”Нүүдэлчдийн өрхийн эмч” кино дахин шагнал хүртжээ

Хуучирсан мэдээ: 2019.05.17-нд нийтлэгдсэн

”Нүүдэлчдийн өрхийн эмч” кино дахин шагнал хүртжээ

”Нүүдэлчдийн өрхийн эмч” кино дахин шагнал хүртжээ

Дундговь аймгийн Өндөр шил сумын өрхийн эмч өдөрт 10-100 км зам туулж, өдөр шөнө, өглөө орой, өвөл зуны улирал үл хамааран машин эсвэл морь, тэмээ унаад сумын иргэдэд эрүүл мэндийн тусламж үйлчилгээ үзүүлдэг тухай “Нүүдэлчдийн өрхийн эмч” баримтат кино өгүүлнэ.

Монгол ахуй, соёлыг харуулсан “Нүүдэлчдийн өрхийн эмч" баримтат кино нь өнгөрөгч оны аравдугаар сард Холливүүдийн Олон улсын баримтат кино наадамд "Шилдэг оюутны кино" төрөлд түрүүлсэн билээ. Мөн 2019 оны хоёрдугаар сард 91 дэх удаагийн Оскарын кино наадамд өрсөлдсөн тухай мэдээлсэн.

Тэгвэл “Нүүдэлчдийн өрхийн эмч” баримтат кино дөрөвдүгээр сарын 25-наас 28-ны өдрүүдэд АНУ-д зохион байгуулсан “Jim Thorpe” Олон улсын кино наадамд дахин “Оюутны Шилдэг Баримтат Кино”-гоор шалгарчээ.

Уг бүтээлийн найруулагчаар Их Британийн Хертфордширийн их сургуулийг кино, телевизийн урлагаар магистрийн зэрэг хамгаалсан Б.Март ажилласан бөгөөд тэрбээр энэ удаа шагналаа очиж, гардан авч амжаагүй ч баярт мэдээгээ хуваалцлаа. Баримтат киноны зураглаачаар Б.Лхагвадорж, Б.Санжид, дууны оператороор Н.Бямбацогт нарын уран бүтээлчид ажиллаж эвлүүлэг, дуу оруулалтыг Английн киноны мэргэжлийн хүмүүс гүйцэтгэжээ.

А.СҮРЭН

Энэ мэдээнд өгөх таны сэтгэгдэл?
6
ЗөвЗөв
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж