Жил бүрийн тавдугаар сарын 25-нд тэмдэглэн өнгөрүүлдэг Монгол улсад нисэх хүчин үүсч хөгжсөний ой, Иргэний агаарын тээвэрчдийн баярын өдрөө угтан иргэний нисэхийн салбарынхан өнөөдөр бүх нийтээр их цэвэрлэгээ хийлээ.

Энэ удаад ойн баяраа угтсан их цэвэрлэгээг зөвхөн байгууллагын орчин тойронд бус Улаанбаатар хотынхоо өнгө үзэмжийг сайжруулахад хувь нэмэр оруулах үүднээс хотын төвд цэвэрлэгээ хийлээ. ИНЕГ, түүний харьяа алба салбарын удирдлагууд Улаанбаатар хотын Зүүн дөрвөн замын улзвараас Офицеруудын ордны уулзвар хүртэлх газарт цэвэрлэгээ хийсэн бол алба салбарын ажилчид өөрийн байгууллагын орчин тойрноос гадна нисэх орчмын зам, талбайн хог хаягдлыг цэвэрлэлээ.

Эх сурвалж: ИРГЭНИЙ НИСЭХИЙН ЕРӨНХИЙ ГАЗАР