Нэр бүхий албан тушаалтнуудад холбогдох эрүүгийн хэргийг шүүхэд шилжүүлэх саналтай прокурорт шилжүүлэв | News.MN

Нэр бүхий албан тушаалтнуудад холбогдох эрүүгийн хэргийг шүүхэд шилжүүлэх саналтай прокурорт шилжүүлэв

Нэр бүхий албан тушаалтнуудад холбогдох эрүүгийн хэргийг шүүхэд шилжүүлэх саналтай прокурорт шилжүүлэв

Нэр бүхий албан тушаалтнуудад холбогдох эрүүгийн хэргийг шүүхэд шилжүүлэх саналтай прокурорт шилжүүлэв

Авлигатай тэмцэх газрын Мөрдөн шалгах хэлтсээс зарим албан тушаалтнуудад холбогдох эрүүгийн хэргийн мөрдөн шалгах ажиллагааг дуусгаж, шүүхэд шилжүүлэх саналтайгаар прокурорт шилжүүллээ. Эрүүл мэндийн яамны өндөр албан тушаалтнаар 2016-2017 онд ажиллаж байсан О нь ажил гүйцэтгүүлсэн нэр бүхий хуулийн этгээдүүдтэй хувийн харилцаа үүсгэж, өөртөө болон бусдад давуу байдал бий болгосон гэх эрүүгийн хэргийг 2019 оны тавдугаар сарын 09-ний өдөр шүүхэд шилжүүлэх саналтайгаар прокурорт шилжүүлэв.

Нийслэлийн хот төлөвлөлт, ерөнхий төлөвлөгөөний газрын Барилга байгууламж хяналтын хэлтсийн эрх бүхий албан тушаалтан нь “Барилгын ажлын зөвшөөрлийн гэрчилгээ”-г гаргахдаа албаны чиг үүргээ хэрэгжүүлснийхээ хариуд 20 сая төгрөгийн хахууль авсан гэх эрүүгийн хэргийг 2019 оны тавдугаар сарын 10-ны өдөр шүүхэд шилжүүлэх саналтайгаар прокурорт шилжүүлсэн байна.

Хан-Уул дүүргийн Нийгмийн даатгалын хэлтсийн холбогдох албан тушаалтнууд нь нэр бүхий иргэдэд Нийгмийн даатгалын сангаас тэтгэвэр, тэтгэмж олгохдоо үндэслэлгүйгээр илүү тогтоож, хээл хахууль, шан харамж авсан, өгсөн гэх хэргийн мөрдөн шалгах ажиллагааг дуусгаж, 2019 оны тавдугаар сарын 15-ны өдөр шүүхэд шилжүүлэх саналтайгаар эрүүгийн хэргийг прокурорт шилжүүллээ.

Хан-Уул дүүргийн харъяа болон харъяаллын бус, мөн насанд хүрээгүй хүүхдүүдийг цэцэрлэгтээ авахгүй гэж хясан боогдуулж хахууль авсан байж болзошгүй Боловсрол, соёл, шинжлэх ухааны яамны харьяа …-р цэцэрлэгийн эрх бүхий албан тушаалтанд холбогдох хэргийг 2019 оны тавдугаар сарын 16-ны өдөр  шүүхэд шилжүүлэх саналтай прокурорт шилжүүлэв.

Төрийн банкны гүйцэтгэх захирлаар ажиллаж байсан эрх бүхий албан тушаалтнууд 4.7 тэрбум төгрөгийн зээл гаргахдаа 98.000 ам.доллар, тавилга, эд зүйл авсан гэх үйлдэлд эрүүгийн хэрэг үүсгэн шалгасан бөгөөд уг эрүүгийн хэргийг 2019 оны тавдугаар сарын 16-ны өдөр шүүхэд шилжүүлэх саналтайгаар прокурорт шилжүүллээ.

Эх сурвалж: АТГ

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-05-16 202.126.89.161

том тул, акулуудын хэрэг яасан бэ.

Avatar

Зочин 2019-05-16 43.228.131.45

РАДНААСЭДИЙН ЗАССАН ХУУЛИАР ЭНЭ АВИЛГАЧ ХУЛГАЙЧ НАРЫН ХЭРЭГ ХЭРЭГСЭХГҮЙ БОЛНО ШҮҮ ДЭЭ

Avatar

Зочин 2019-05-16 223.62.204.145

НХТ, ЕТГ-ын Баилга байгууламжийн хяналтын хэлтсийн даргын 60.0 сая ₮-ийн хахуулийн хэрэг яагаад 20.0 сая ₮ болчихов.

Avatar

Зочин 2019-05-16 66.181.161.2

Загасаар бол чепак мэтийн л загас барьж дээ!!!!! Акулаа боль гэхэд бага, дунд гарын тул барьж болдоггүй л юм байх даа???? Жишээ нь, Женког 267 км төмөр зам дээр нь бариад "далд" хийчихвэл Монголдоо л Акул болно доо!!!!!

Avatar

иргэн 2019-05-16 202.179.26.75

Прокурор дээр баахан Гацааж байгаад Шүүхэд өгнө биз дээ тэгээд Шүүхийн эцсийн шийдвэр нь Хөөн хэлэлцэх хугацаа дууссан эсвэл Авилга өгч авалцаж байх даа газар \n дээрээ Баригдаагүй үгүй бол Гэмт хэргийн шинжгүй гэсэн шийдвэр гаргаж дээрээ нь Хүний Эрх Эрх чөлөөг харгалзан үзэж Хэргийг Цагаатгах буюу Хэрэгсгэхгүй болгоод явуулна шүү дээ

NewsMN Гар утасны хувилбар Татах
NEWS.mn

Мэдээллийн эх сурвалж