Монголын сагсан бөмбөгийн холбооноос зохион байгуулж буй “Гоё” дээд лигийн аваргын төлөөх цуврал тоглолтууд “Алдар Танан гарьд”, “Хасын хүлэгүүд” багуудын хооронд болж байна. Хоёр багийн тав дахь тоглолт өчигдөр Спортын төв ордонд болж, “Алдар Танан гарьд” цувралыг 3:2-оор тэргүүлж эхэллээ. Тоглолтыг 109:102 онооны харьцаагаар “Танан гарьд”-ы залуус тэргүүлжээ.

“Гоё” дээд лигийн аварга тодрох мөч улам ойртсоор байна. Хоёр багийн цувралын зургаа дахь тоглолт маргааш Спортын төв ордонд болно. Хэрвээ “Хасын хүлэгүүд” хожил байгуулж чадвал хожлын харьцаа 3:3 болж, шийдвэрлэх долоо дахь үе гарах билээ.