УБТЗ-ын 70 жилийн ойд зориулсан гэрэл зургийн уралдааныг дүгнэх ойртлоо | News.MN

УБТЗ-ын 70 жилийн ойд зориулсан гэрэл зургийн уралдааныг дүгнэх ойртлоо

УБТЗ-ын 70 жилийн ойд зориулсан гэрэл зургийн уралдааныг дүгнэх ойртлоо

Монгол-Оросын хувь нийлүүлсэн нийгэмлэг  “Улаанбаатар төмөр зам” үүсч хөгжсөний 70 жилийн ойд зориулан Улаанбаатар төмөр замын үйл ажиллагаа, ололт амжилт, төмөр замчин хүний хөдөлмөр зүтгэл, нэр төр, алдар гавьяаг сурталчлан мөнхжүүлэх зорилгоор гэрэл зургийн уралдааныг зарлаж байна.

Уралдаанд мэргэжлийн гэрэл зурагчид болон гэрэл зураг сонирхогч бүх хүн оролцож болно. Уралдааныг мэргэжлийн гэрэл зурагчид болон гэрэл зураг сонирхогчид гэсэн хоёр ангиллаар тус тус шалгаруулна.

Уралдааныг 2019 оны 04 дүгээр сарын 15-ны өдрөөс  2019 оны 05 дугаар сарын 25-ны өдрийг хүртэлх хугацаанд зохион байгуулна.

Оролцогч нь  бүтээлдээ нэр өгсөн байх ба зургийг тайлбарын хамт ирүүлэхдээ хэзээ, хаана  уг зургийг авсан зэргээ тодорхой дурдсан байна. Мөн уралдаанд ирүүлж буй бүтээлээ JPЕG формат руу хөрвүүлсэн байх шаардлагатай. Эх зургийг  хэзээ, ямар камераар авсан тухай мэдээллийг компьютер дээр шалгах боломжтой байх шаардлагыг хангасан байна. Уралдаанд гар утасны камераар авсан гэрэл зургийг хүлээж авахгүй. Уралдаанд оролцогч нь өөрийн овог нэр, хаяг, утсыг тодорхой бичиж ирүүлнэ. Уралдаанд зөвхөн өөрийн авсан гэрэл зургийг ирүүлэх ёстой бөгөөд зохиогчийн эрхийн асуудал үүссэн тохиолдолд зохион байгуулагч тал хариуцахгүй.

Уралдааныг зохион байгуулах, дүгнэх, шалгаруулах комисс уралдаанд ирсэн бүтээлийг шалгаруулж байр эзлүүлнэ. Бүтээлийн зохиомж, агуулга, ур чадвар, бүтээлийн нэр, тайлбар, тухайн бүтээл чанарын шаардлага хангасан эсэхийг харгалзан шүүнэ. Уралдаанд ирүүлэх бүтээлийг 2019 оны 05 дугаар сарын 24-ны дотор RailroadPhotoContest@gmail.com энэхүү хаягаар  ирүүлнэ. Дэлгэрэнгүй мэдээллийг 99091754, 99109253 утсаар авч болно.

Болзолт уралдааны шагнал урамшуулал:

  1. Мэргэжлийн гэрэл зурагчдын ангилал:

а. Нэгдүгээр байр нэг                -3 сая төгрөг

б. Хоёрдугаар байр нэг -2 сая төгрөг

в. Гуравдугаар байр нэг             -1 сая төгрөг

  1. Сонирхогчийн ангилал:

а. Нэгдүгээр байр нэг                -1 сая 500 мянган төгрөг

б. Хоёрдугаар байр нэг          -1 сая төгрөг

в. Гуравдугаар байр нэг         -500 мянган төгрөг

Уралдааныг зохион байгуулагч:

“УЛААНБААТАР ТӨМӨР ЗАМ” ХНН

МОНГОЛЫН ГЭРЭЛ ЗУРАГЧДЫН НЭГДСЭН ХОЛБОО

ТӨМӨР ЗАМЧДЫН УРАН БҮТЭЭЛИЙН ӨВИЙН ТОВЧОО

"Болор дуран"-аар шалгав.
Энэ мэдээнд өгөх таны сэтгэгдэл?
1
ХөөрхөнХөөрхөн
0
ЗөвЗөв
0
ХахаХаха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж