Багш сурагчдаа хүчирхийлэгч үү, сурган хүмүүжүүлэгч үү? | News.MN

Багш сурагчдаа хүчирхийлэгч үү, сурган хүмүүжүүлэгч үү?

Багш сурагчдаа хүчирхийлэгч үү, сурган хүмүүжүүлэгч үү?

Багш сурагчдаа хүчирхийлэгч үү, сурган хүмүүжүүлэгч үү?

Засгийн газар багш нарын цалинг нэмж, хуулиар хариуцлагыг нь чангатгасан ч ёс зүйгүй үйлдлийг нь хязгаарлахгүй бололтой.

Хэдхэн хоногийн өмнө нийслэлийн нэгэн цэцэрлэгийн бэлтгэл бүлгийн багш нь 30 гаруй “сурагч”-аа  анги засварын мөнгө өгөөгүй шалтгаанаар сандал өргүүлж зогсоосон байдаг.  Сургууль, цэцэрлэг амрах болоогүй үед эцэг, эхийнх нь цалин буухыг хүлээж болмоор. Гэтэл эцэг, эхийнх нь хариуцлагагүй үйлдлийг хүүхдэд нь тохож, шийтгэсэн.

Ерөнхий боловсролын сургуулийн багш нартай холбоотой сурагчаа эцэг, эхийнх нь эрхэлдэг ажил, өмссөн зүүснээр нь ялгаварлан гадуурхдаг  гомдол ч тасрахгүй байна. Тэр бүү хэл шавиа тооны машин алга болсон хэрэгт сэрдсэн асуудал ч гарсан. Хэрэг явдлыг тодруулбал, Хөвсгөл аймгийн Рашаант сумын дотуур байрны 11 настай Х өнгөрсөн дөрөвдүгээр сарын сүүлээр сураггүй болсон тухай мэдээлэл цацагдсан ч хоёр хоногийн дараа эсэн мэнд олдсон юм. Гэхдээ энэ хэрэг явдал болохын өмнө ангийн багш нь Х-г тооны машин алга болсон хэрэгт сэрдсэн байдаг.

Хулгайн хэрэгт сэрдэгдэнэ гэдэг хүүхдийн хувьд асар том шийтгэл. Тэр тусмаа үйлдээгүй хэргийнх нь төлөө хүүхдийг хулгайч болгоно гэдэг бол ноцтой буруутгал юм. Хэргийн учир начрыг үнэн зөвөөр олъё гэвэл сумын цагдаагаа ч болтугай дуудаад шалгуулж болно. Гэтэл өөрөө хэрэгтнийг илрүүлэх гээд шавиа насан турш санаж явах нэг муухай дурсамжтай үлдээж, өөрөө энэ асуудлаасаа болж, шалгагдаж байна.

Дараагийн кейс бол Өвөрхангай аймгийн I сургуулийн багш Ц нь гэрийн даалгавраа хийгээгүй гэх шалтгаанаар бага ангийн хоёр эрэгтэй, таван эмэгтэй сурагчийн чээжин хэсгийн хувцсыг тайлуулж, нүцгэлэн ангиудаар хэсүүлсэн ёс зүйгүй үйлдэл гаргаж байв. Ямар багшийн толгойд ийм шийтгэл бууж, бусад багш нар нь мөн энэ тэнэг үйлдлийг нь хүлээн зөвшөөрөөд сурагчдыг анги хэсүүлснийг төсөөлөхөд ч бэрх.

УИХ-аар саяхан хэлэлцсэн Монгол Улс дахь хүний эрх, эрх чөлөөний байдлын талаарх 18 дахь илтгэлийг сөхвөл аутизмтай хүүхдийн сурах эрх хэрхэн зөрчигдсөн тухай өр зүсэм тохиолдлыг Монголын Аутизмын холбооны удирдах зөвлөлийн гишүүн А-гийн ярилцлагаас иш татан өгүүлжээ.

Түүнд  “Манайх хүүхдээ хувийн сургуульд хоёр долоо хоног явуулж үзсэн. Тэр үед хүү маань 10 настай, дөрөвдүгээр ангид орсон юм. Сургуулийн захиргаа дэмжиж, ямар нэгэн асуудалгүй хүлээгээд авсан. Хүүхдийнхээ онцлог байдлыг бусад хүүхдэд тайлбарлаж хэлье гэтэл “Тэгэх шаардлагагүй” гэлээ.

