Төрдөө шоовдорлогдсон Их зохиолчийн гэр музейн гунигт түүх | News.MN

Төрдөө шоовдорлогдсон Их зохиолчийн гэр музейн гунигт түүх

Төрдөө шоовдорлогдсон Их зохиолчийн гэр музейн гунигт түүх

Төрдөө шоовдорлогдсон Их зохиолчийн гэр музейн гунигт түүх

Их зохиолч Д.Нацагдоржийн гэр музей үүдээ хааж, үзмэрүүд нь тоосонд дарагдаад хоёр жил гаруйн хугацаа өнгөрчээ.  Одоогоос  таван жилийн өмнө 2014 оны долдугаар сард Монголын зохиолчдын эвлэлийн байрны гуравдугаар давхарт уг музейг шинээр нээж байсан ч 2017 онд татан буугдсанаар өдгөө эд өлгийн зүйлс, үзмэрүүд нь номын сангийн жижигхэн өрөөнд хав дараатай байна. Харин гурван танхим бүхий музейн байр нь харуул хамгаалалтын албаны байр болжээ.  Их зохиолчийн  амьдрал уран бүтээлийг харуулсан гэр музей хаалгаа барьж, үзмэр нь номын сангийн өрөөнд “түгжигдсэн” шалтгаан нь музейг зорих хүнгүй болж, үр ашиггүй зардал гарах болсон тул албан байгууллагад түрээслүүлэхээр болсон гэж  Монголын зохиолчдын эвлэлээс тайлбарлалаа. Тус газар нь орчин цагийн уран зохиолыг үндэслэгч Их зохиолч Д.Нацагдоржийн музейг өмчилдөг юм.

Монголын зохиолчдын эвлэлийн гүйцэтгэх захирал М.САРУУЛДАЛАЙ:

-Д.Нацагдоржийн музей анх одоогоор ubmart дэлгүүрийн  хойно байсан. Музейн байранд өргөтгөл хийж хоёр давхар болгосон ч одоогоор музей бүүхэл жирийн үйл ажиллагаа явуулахад ч бэрх, шаардлага хангахааргүй болсон юм. Иймд Монголын зохиолчдын эвлэлээс өөрсдийн гурван өрөө байрыг тохижуулж Д.Нацагдоржийн нэрэмжит түр музейг 2014 онд байгуулсан. Уг музейд Их зохиолчийн эдэлж хэрэглэж байсан сандал, ширээ, гэрэл зураг гэх мэт үзмэртэйгээр хоёр жил орчим үйл ажиллагаагаа явуулсан.

Бидний зүгээс Ерөнхий боловсролын сургуулийн сурагчдад музейг үнэ төлбөргүй үзүүлэх, том хүн 500 төгрөгийн хураамжтайгаар олон нийтэд танилцуулах гэж хичээсэн ч ирж үзээгүй. Ерөнхий боловсролын сургууль бүрт музейн тухай танилцуулга мэдээллийг хүргэсэн ч хүүхдүүд тоодоггүй юм билээ. Үндсэндээ музей ашиггүй байсан. Монголын зохиолчдын эвлэл нь төрөөс ямар нэгэн санхүүжилтгүй, Зохиолчдын эвлэлийн байраа түрээсэлж ажилладаг тул музейн байраа албан байгууллагад түрээслүүлэхээр болсон.

Бидний тооцооллоор албан байгууллагад түрээслүүлэх нь музейгээсээ илүү ашигтай байсан болохоор Их зохиолч Д.Нацагдоржийн  эд өлгийн зүйлс, үзмэрүүдийг кодолж хадгалсан. Их зохиолчийн амьдрал, уран бүтээлд холбогдох  нийт 100 гаруй төрлийн 400 үзмэр бүртгэлтэй байна. Үүний ихэнх нь фото, гэрэл зураг эзэлж байгаа юм. Өмнө нь намайг Монголын зохиолчдын эвлэлийн хяналтын зөвлөлийн дарга байх үед Д.Нацагдоржийн музей нь бүртгэлгүй, үзмэр нь тооллогогүй байсныг бид ангилж бүртгэлтэй болгосон. Музейн барилга UB mart дэлгүүрийн хойно байрладаг. Нийт 410 мкб бүхий өмчлөлийн гэрчилгээтэй газар байгаа гэсэн үг. Үүнийг орчин цагийн музей болгохоор ажиллаж байна. Бидний зүгээс өөрсдийн санхүүжилтээр музейн барилгыг босгох ямар нэгэн боломжгүй. Хажууд нь байгаа “Нью жуулчин” гэж компаниас Г.Мөнхцэцэг даргын үед гурав дөрвөн удаа санал ирсэн юм билээ.

