Афганистанд парламентын гишүүн өрсөлдөгчөө хутгалахыг завдав

Афганистанд парламентын сонгууль өнгөрсөн аравдугаар сард болж өнгөрсөн ч сонгуулийн үр дүнгийн маргаанаас болж анхны чуулганаа саяхан хийсэн байна. Шинэ парламентын анхны чуулганы уур амьсгал ширүүхэн эхэлж, нэгэн гишүүн өрсөлдөгч талын гишүүнийг хутгалахыг завджээ.

Тодруулбал, чуулганы анхны гаргах шийдвэр нь шинэ спикерээ сонгох байсан бөгөөд олонхын саналаар сонгогдсон спикерээ хүлээн зөвшөөрөөгүй цөөнхийн намын нэгэн гишүүн хутга барин өрсөлдөгч тал руугаа дайран танхайрсан байна. Түүнийг хамгаалалтын албаныхан зогсоожээ.