Гурав хоногийн дараа багш нь “Ер нь та нар хүүхдээ тусгай сургуульд өгөх ёстой юм биш үү, Танай хүүхэд хэт хөдөлгөөнтэй тул дэргэдэх хүүхдэдээ саад болж байна” гэв. Бид “Та нар дахиад ажиглаад үзээч, гурав хоногт ийм дүгнэлт хийж болохгүй байх” гэж гуйв. Хүү маань ч хичээлдээ явна гэж уйлав. Хүү хичээлдээ явж байсан ч хэд хоногоос багш нь “танай хүү хөдөлгөөнтэй учир хамгийн ард ганцааранг нь суулгасан” гэлээ. Мөн нэг өдөр ангийнхаа хүүхдүүдэд өгөөрэй гээд өгч явуулсан шоколадны цуглуулгыг тэр чигт нь буцаагаад авчирсан. Яагаад өгсөнгүй вэ гэтэл “Надаас хэн ч аваагүй” гэж хэлсэн юм.

Ангийн багш нь аутизмтай хүүхэдтэй ажиллах арга барил, туршлагагүй учраас манай хүүхдийг ялган хамгийн ард аваачиж суулгаж, хүүхдүүд ч багшийнхаа энэ хандлагаас сэдэл авч “энэ хүүхэд биднээс өөр, түүнтэй харилцаж болохгүй, шоколад авч болохгүй” гэсэн бодол төрсөн юм шиг байгаа юм. Тэгээд хүүгээ сэтгэл санааны дарамтад орж, ядрах юм байна гээд өөр сургуульд сургахаар сургуулиас нь гаргасан…” гэжээ.

Энэ бол зөвхөн нэг л сургууль дээр болсон тохиолдол. Хөгжлийн бэрхшээлтэй болон аутизмтай хэчнээн хүүхдийн сурах эрх багшийн харилцаанаас болж зөрчигдөж, анги хамт олон нь хүртэл  дөлж буйг харуулсан нэгхэн жишээ юм.

Өнөөдөр ерөнхий боловсролын сургуулийн сурагчид өөр хоорондоо баян, тарган, сурлагатай, сурлагүйгээрээ хуваагдаж, ялгарахад ч багшийн ёс зүйгүй үйлдэл л нөлөөлсөн байх нь олонтаа.

Мөнгө төгрөг өгдөг, ажлыг нь бүтээж өгдөг аав, ээжийн хүүхдийг сурлага муутай ч өөд нь татна, аав, ээжийнх нь эрхэлдэг ажил хар бор бол сурлагатай байсан ч дарна.

НҮБ-ын Хүүхдийг ивээх сангаас хийсэн 2016-2017 оны судалгаанд оролцсон хүүхдүүдийн дунд боловсролын орчинд хамгийн их зовоодог зүйл нь ялгаварлан гадуурхалт, дарамт гэдгийг онцолжээ. Судалгааны үр дүнд хүүхдүүдийн 69.5  хувь нь сургуулийн орчинд  дарамт хүчирхийлэлд өртсөн. Үүний 15 хувь нь багш, 5.6 хувь нь нийгмийн ажилтан ямар нэгэн байдлаар хүчирхийлэл үйлдсэн гэж хариулсан байдаг. Багш нар зарим хүүхдэд давуу байдлыг олгодог. Ингэхдээ эцэг эх, амьдралын нөхцөл байдал, эдийн засаг, багшид ямар нэг хэмжээгээр ашигтай байх талыг хардаг. Нэг хүүхдэд давуу байдлыг олгож эхлэхэд бусад хүүхдийн суралцах идэвхи, өөртөө итгэх  итгэл буурдаг. Энэ нь сурах эрхийг хангахад зөрчил гаргаж байна” гэсэн байдаг.

Уг нь сургууль бол сурагчдын хоёр дахь гэр нь юм. Ихэнх цагаа сургуулийн орчинд өнгөрөөж байгаа ирээдүй үеэ эцэг, эх нь сургахаас гадна багшийн ёс зүй, хүмүүжил хамгаас чухал. Хэнтэй яаж харилцаж байгаагаас сурагч бүр суралцаж байдаг. Нэг жилийн өмнө цахим ертөнцөд ангийн даргад өрсөлдөхөөр нэрээ дэвшүүлсэн хүү сурагч бүрт 1000 төгрөг тараасан тухай дуулиан дэгдэж, авлига, хээл хахууль энэ салбарынхны хүмүүжлийг хэрхэн эвдэж буйг дээр, дооргүй л гайхаж ярьсан. Гэтэл өнөөдөр аль сургалт сайтай гэсэн сургуульд эцэг, эхчүүд хүүхдээ сургахын тулд сургуулийн захиралд нь, багшид нь авлига өгч байна. Энэ тухай мэдээллийг авсан хүүхэд “Ингэх л ёстой” гэсэн ойлголттой болж төлөвшиж эхэлсэн нь нийгмийн эмгэнэл юм.

