Мэргэжлийн талбайн теннисийн Ромын нээлттэй тэмцээний 1/4 шигшээд өрсөлдөх тамирчид тодорлоо.

Эрэгтэй ганцаарчилсан төрөлд тус тэмцээний 8 удаагийн аварга Испанийн алдарт теннисчин Р.Надал, 4 удаагийн аварга Сербийн Н.Жокович, Р.Федерэр, Японы К.Нишикори, Грекийн С.Циципас, Аргентины дель Потро нарын 8 теннисчин үлдээд байна.

Мэргэжлийн талбайн теннисийн "Их Дөрвөл" гэгдэх Р.Федерер, Р.Надал, Н.Жокович болон Э.Мюррей нараас Швейцарын Р.Федерер ганцаараа Италийн нээлттэй тэмцээний цомыг өргөж үзээгүй байдаг. Испанийн Р.Надал цомоо хамгаалан өрсөлдөж байгаа.

Эмэгтэй ганцаарчилсан төрөлд чансааг тэргүүлэгч Н.Осака, Мадридын нээлттэй тэмцээний шинэхэн аварга К.Бертенс, Чехийн К.Плишкова, Беларусын В.Азаренко нарын шилдэг 8 теннисчин шалгараад байна. Италийн нээлттэй тэмцээний эмэгтэй ганцаарчилсан төрөлд шинэ аварга тодорно. Тус тэмцээний сүүлийн 8 жил С.Уилльяис, М.Шарапова болон Е.Свитолина нар цомын эзнээр тодорч байжээ.

Италийн нээлттэй тэмцээн нь чансаа өндөртэй ба эрэгтэйчүүдийн мастерс, эмэгтэйчүүдийн премьер зэрэглэлд багтдаг. Эрэгтэй ганцаарчилсан төрөлд түрүүлбэл 1000 оноо, 958 мянган евро халааслах бол эмэгтэй ганцаарчилсан төрөлд түрүүлбэл 900 оноо 523 мянган еврогийн шагнал хүртэнэ.

Б.БЯМБАБАЯР