Энэ жил зуслангуудын дундаж үнэ 175 мянган төгрөг байна. Харин ихэнх зуслан ирэх сарын 4-нөөс бүртгэлээ хийж эхлэх талаар Хүүхэд, гэр бүл хөгжлийн газраас мэдээлж байгаа. Зургадугаар сарын 4-ний өдрөөс Улаанбаатар чуулгын нэг давхарт авч эхлэхээр болжээ. Гэхдээ энэ жилийн хувьд халдварт өвчний тархалт их байгаа учраас эрүүл мэндийн үзлэгийг улам чангатгасан байна.

Тухайлбал:

1. Өмнөх жилүүдэд иргэд бүртгэл хийлгэснийхээ дараа эрүүл мэндийн хуудсаа өгдөг байсан. Тэгвэл энэ жилээс иргэд хүүхдээ зусланд бүртгүүлэхээр ирэхдээ эрүүл мэндийн хуудсаа бөглүүлж авчрах хэрэгтэй гэдгийг санууллаа. Эрүүл мэндийн хуудсыг child.gov.mn  эндээс татаж аваарай.
2. Эрүүл мэндийн хуудсыг хувийн эмнэлгүүдээр бөглүүлэхгүй. Заавал өөрийн оршин суугаа дүүргийн эрүүл мэндийн нэгдлээр бөглүүлэн, тамгуулах ёстой аж. Иргэдийн хувьд дүүргийн эмнэлэг оочертой гэх шалтгаанаар хувийн эмнэлгээр тамга даруулах явдал байдаг. Тэгвэл энэ жилээс зөвхөн дүүргийнхээ эмнэлгээр л бөглүүлэх шаардлагыг тавьж эхэлжээ.

Эрүүл мэндийн хуудсын загварыг харна уу.

Нийслэлийн Эрүүл мэндийн газрын дарга,
2014оны 06 дугаар сарын    -ны өдрийн
…..тоот тушаалын хоёрдугаар хавсралт

Эрүүл мэндийн үзлэгийн хуудас

Овог……………………………
Нэр …………………………….
Нас………….Хүйс  эр/ эм  /зур/
Эрүүл мэндийн даатгалын гэрчилгээний дугаар………………………
Гэрийн хаяг…………………………………………………………………..
                     ………………………………………………………………….  
Утас №……………………………
Сургуулийн  хаяг………………………………………………………………………
                             …………………………………………………………….

Эрүүл  мэндийн хувьд……… ……………………………….( тэнцэнэ/тэнцэхгүй)

Ерөнхий  эмчийн  гарын үсэг, дардас, тамга
                                               ……………………………….. ( ………………………)

2015 он …сар….өдөр

Зуслангийн эмчийн шийдвэр

Эрүүл мэндийн хувьд  …………………………………………(тэнцэнэ/тэнцэхгүй)
Зуслангийн эмчийн гарын үсэг, тамга………………………..(…………………….)

2015  он …сар….өдөр

Иргэд зуслангийн талаар дэлгэрэнгүй мэдээллийг Хүүхэд, гэр бүл, хөгжлийн газрын  www.child.gov.mn сайт руу орж, зуслан гэх холбоосоор авах боломжтой юм. Дээрх зүйлсийг бүрдүүлсэн бол та хүүхдээ зусланд амраахад бэлэн боллоо гэсэн үг юм. Дор хүснэгтэнд нийслэлийн харьяа зуслангуудын хаяг, холбогдох дугаарыг оруулав.

ЗУСЛАНГУУДЫН ХАЯГ БАЙРШИЛ

“Найрамдал” зуслан 120-199 мянган төгрөгийн үнэтэй

Иргэдийн хувьд “Найрамдал” зуслангийн захиалгын хуваарь тодорхойгүй, баячуудын хүүхдүүдийг л авдаг гэх яриа бий. Тэгвэл энэ талаар тус төвийн хэвлэл мэдээллийн ажилтан н.Нарангэрэлээс тодрууллаа.

-Зуслангуудын оргил үеийг  гуравдугаар ээлжээс хойшхи үе гэж ярьдаг. Гэтэл танай зуслангийн энэ үеийг хувийн дунд сургуулийн хүүхдүүдэд аваад өгчихдөг гэх яриа байна. Энэ талаар тодруулъя?

-Хувийн дунд сургуулиуд сургалт явуулахаар манай зусланд захиалга өгдөг. Гэхдээ ихэнхдээ зунаас бусад үед ийм захиалга өгдөг. Зуны улиралд иргэдээс онлайнаар бүртгэлээ авсаар ирсэн.