Дээр нь сурагчдаа олимпиад нэрээр уралдуулна. Зарим сургуулийн хувьд энэ нь мөнгөтэй болох арга ч болж хувирсан шиг байгаа юм.

Энэ асуудлаас гарах гарц нь ёс зүйтэй багш бэлтгэн, ерөнхий боловсролын сургалтын хөтөлбөрт хүний эрхийн хичээлийг ерөнхий мэдлэгийн суурь хичээл болгон үздэг, хөтөлбөртэй болохоос гадна нийгмийн ажилтнуудыг хүний эрхийн чиглэлээр сургаж, мэргэшүүлэх асуудал ч чухлаар тавигдаж байна.

Боловсрол, соёл, шинжлэх ухааны сайд аа, 1-5 дугаар ангийн элсэгчдээс төлбөр авч шалгалт аван элсүүлдэг  гэх асуудалтай тэмцэхээс илүүтэй ёс зүйтэй багш бэлтгэх, одоогийн багш нартаа ёс зүй, хүний эрхийн хичээл зааж, сургаж авахгүй бол ялгаварлан гадуурхалтыг өдөөгч нь багш болж хувирлаа.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
7
ТэнэглэлТэнэглэл
3
ЗөвЗөв
2
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ganaa 2019-05-16 103.212.116.63

бидний өгсөн төлбөрөөр юу хийж бнаа автобус нь хүрэлцээгүй хүүхдүүдийг хөлдүү мах шиг чихээд явна\nакадемийн заланд бүх ангийн биеийн тамирын хичээлийг оруулах ёстой,Баясгалан захиралыг хөрөнгөжүүлээд бгаа юм биш үү бид

Avatar

ganaa 2019-05-16 103.212.116.63

олонлог сургууль ямар учраас төлбөр нэмж байгааг боловсролын яам шалгаж өгөөч ээ, анх байгуулагдахдаа л биеийн тамирын залгүй бсан,одоо хүртэл залгүй байж нээх олон биеийн тамирын багштай, нэг л сургууль байж хүүхдүүдээ эгзэ академи төвөөр нь ялгаж ханддаг, ялангуяа дундын багш нар менежер нь харьцаагүй хүүхдийг ялгаж харьцдаг тэр бүү хэл/юу сайна новшнууд аа / гэж мэндэлдэг багш хүртэл бх юм,англи япон хэлний сургалт ямар ч ахицгүй физикийн ганц багштайзуны зуслантай ч дээврээс нь ус гоожно

Avatar

Зочин 2019-05-16 202.126.89.60

Huviin sain surguuliudad hurtel eos zuin doholdoltoi bagsh nar ih bii. Huvi hunii soyol baihgui haritsaanii soyol mash muu buduuleg haraaliin ug yariagaar suragchidtai haritsdag bagsh nar deer ni bas gadaadad ajillaj amidarch baigaad irsen humuusiin huuhduudiig mash ih havchij doosh ni hiij setgel sanaagaar daramtaldag asuudal chimeegui tahal bolj ehellee. Ed nar nasniihaa ihenhiig gadaadad ajillaj ongoroon eh oron ard tumendee hamgiin hund hetsuu uyed ni tsai mahnii mongo,valyut zooson humuus.

Avatar

Зочин 2019-05-16 202.9.44.69

Өнөөөдөр АТЛАНТА гэх сургуулийн захиралд доор бичсэн зүйлийнхээ тухай хэлэхэд хүүхдээ аваад яваа гэж хөөж байна. Тэд ийм л юм чадаж байна. Төлбөрийн хэдэн төгрөгөндөө нүд нь харанхуйлаад таг сохорсон байна. Их сургуультай адил төлбөртэй баж стандарт яриад явна. Стандартаас илүү зүйд хүсэж байгаа учир хувийн сургуульд явуулж байгаа шүү.

Avatar

Зочин 2019-05-16 202.9.44.69

Өнгөрсөн зууны аргаар бэлтгэгдсэн багш нар өнөө үеийнхэнд хичээл зааж балалж байна. Шинэ үеийнхэнд шинэ аргаар заахгүй бол бүтэхгүй ээ. Тэд цээж бичиг, бичгийн хэв, дэвтэрийн хавтас, хувцас жигдрэлт гэх мэтэд анхаарсаар ГОЛ чанар, чадамж нь орхигдсоор байна. Өөрсдөө чадахгүй зүйлээ зааж чадахгүй шдэ.

