Экспресс автобус иргэдийн цагийг хэмнэнэ | News.MN

Экспресс автобус иргэдийн цагийг хэмнэнэ

Экспресс автобус иргэдийн цагийг хэмнэнэ

Экспресс автобус иргэдийн цагийг хэмнэнэ
Экстресс 2 чиглэл: 5 шар-Бөмбөгөр-Хөгжим бүжиг

Ирэх даваа гаригаас эхлэн Улаанбаатар хотын төв зам дагуу нэмэлтээр автобус үйлчилгээнд гаргах болсон Нийтийн тээврийн газраас өнөөдөр /2019.05.17/ мэдээлэв. Тодруулбал, нийтийн тээврийн үйлчилгээг иргэдэд хурдан шуурхай хүргэх зорилгоор экспресс чиглэлийг нэвтрүүлжээ. Энэ нь иргэд Таван шараас Зүүн дөрвөн зам хүртэл ердөө 10-15 минут зарцуулах боломж бүрджээ. Тодруулбал, шинээр гурван экспресс чиглэлийг нээсэн нь зөвхөн тогтоосон тодорхой зогсоолуудад л зогсож үйлчлэх юм. Тухайлбал, иргэдийн хамгийн их дамжин суудаг Таван шар, Саппоро, 10 дугаар хороолол, Ард кино театр зэрэг  зогсоолоос иргэд уг экспресс автобусанд суун зорчих боломжтой ба бүх автобусны буудал бүрт зогсохгүй юм байна. Экспресс чиглэл нь дараах чиглэлүүдэд үйлчилнэ.

ЭКСПРЕСС ЧИГЛЭЛҮҮД НЬ 10-15 МИНУТЫГ Л ЗАРЦУУЛНА

Экспресс 1 чиглэл: “ТАВАН ШАР-ЗҮҮН ДӨРВӨН ЗАМ”: 

-Энэ чиглэл нь Энхтайваны өргөн чөлөөгөөр Таван шараас Зүүн дөрвөн зам хүртэл үйлчлэх бөгөөд Таван шар, Хар хорин, Саппоро, 10 дугаар хороолол, 25 дугаар эмийн сан, Баруун дөрвөн зам, УИД, Сүхбаатарын талбай, Өргөө амаржих газар, Зүүн дөрвөн зам гэсэн 10 зогсоолд зогсоно. Ингэснээр автобусны зогсоолуудын ачааллыг 20 орчим хувиар бууруулах боломжтой.

Экспресс 2 чиглэл: “ТАВАН ШАР-БӨМБӨГӨР-ХӨГЖИМ БҮЖИГ”:

Энэ чиглэл нь Таван шараас хойгуураа буюу Самбуугийн гудамжаар шуурхай үйлчлэх чиглэл бөгөөд Таван шар, 32 дугаар байр, Саппоро, 10 дугаар хороолол, 25 дугаар эмийн сан, Элба дэлгүүр, Бөмбөгөр худалдааны төв, Чингэлтэй дүүрэг, МУИС, Хөгжим бүжгийн коллеж гэсэн 10 зогсоолд үйлчилнэ. Ингэснээр автобусны зогсоолуудын ачааллыг 25 орчим хувиар бууруулах юм байна.

Экспресс 3 чиглэл: “ЗУНЖИН-7 БУУДАЛ-АРД КИНОТЕАТР-ТЭЦ3”

-Энэ нь босоо чиглэлд буюу Зунжин худалдааны төвөөс ТЭЦ-3 хүртэл шуурхай үйлчлэх боломжийг бүрдүүлжээ. Долоон буудал, 17 дугаар сургууль, 32-ын тойрог, Хүнсний дөрөвдүгээр дэлгүүр, Ард кино театр, Баянгол зочид буудал, 120 мянгат, Ажилчдын соёлын ордон, Таван богд компани, ТЭЦ-3 гэсэн 12 зогсоолоос иргэд зорчих юм. Ингэснээр Чингисийн өргөн чөлөөний цэгүүдийн ачаалал 20 орчим хувиар буурна. Нийт 10 минут орчим хугацааг зарцуулна.