Монголын зохиолчдын эвлэлийн 2017 оны Их чуулганаар Д.Нацагдоржийн музейг барих асуудлыг хэлэлцэхдээ гишүүдийн ихэнх нь одоогийн барилгын газрыг “Нью жуулчин” компанид ашиглуулж, тус компаниас өөрсдийн санхүүжилтээр орчин үеийн 10 давхар бүхий барилга барьж ашиглалтад оруулахад тодорхой талбайг нь музей болгоё гэдэгт санал нэгдсэн. Учир нь одоогийн музейн барилга гурван талаасаа орц гарц нь хаагдсан, музей бүү хэл цайны газар явуулахад ч хүндрэлтэй байгаа. Тиймээс л хажуугийн “Нью жуулчин” компаниас дулаан гарааш, зогсоол барих шаардлагатай байгаа тул музейн орц гарц нь хаагдсан барилгын газрыг хамт ашиглаж орчин үеийн 10 давхар барилгыг өөрсдийн санхүүжилтээр барих санал тавьсан. Барилга ашиглалтад орвол бидэнд  540 мкб талбай өгөх юм.

Барилга ашиглалтад орсны дараа энэ талбайд Д.Нацагдоржийн музейг байгуулах үгүйг Их чуулганаараа шийднэ. Их зохиолчийн нэрэмжит музейг байгууллаа ч хүн үзэх эсэх нь тодорхойгүй. Д.Нацагдоржийн нэрэмжит музей бол тийм ч үнэт үзмэртэй биш. Ер нь музейг шинээр барих тухай асуудалд төрөөс ямар нэгэн дэмжлэг байхгүй, энэ тухай Боловсрол соёл шинжлэх ухаан спортын яамнаас бидэнд ямар нэгэн санал ирүүлээгүй. Ер нь төрийн ажлыг төрийн бус байгууллагынхан л хийж байна шүү дээ.

Их зохиолч Д.Нацагдоржийн амьдралынхаа сүүлчийн хоёр жилийг өнгөрүүлсэн байшин нь одоогийн нэгдүгээр сургуулийн хойно байсныг буулгаж, 1966 онд БНМАУ-ын Сайд нарын Зөвлөлийн тогтоолоор музей болгосон түүхтэй. Хожим 1982 онд шинэчлэн тохижуулж, үзмэрүүдийг нь ховор нандин гэрэл зураг эд өлгийн зүйлсээр баяжуулж байв. Харин 1994 оноос музейн үйл ажиллагаа үндсэндээ зогссон тул музейн байрыг өргөтгөж хоёр давхар болгохоор шийдвэрлэснээс хойш өнөөдрийг хүртэл царцанги байна. Цаашид музейн барилгыг хэн хаанаас хариуцах нь тодорхой бус байгаа юм. Харин Боловсрол Соёл шинжлэх ухаан спортын яамнаас Их зохиолч Д.Нацагдоржийн музейг албан байгууллагынх тул улсад харьяалагдахгүй гэх байр суурийг илэрхийлж байгаа.

ИХ ЗОХИОЛЧ Д.НАЦАГДОРЖИЙН МУЗЕЙ НЬ ТӨРИЙН БУС БАЙГУУЛЛАГЫНХ 

Соёл урлагийн бодлогын хэлтсийн мэргэжилтэн Ц.ДАВААЦЭРЭН:

-Их зохиолч Д.Нацагдоржийн гэр музей нь  өөрийн гэсэн барилгагүй Монголын зохиолчдын эвлэлийн барилгад байрлаж буй. Яах вэ, үйл ажиллагаа нь доголдож хаалттай, эсвэл үүдээ нээсэн, музейн зүйлсийг авсан, аваагүй гэдэг олон асуудал яригддаг. Энэ бол байгууллагын музей. Тэр дундаа одоогийн хэлбэрээр Төрийн бус байгууллагынх. Бидний зүгээс  тус музейд буй үнэ цэнтэй зүйлсийг бүртгэлжүүлж мэдээллийн санд хадгалахыг зөвлөдөг. Бидний хувьд энэ үйл ажиллагааг зохицуулах хууль эрхзүйн орчин дутмаг учраас тэр бүр хувийн хэлбэрт байгаа музейнүүдийг хяналтад авах ажил төдийлөн урагшлахгүй байна. Энэ жил музейн хуультай болно. Ингэснээр музейн үйл ажиллагаа эрхэлж л байгаа бол заавал төрд тайлагнах ёстой хууль эрхзүйн орчин бүрдэнэ. Төрөөс дэмжлэг туслалцаа авдаг хуулийн орон зай бий болно.