Avatar

Зочин 2019-05-16 202.9.44.69

Суурь боловсрол буюу бага ангийн боловсрол бүхний суурь шүү дээ, Байшингаар бол сууурь нь гэсэн үг. Бага ангиас ямар түвшний сурагчид дунд ангид орно, тийм хэмжээний гарц гарч ахлах анид орц болж орно. Ахлах ангиас тийм л гарц гарна. Тэр гарц нь их сургуулийн орц болж ороод мөн л тийм гарц хэвээр гарна. \n\nБага анид сурагчдыг чадвараар нь биш шүлэг цээжилсэн эсэхээр нь дүгнэж сурагчаа үнэлэж байна. Бичгийн хэвээр нь үнэлэж дүнэж байна. Тэд чадварт сургаж чадварыг үнэлэж чадахгүй байна.

Avatar

Зочин 2019-05-16 50.24.94.62

Сэтгүүлчид хэл бузарлагчид бүхнийг хар бараанаар буудагчид уу эсвэл нийгмийг гэгээрүүлэгчид үү дараагийн кэйс ч гэх шиг нэртэйгээр нь бүх үгээ англиар биччихээч

Avatar

Зочин 2019-05-16 66.181.161.115

Багш нар нь багш биш гэнэ, эмч нар нь эмч биш гэнэ, эрдэмтэд нь эрдэмтэд биш гэнэ, шүүгч нар нь шүүгч биш гэнэ, цагдаа нар нь цагдаа биш гэнэ, төрийн түшээд нь түшээд биш гэнэ…

Avatar

Зочин 2019-05-16 66.181.161.115

Эдгээр нь бүгдээрээ дундаа нэг тавагтай. Тэр тавагийг төсөв гэнэ. Тэр таваг руу нь нүүрс, зэсийн экспортоос олсон мөнгө, хувийн хэвшлийнхнээс авсан авсан татвар орно. Тэр тавгийг дүүргэгч нүүрс, зэсийн экспортоо, хувийн хэвшлээ үргэлж ад үзэж дарамтлах ба тавгийг дүүргэхийн завдал өгөлгүй тал талаас нь ховх сорно.

Avatar

Зочин 2019-05-16 203.217.138.2

Тэгээд сайн багш бэлтгэхдээ анхаараач дээ, гарц нь ойлгомжтой ш тээ, сайн шигшиж авах, тэгээд сайн цалин өгөх. Тэгэхгүй бол муудсаар удахгүй сэтгэцийн гажигтай хүмүүс багш болно шүү.

Avatar

Зочин 2019-05-16 202.179.8.166

Дарга сайд нар үнэн сэтгэлээсээ ажил хийх сонирхол алга даа үнэхээр засчий сайжруулахад лчихий гэж боддог бол зөндөө л ажил хийсэн баймаар мөнгө сонгууль л боддог болсон юм биш үү буруу бүхнийг өнөө муу ядарсан хэдэн багш нар нь үүрч байх юм да сэтгэл байвал багш нар дэмжээд боловсролыг хөгжүүлэх ч энүүхэнд харагдаж бна

Avatar

Zochin 2019-05-16 24.46.102.95

Mongoliin mash olon bagsh gegddeg humuus bagsh baihaargui ys zuitei ni unen\nTiim mortloo tsalin nemehiig shaarddag,bas medl muu,hunleg bish

Avatar

Зочин 2019-05-16 66.181.186.179

Хэт өрөөсгөл нэг талыг барьсан мэдээлэл бна.Багш нар бол хадны дунд хавчуулагдсан….гэдэг шиг л байдаг шүү.ангиа заавал засч хүлээлгэж өг гэнэ.засварын мөнгө өөрсдөө ол гэнэ.засахгүй болохоор амралтын мөнгөөр бооно.Хүчирхийлэл хамгийн их үйлдэгдэж бгаа орчин бол гэр бүл.хүүхдүүд ч үүний хүлээн зөвшөөрдөг.хамаг бурууг багш нарт чихэж нийгмийн сэтгэлзүйг тухирахаа болих хэрэгтэй.түмэн янзын зан ааштай өөр орчинд өсөж бгаа хүүхэд бүрийн аргыг олж харьцах үнэхээр хэцүү.өнөө үед бүр ч хэцүү болсон.

Avatar

Зочин 2019-05-16 64.119.16.27

Yunii umnu bieee umuuruhuu bolij shuumjleliig huleej avch sur. Uuruu bagsh hun bololtoi. Uneheer baidag yarih yostoi sedviig hundsun baina.