   Ч:30А, Ч30Б ЧИГЛЭЛҮҮДИЙГ НЭГТГЭЖ, Ч:30 ШИНЭ ЧИГЛЭЛИЙГ НЭВТРҮҮЛЛЭЭ 

  

Үүнээс гадна нийтийн тээврийн үйлчилгээнд Ч:30 гэсэн шинэ чиглэлийг нэвтрүүлжээ. Ингэснээр Дамдинсүрэнгийн гудамж орчимд нийтийн тээврээр үйлчлүүлэх боломжгүй хүмүүст эл үйлчилгээ хүрч байгаа юм байна. Энэ чиглэл нь хотын бүх чиглэлд зорчих боломжтой гэдгээрээ онцлог аж. Тодруулбал, "Жанжин клуб-Дамдинсүрэнгийн гудамж-МУБИС-Ард кино театр" чиглэлд өөрчлөлт орж БЗД-ийн 6, 12, 13, 14, 18 дугаар хорооны иргэдийн санал хүсэлт зорчих эрэлтэд нийцүүлж одоогийн Ч:30а "Жанжин клуб-Зүүн дөрвөн зам-МУБИС-Ард кино театр", "Ч:30б Жанжин клуб-Дамдинсүрэнгийн гудамж-МУБИС-Ард кино театр" чиглэлүүдийг нэгтгэн нэг чиглэл болгожээ.

Мөн богино эргэлийн Ч:71 “Дүнжингарав-Баянмонгол хороолол-Хүннүш 2222-Төв цэнгэлдэх хүрээлэн” гэсэн шинэ чиглэлийг нэвтрүүлжээ. Нийтийн тээврийн үйлчилгээ хүрээгүй суурьшлын цэг болох Энканто хотхон, Хүннү 2222, Академи хотхоны иргэд энэ чиглэлээр үйлчлүүлэх боломжтой. Тус чиглэл нь Энхтайваны өргөн чөлөөний ачааллыг нэмэгдүүлэхгүй ба 120 мянгат хүргэснээр хотын аль ч цэгт хүрэх боломж бүрдэж байгаа юм.

     АВТОМАШИНГҮЙ ӨДРӨӨР ТРОЛЛЕЙБУС ҮЙЛЧЛЭХГҮЙ

Дээрх шинэ үйлчилгээнээс гадна маргааш буюу энэ бямба гаригт автомашингүй өдөр тохиож байна. Тиймээс хотын төвийн буюу Их тойруу доторх гол гудамж, замуудыг өглөө 07.00-170.00 цаг хүртэл хаана. Энэ өдөр троллейбус үйлчлэхгүй /Т:2-Таван шар-Ботаник, Т:4 Ботаник Вокзал, Т:5 3,4 хороолол-Офицеруудын ордон /ба зам хаагдах үед нийтийн зорчигч тээврийн үйлчилгээнүүд хойгуураа Их тойруугийн гудамж, урдуур Нарны зам,Намъяанжугийн гудамжаар явах юм. Хойноос болон урдаас хойш явдаг босоо чиглэлүүд Баруун дөрвөн зам Нарны гүүр, Зүүн дөрвөн замаар үйлчлэхээр болжээ.

"Болор дуран"-аар шалгав.
Энэ мэдээнд өгөх таны сэтгэгдэл?
20
ЗөвЗөв
3
ТэнэглэлТэнэглэл
2
ХахаХаха
1
ХөөрхөнХөөрхөн
1
ГайхмаарГайхмаар
1
ХарамсалтайХарамсалтай
1
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-05-17 202.21.108.132

uhamsargui jolooch nar ih baihad zam deer mashinuud bagtahgv ene ued awtobus nemeed hereg bnu tugjrel uussen bhad 1000 ni awtobus baigaad hereg baihgv l baih

Avatar

Зочин 2019-05-17 202.179.26.127

Zuv2

Avatar

Зочин 2019-05-17 64.119.23.69

Сайхан мэдээ байна. МУБИС-Яармаг гэсэн эсвэл МУБИС-Нисэх гэсэн экспресс автобус гаргавал сайн байна

Avatar

Зочин 2019-05-17 64.119.19.10

зам дээр автобус чинь багтахаа байлаа . арай л өөрөөр сэтгэмээр байна даа . 5шараас амгалан хүртэл 1 чиглэл,7 буудлаас ярмаг хүртэл 1чиглэлийг дан дотоодын цахилгаан автобус явуулах бусад чиглэлүүд нь дамжин суух богино эргэлтээр гэх мэт

Avatar

ЗОЧИН 2019-05-17 202.126.89.16

Булгаа дарга аа дэнж1000 ийн эцсийн одоогийн зогсоолоос цааш шинэ зогсоол ноднин хийсэн атал одоо болтол ашиглахгүй бна. Чин-12,16-р хорооны иргэд сурагч оюутнууд явган явж замын машинд хөлс төлж хувийнханд завшуулсаар бна.Засаг дарга хэсгийн ахлагч нар айл бүрээс санал авдаггүй!! Үүнийг шуурхай шийдэж өгнө үү!

