлээн авч байна”  гэжээ. Оросын ШУА-ийн Философийн хүрээлэнгийн захирал, академич А.В.Смирнов  “Үзэл сурталжсан философи хэдийнээ үеэ өнгөрөөж, бид философи бүрийн номлол, үнэт зүйлсийг хүндэтгэн зөвшөөрч, судалж байна. Монголчууд өөрийн ахуй соёлд тулгуурлан, зохицсон гүн ухааны баялаг өвтэй ард түмэн. Та бүхний бүтээлч хөдөлмөрийн дүнд Монголын философи дэлхийн шинжлэх ухааны нийгэмлэгт хүлээн зөвшөөрөгдсөн, бие даасан номлол болно гэдэгт итгэлтэй байна” хэмээн  уулзалтын үеэр онцолжээ.

Уулзалт болон гэрээнд гарын үсэг зурах ёслолын үйл ажиллагаанд Монгол улсаас ОХУ-д суугаа Элчин сайдын яамны Нэгдүгээр нарийн бичгийн дарга Ж.Баярхүү, ОХУ-ын ШУА-ийн Философийн хүрээлэнгийн Эрдэмтэн нарийн бичгийн дарга П.А.Гаджикурбанова нар тус тус байлцав.

Эх сурвалж: ШУА

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-05-21 139.5.219.70

philosophy gedeg medleggui ard tumen aas yamar philosophy suruh beeeeee

Avatar

санаа 2019-05-21 112.72.8.90

Бид бараг 30 гаруй жил барих философгүй явж ирлээ дээ. Хэрэв энэ үйл бүтвэл нилээд тустай ажил болно. Нам хөдөлгөөн иргэд нэг мөр философийн ойлголтыг авч хэрэгжүүлбэл "замын хөдөлгөөний дүрмийг мөрддөг жолооч яах гэжер нь замын хөдөлгөөний дүрэм хэрэглэгддэгийг " үндэс суурьтай ойлгож авна гэсэн үг билээ. Оросууд маань номыг нилээд гүзгий онол тал руугаа бичдэг /академик/ хэрэв Манай эрдэмтэд нийтийн хүртээл болохоор онол, лавлагаа, жишээтэй орчуулж хөдөлмөрлөвөл олонд ихэд тустай болно.

Avatar

Дуламка 2019-05-21 202.126.89.133

Бараг сарын өмнөх мэдээ.

NewsMN Гар утасны хувилбар Татах
NEWS.mn

Мэдээллийн эх сурвалж