Avatar

Зочин 2019-05-16 103.9.90.98

жил болгон засварын мөнгө гэж эцэг эхээс мөнгө авах юм ун уг нь сургууль цэцэрлэгийн төсөвт нь уосгал зардал гэж суудаг л баймаар юм даа тэрхүү мөнгөөр юу хийдэг нь тодорхойгүй байх юм да

Avatar

Зочин 2019-05-16 202.9.44.69

хуьийн сургууль хүртжл засварын мөнгө гэж нэхдэг юм билээ

Avatar

баярлалаа 2019-05-16 1.9.216.87

Хорол минь еер шинэ сэдэв хенде, хун бур нэг сэдвээр углэх залхуутай

Avatar

Гал 2019-05-16 202.126.89.110

Цалин хангамжтай холбоотой асуудал. Багшийн цалин бага тул босго оноо тааруу хүүхдүүд багшийн мэргэжлийг сонгодог болсон цаг! Онц үгүй юм аа гэхэд сайн сурлагатангууд багш мэргэжлийг сонгодог боловсролын тогтолцоо. Үгүй бол танай хүүхэд бичиг үсэг тайлагдаад, 4 үйлдэлтэй тоо бодож сураад төгсвөл их юм гэдгийг эцэг эхчүүд ойлгох цаг болсон. Тийм учир бид хүүхдээ хувийн сургуульд өгөх хэцүү шийдвэрийг гаргасан.

Avatar

Зочин 2019-05-16 202.126.89.110

Цалин хангамжтай холбоотой асуудал. Багшийн цалин бага тул босго оноо тааруу хүүхдүүд багшийн мэргэжлийг сонгодог болсон цаг! Онц үгүй юм аа гэхэд сайн сурлагатангууд багш мэргэжлийг сонгодог боловсролын тогтолцоо. Үгүй бол танай хүүхэд бичиг үсэг тайлагдаад, 4 үйлдэлтэй тоо бодож сураад төгсвөл их юм гэдгийг эцэг эхчүүд ойлгох цаг болсон. Тийм учир бид хүүхдээ хувийн сургуульд өгөх хэцүү шийдвэрийг гаргасан.

Avatar

Зочин 2019-05-16 202.179.8.166

Монголын боловсролыг Нямочир мэтийн хүний б**с долоогч нар удирдахаар яаж олигтой хөгжиж сайхан болох вэ дээ улам л уруудаад байна ш дээ харин ч энэ хэдэн хувийн сургуулиуд нь гадаад дотоодын уралдөан тэмцээнд амжилттай оролцож улсынхаа боловсролын нүүрийг тахалаад байгаан биш үү боловсрол бодлогогүй болсоон улсын сургууль нь хүүхдээ ч сургахын аргагүй үнэн аймаар дарга нараа очихоор муу муухай булхайгаа бүгдийн нууна болж байгаа мэт сайхан мэт сэтгэгдэл төрүүлж бөгсын долоож өгнө дөө үнэхээр со

Avatar

Зочин 2019-05-16 122.201.24.29

Монгол хүн хөгжөөгүй л байна гэсэн үг, бурангуй нийгмийн үлдэгдлүүдийг ажлаас нь халах хэрэгтэй, хүүхэдтэй ажиллаж чадахгүй бол таарч тохирох биеийн хүчний ажил хийсэн нь дээр

Avatar

Зочин 2019-05-16 203.91.114.244

багш хүний ёс зүйн дүрэм, сэтгэл гэж байна уу. Багшийн сургууль төгссөн хүн бүр багш биш шүү дээ

Avatar

зочин 2019-05-16 202.179.25.117

ийм хүүхдүүдтэй ажиллах жаахан бэрхшээлтэй хэцүү байдаг. эцэг эхчүүд их дургүйцдэг.

Avatar

Зочин 2019-05-16 202.179.25.152

Аутизмтэй хүүхэд ердийн цэцэрлэгт явах нь зөв. Гэхдээ монголд хэцүү. Яагаад гэдгийг ийм зүйл бичиж байгаа эцэг, эх, сэтгүүлч багш асрагчийн ажлыг хийлгэсэн цагт ойлгоно. 2-5 насны 40-50 хүүхэдтэй 2 хүн ажилладаг. Барууны орнууд 1 багшид 5-7 хүүхэд ногдохоор зохион байгуулсан байдаг.

NewsMN Гар утасны хувилбар Татах
NEWS.mn

Мэдээллийн эх сурвалж