-“Найрамдал” зуслангийн хувьд бүртгэлийн мэдээлэл нь тодорхойгүй байдаг гэх эцэг эхчүүд багагүй байдаг?

-Онлайнаар захиалгаа авдаг гэдгийг эцэг эхчүүдэд хэлмээр байна. www.nairamdal.mn сайтад орж тухайн явахыг хүссэн ээлж эхлэхээс хоёр сарын өмнө бүртгүүлэх хэрэгтэй. Иргэдийн хувьд ихэнхдээ цагийг нь тулгаж бүртгүүлэх хүсэлт гаргадаг. Амрагч их учраас хоёр сарын өмнө бүх бүртгэлээ аваад бэлэн болгодог.

-Хоёр сарын өмнө бүртгүүлнэ гэхээр одоо оройтсон гэсэн үг үү?

-Энэ жилийн хувьд нэгдүгээр ээлжээс бусад үеийн амрагчид дүүрсэн. Нэгдүгээр ээлжинд захиалга өгөх бол манай сайтаар ороод бүртгүүлж болно. Мөн онлайнаар захиалга өгсөн иргэдийн эрхийн бичгийг Монголын хүүхдийн ордонд ажлын цагаар олгож байгаа гэдгийг хэлье.

“Найрамдал” зуслангийн хувьд www.nairamdal.mn сайтаар орж хоёр сарын өмнө бүртгүүлдэг байна. Тус зуслангийн хэвлэл мэдээллийн ажилтан н.Нарангэрэлийн хэлж буйгаар энэ зуны хувьд нэгдүгээр ээлжинд л хэдхэн хүүхдийн захиалга авах юм байна. Хоёр сарын өмнө онлайнаар амрагчдынхаа бүртгэлийг аваад нэгдүгээр ээлжээс бусад нь дууссан гэв. Нэгдүгээр ээлжинд явах хүсэлтэй хүүхэд байвал http://www.nairamdal.mn/nairamdal_new/order.php холбоосоор яаралтай бүртгүүлэх хэрэгтэй аж.  Харин онлайнаар хоёр сарын өмнө бүртгүүлсэн хүүхдүүдийн эрхийн бичгийг даваа гарагаас эхлэн Монголын хүүхдийн ордонд 09.30 -17.00 цагийн хооронд тарааж эхэлжээ. Тодруулбал онлайнаар захиалга өгсөн хүүхдүүдийн эрхийн бичгийг дор харагдаж буй хуваариар олгож байгаа юм. 

• 5-Р САР –  20, 21, 22, 25, 26, 28 -ны өдрүүдэд
• 6-Р САР –  02, 04, 05, 09, 10, 11, 15, 17, 18, 22, 23, 25, 26, 29, 30 -ны өдрүүдэд
• 7-Р САР – 02, 03, 06, 07, 08, 16, 17, 20, 21, 22, 23, 27, 28, 29 -ны өдрүүдэд
• 8-Р САР – 03, 04, 05, 06, 07-ны өдрүүдэд тус тус тараана.

“Найрамдал” зуслангийн үнийн мэдээллийг хүргэе.

1-Р ЭЭЛЖ

Хугацаа: 2015-06-03: 2015-06-08
Нас: 7-10
Үнэ: 124,500₮

2-Р ЭЭЛЖ

Хугацаа: 2015-06-08: 2015-06-15
Нас: 8-12
Үнэ: 171,500 ₮

3-Р ЭЭЛЖ

Хугацаа: 2015-06-16: 2015-06-23
Нас: 10-14
Үнэ: 178,500₮

4-Р ЭЭЛЖ

Хугацаа: 2015-06-24: 2015-07-01
Нас: 12-16
Үнэ: 185,500₮

5-Р ЭЭЛЖ

Хугацаа: 2015-07-01: 2015-07-10
Нас: 10-16
Үнэ: 245,000₮

6-Р ЭЭЛЖ

Хугацаа: 2015-07-15: 2015-07-25
Нас: 12-17
Үнэ: 284,500₮

7-Р ЭЭЛЖ

Хугацаа: 2015-07-25: 2015-08-01
Нас: 12-17
Үнэ: 210,000₮

8-Р ЭЭЛЖ

Хугацаа: 2015-08-02: 2015-08-12
Нас: 14-18
Үнэ: 279,500₮

9-Р ЭЭЛЖ

Хугацаа: 2015-08-13: 2015-08-20
Нас: 16-18
Үнэ: 199,500₮

Б.ЗАЯА