Мэргэжлийн дугуйн Гранд тур зэрэглэлийн 3 том уралдааны нэг болох Жиро д’италиа уралдаан 102 дахь жилийнхээ хөшгийг нээгээд 3 дахь өдрийн дүнгээ гаргаад байна.

Уралдааны 3 дахь өдрийн гараа өчигдөр 219 км-т талын замд болж дүнгээ гаргав. Тус гараанд "Эмират" багийн Колумби дугуйчин Ф.Гавириа 5 цаг 23 мин 19 сек-н амжилтаар тэргүүлсэн байна. Колумби дугуйчин Гранд тур зэрэглэлийн Тур дэ Франс уралдаанд 2, Жиро д’италиа уралдаанд 5 гараанд ялагч болж байсан туршлагатай дугуйчин юм. Мөн танхимын тойрог замын ДАШТ-д хошой алтан медаль хүртэж байсан шилдэг дугуйчин юм.

Өнөөдөр тэмцээний 5 дахь гараа 223 км-н талын замд явагдана. Жиро д’италиа уралдааныг нийлбэр дүнгээр "Jumbo Visma" багийн Словени дугуйчин П.Роглоч тэргүүлж байна.

Б.БЯМБАБАЯР