Монголын сагсан бөмбөгийн холбооноос зохион байгуулж буй “Гоё” дээд лигийн аварга баг өнөөдөр тодорно. Лигийн аваргын төлөө “Алдар Танан гарьд”, “Хасын хүлэгүүд” багууд үлдээд байгаа. Зургаа дахь тоглолт өнгөрөгч Баасан гаригт болж, “Хасын хүлэгүүд” цувралыг тэнцүүлж чадсан юм. Өнөөдөр 19.00 цагаас Спортын төв ордонд шийдвэрлэх долоо дахь тоглолт болж, аварга баг тодорно.

Тоглолт эхлэхээс хоёр цагийн өмнө үзэгчдийг оруулах бөгөөд тасалбарын үнэ 10.000, 20.000 төгрөгийн үнэтэй аж. Мөн тоглолтыг SPS телевизээр шууд дамжуулан үзүүлэх юм байна.