Манай улс зохиолчдынхоо бичиг захидал, үнэт өвийг хадгалах хамгаалах ажил сүүлийн 25 жилд хөсөр хаягдсаны нэгэн тод жишээ нь Их зохиолч Д.Нацагдоржийн музейгээс харж болохоор байна. Орчин цагийн уран зохиолыг үндэслэгчдийн нэг болсон суут хүнийхээ нэгэн цагт эдэлж хэрэглэж байсан үнэт зүйлс нь өдгөө төрдөө "шоовдорлогдож" буйн гуниг  номын сангийн давчуухан өрөөнд хөглөрөх эд зүйлсээс төрж байв.

"Болор дуран"-аар шалгав.
Энэ мэдээнд өгөх таны сэтгэгдэл?
12
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-05-21 103.212.118.212

Төрсөн нутаг Төв аймгийн музейд нь эд өлгийн зүйлүүдийг нь шилжүүлж хадгалан хамгаалж сурталчлах хэрэгтэй

Avatar

Зочин 2019-05-21 103.212.118.212

400 гаруй эд өлгийн зүйлийг нь төрсөн газрынх нь музейд шилжүүлгээр өгч бүртгэн баримтжуулж олон нийтэд сурталчлах хэрэгтэй байна.

Avatar

Zochin 2019-05-21 202.126.89.99

Ene bol bidnii muhul sain saihnii tuluu temuuldeggui murtluu oliggui demii umnii tuluu yugaa ch uguhuus butsdaggui aranshin. Mongol muhuj bna mash hurdatstai muhuj biu ni shinj. Bid unuudur dollar yuaniig shutej amidarch bna.10 20 jiliin daraa oilgono tegehed oroitson bna.bid hoorondiin daisagnal heruul margaanaar hoololj goe saihnii medremjee ali ert geej Coijilsureng shutej haishaa yavahaa medehgui budilj bna.ee halag.

Avatar

0000 2019-05-21 103.10.23.116

х****а муу тэнэг минь шал тэнэг сохор амтан байна

Avatar

ИРГЭН 2019-05-21 103.10.23.116

Монголын үе үеийн зохиолч яруу найрагч нарын зохиол бүтээл намтар эд зүүл гар бичмэл зураг ном зохиол зэргийг байрлуулсан\nЗохиолч яруу найрагч нарын музеитэй болох хэрэгтэй юм байна Тэнд бүх зүүлийг байрлуулах юм бол сургуулийн хүүхдүүд\nоюунтан нар сургууль анги тахинмаараа үзэж хэчээлээ тэнд хийж болно доо Дотроо үзсэнээ дүгнэх хичээлийн тахимтай байх 100 сонсохоор нэг үз гэж үг би

Avatar

Иргэн 2019-05-21 66.181.191.233

Засгийн газар, яам нь дорвитой арга хэмжээ авах байлгүйдээ. Орчин цагийн утга уран зохиолыг үндэслэгч, их зохиолч, төр, нийгмийн зүтгэлтэний музейг сэргээхэд юун л их мөнгө оров гэж … 280 сая доллар шороонд булах гэж байгаа биш.

Avatar

Зочин 2019-05-21 202.9.42.92

Музейг сэргээн нээх ажлыг Яам зохион байгуулах байхаа итгэж байна

Avatar

Zochin 2019-05-21 24.46.102.95

Tov nomiin sangiin uudnii hesegt Natsagdorjiin muzeig bairluulah ni zov\nMon huuhdiin ordon d baigluulj b.o

Avatar

Зочин 2019-05-21 139.5.216.34

Нэг их шальтай гавьяатай хүн ч биш дээ. Монголын эсрэг ажилласан. Оросжуулах төлөвлөгөөний нэг хэсэг болон ашиглагдсан хүн. Уул нь баруунжих сэтгэлтэй хүн.