Avatar

Зочин 2019-05-17 202.9.45.48

Зөв, энэ талаар 2010 онд НТГ-т санал болгож блаа

Avatar

иргэн 2019-05-17 43.242.241.218

Утаатай автобусуудаа зайлуулаа, ХҮРЭЛСҮХ-ээ энийг шийдээд өгчихвэл олон хүн баярлана даа. Хорт утааны эх үүсвэр нийтийн тээврийн компаниудыг цэгцэлмээр байна

Avatar

Зочин 2019-05-17 103.57.92.211

Жолооч нар компанийхаа менгийг халаасалсаар иргэд автобусны менгее нэмэх боломж олгож байна гэдгээ ойлгодоггуй.

Avatar

Атуус 2019-05-17 202.9.42.255

Гэхдээ энэ байгаа л замаараа явах болохоор буудал дээр зогсож байгаа урдах атуусаа хөдлөхийг хүлээгээд хаалгаа онгойлгохгүй л зогсоод байх уу. Амьдралгүй юм ярих юм.

Avatar

Зочин 2019-05-17 202.126.88.49

bravo

Avatar

Зочин 2019-05-17 122.201.24.189

Нэгдүгээр эгнээгээ чөлөөлж чадахгүй байж экспресс автобус гэчихжээ. Эхэлж эгнээгээ чөлөөлж хурдан явуулж сурга. Ер нь ачаалал ихдээд ирэхээр баруун гар руугаа эргэдэг хөдөлгөөнийг үе үе хорих хэрэгтэй. Эс тэгвээс баруун эргэж байгаа тээврийн хэрэгсэл чигээрээ явж буй тээврийн хэрэгсдлийг явуулахгүй 20-30 минутаар бөглөж чадаж байгааг шариктай замын цагдаа нь ойлгодоггүй юм уу. Түгжээ болгочих юм. Ялангуяа Багшийн дээд Хойноос баруун тийш эргэдэг, Цэцэг төвийн хойноос баруун, зүүн тийш гэх мэт.

Avatar

Зочин 2019-05-17 5.134.48.121

Жолооч нараа сургалтанд хамруулах хэрэгтэй. Маш будуулэг, автобусандаа тамхи татна, шулсээ хаяна, муухай х****л хэлнэ. Настай хумуус, жирэмсэн эмэгтэй, хуухэд тэвэрсэн хумуусийг хаалгаар оронгуут ходолсноос болоод хумуус бэртэх аюултай бна. Бэртсэн хумуус ч байгаа шуу дээ.

Avatar

ЦДОО 2019-05-17 122.201.24.189

Эцсийн буудал биш жирийн буудал дээр автобус удаан зогсдогийг хориглоочээ???? Графикаа барих нэрийдлээр ажилдаа яарч буй хүмүүсийг бухимдтал зогсох юм. Мөн зарим жолооч жолооныхоо араас гараад ТҮЦ/ундаа, тамхи авах/ хэсээд явчих юм. Автобуснуудын дараалал үүсгээд тээр хойно зогсож хүнээ буулгасан нь зогсоолоосоо хүнээ авахгүй явчих юм. Зургийг нь явуулахад шагнал өгөх юм бол цэгцэрнэ шүү. Төлбөрийг нь журам зөрчсөн жолоочоос гаргуул???

Avatar

Зочин 2019-05-17 43.228.129.131

Хурдан явдаг экспрес автобус хэрэгтэй шүү, хөдөлж ядсан 500 м зайтай буудлын хооронд дуртай дургүй мөлхөдөг автобуснууд багасвал сайн л байна.

Avatar

Зочин 2019-05-17 159.28.222.234

ingmeer shdee tegvel bas taxidad bh hereg alga shde b** ih bolgooroi

NewsMN Гар утасны хувилбар Татах
NEWS.mn

Мэдээллийн эх сурвалж