Avatar

зочин 2019-05-21 66.181.190.173

тэнэг

Avatar

БӨӨ БАТАА 2019-05-21 103.240.241.110

МОНГОЛЫН ЗОХИОЛЧ 1Ч ХҮН ДЭЛХИЙД ЖААХАНЧ ТООГДСОН ХҮН БАЙХГҮЙ ЭНЭ ХҮНИЙ ЗОХИОЛООС ЦАГ ХУГАЦААНЫ ШҮҮЛТЭЭР ҮЛДВЭЛ ҮЛДЭЭД ҮЛДЭХГҮЙ БОЛ ТЭР Л БИЗ, БҮР ТҮР СУУЖ БАЙСАН ПАГМАДУЛАМ ГЭЖ АВГАЙ БОГДТОЙ СУУЖ БАЙСАН ДОНДОГДУЛАМ ГЭЖ 2АВГАЙГ МАГТАН ДУУЛДАГ АЖИЛАА БОЛИОЧ, МОНГОЛД ХЭРЭГТЭЙ ЯДАЖ ГАНЦ ЮМ ҮЛДЭЭДЭГГҮЙ 2АВГАЙГ СУДАЛСААР БАГАА МАНГАРУУД ЯАНА ДАА

Avatar

Хот мэдэлдээ аваач 2019-05-21 66.181.176.130

Газрыг нь наймаалж халаасаа түнтийлгэх гасэн муу санаагаар албаар унагаасан л ажил байна шдээ. Тэрнээс их зохиолчийн музэйг дэмжээд өгөх хүмүүс байгууллага зөндөө л байгаа ш дээ. Газрын луйвар наймаа явагдах гэж байна хот мэдэлдээ авсан нь дээр болтой

Avatar

Зочин 2019-05-21 112.72.11.106

Тэр ганцаараа үндэслэгч биш. Үндэслэгчдийн нэг. Буяннэмэх, Ядамсүрэн, Аюуш, Бодоо, Даржаа, Наваан-Юндэн гээд олон хүмүүс бий. Нацагдорж бол үзэл суртлын золиос болсон хүн. Улаантнуул түүнийг нас бармагц хувьсгалын туг болгон ашигласан юм. Ихэнх зохиолуудыг нь Намдаг мэтийн зохиолчдоор гүйцээлгэн тѳгѳлдѳржүүлж олны хүртээл болгосон. Түүний эх зохиолууд нь маш их засвартай, бүгдийг нь нэг хүн бичсэн гэхэд сэжигтэй байдаг. Тэр бол улааны суртал ухуулгад ашиглагдаж мандсан хүн. Одоо түүхийн үнэнийг

Avatar

Зочин 2019-05-21 112.72.11.106

нээлттэй болгож бодитоор судлах цаг иржээ. Бүхнийг үзэл сурталжсан байдлаар хардагаа больё. Махн-г Сүхбаатар үндэслээгүй. Шинэ үеийн уран зохиолыг Нацагдорж үндэслээгүй. Хувьсгалыг 7 хүн санаачлаагүй. Сүхбаатар Ленинтэй уулзаагүй. Сүхбаатарыг Богд хорлоогүй. Гэх мэт гэх мэт.

Avatar

Зочин 2019-05-21 119.40.103.242

Тэр бол монголын шинэ үеийн уран зохиолыг үндэслэгч. Өрнө дахин сансрын уудамд тэмүүлж байхад бидний монголчууд сар хиртэлтийг рах бурхны залгилт гэсэн үлгэр домогтой холбон тайлбарлах хэмжээний шинжлэх ухааны мэдлэгтэй, уран зохиол нь эр эмийн хоорондын з**х*й дуугаар хязгаарлагдсан тийм л хоцрогдсон улс байжээ. Тийм нийгмийн дунд Нацагдоржийн хэмжээнд бичих хүн цөөхөн.

Avatar

зочин 2019-05-21 66.181.166.196

Д. Нацагдорж бол соц нийгмийн үеийн шаардлагаар тодруулсан үзэл суртлын зохиомол баатар, одоо энэ музейны хэрэг гэж юу байх билээ, одоо тэгж тархи угаах шаардлага байхгүй болсон ш дээ

Avatar

Их Нацагдоржийн дурсгалд 2019-05-21 103.26.195.150

Дэлгэрцэцэг сэтгүүлчид соёл, утга зохиол, Их зохиолчийн өвийн байгаа музейн эмгэнэлт байдлйн тухай бичсэнд их баярлалаа. МУЕийн зөвлөх хатагтай Ц. Хулан энэ нийтлэлийг уншаад нэг алхам хийх болтугай гэж л залбирахаас. Ер нь энэ хэдхэн музейгээ өөд нь татах цаг болсон шүү. Тэр Майпар хот энэ тэр гэж хувьдаа хот хороо барьснаас чухал шд сэхээтнүүдээ.

NewsMN Гар утасны хувилбар Татах
NEWS.mn

Мэдээллийн эх сурвалж