Төрийн өндөр албан тушаалтанд ЖДҮХС-гаас зээл олгохгүй | News.MN

Төрийн өндөр албан тушаалтанд ЖДҮХС-гаас зээл олгохгүй

Төрийн өндөр албан тушаалтанд ЖДҮХС-гаас зээл олгохгүй

Төрийн өндөр албан тушаалтанд ЖДҮХС-гаас зээл олгохгүй

Жижиг, дунд үйлдвэрлэлийг хөгжүүлэх сан /ЖДҮХС/-гийн зээлийн журамд өөрчлөлт оруулсан болон махны үнийн асуудлаар ХХААХҮ-ийн сайд Ч.Улаан өнөөдөр /2019.05.14/ мэдээлэл хийлээ.

Тэрбээр "Сүүлийн өдрүүдэд Улаанбаатар хот дахь махны хангамжид саатал гарч, үнийн савалгаа үүссэн  тухай асуудал олон түмнийг бухимдуулаад байна. Бид энэ асуудлын учир шалтгааныг олж, шуурхай зохицуулах арга хэмжээ авч  ажиллаж байна.

Нийслэлийн өдөр тутмын махны хэрэглээ 100-120 тонн байдаг.  Энэ махны хэрэглээг үндсэн гурван сувгаар хангаж байгаа. Нэгдүгээрт, нөөцийн махыг 127 цэгээр дамжуулан борлуулж байна. Хоёрдугаарт, "Хүчит шонхор" захаар дамжиж зах зээлд шууд нийлүүлэгдэж байна. Гуравдугаарт, хувийн хэрэглээгээр дамжиж хэрэглээ хангагдаж байгаа.

Хангамжийг судалж үзэхэд улсын нөөцөөс нийтийн худалдаанд зориулан гаргаж байгаа махны хангамж харьцангуй тогтвортой байна. Өдөртөө 30 орчим тонн нөөцийн мах иргэдийн гар дээр очиж байна. Зах зээлийн дундаж ханшаас 20-25 хувийн хямдралтай үнээр худалдаалагдаж байгаа. Цаашдаа бид нөөцийн махны нийлүүлэлтийг нэмэгдүүлнэ. Ялангуяа ойрын өдрүүдэд урьд өмнө нийлүүлэгдэж байснаас хоёр дахин нэмэгдүүлэхээр ажиллаж байна. Мөн амралтын өдрүүдээр махны өргөтгөсөн худалдааг зохион байгуулахаар төлөвлөж, нийслэлийн удирдлагуудтай ярилцаж байгаа" гэсэн юм.

Мөн "Махны үнийн асуудалд өдөр тутмын хяналт тавьж ажиллах үүрэг НЗДТГ-аар дамжин хэрэгжиж байгаа. ХХААХҮЯ бол махны үйлдвэрлэлт, нөөцлөлт, хангамжийг тогтвортой байлгах бодлогын асуудлыг хариуцаж ажилладаг" гэв.

Харин Хүчит шонхор захаар дамжиж зах зээлд шууд нийлүүлэгдэж байгаа махны өдөр тутмын нийлүүлэлтийн тухайд, "Сүүлийн өдрүүдэд хэд хэдэн хүчин зүйлийн нөлөөллөөр махны нийлүүлэлтийн байдалд саатал гарсан байна.

Тухайлбал, өнгөрсөн өдрүүдэд орон нутгаар цаг агаар хүндэрсэн нь махны нийлүүлэлтэд нөлөөлсөн байна. Мөн шатахууны үнийн өсөлт, гарал үүслийн баталгаажилт хангагдаагүй гэх мэт шалтгаануудаас үүдээд зах зээл рүү нийлүүлдэг махны хангамжийн байдал 30-50 хувиар тасалдсан нь махны нийлүүлэлтэд нөлөөлж, үнэ савлахад хүргэсэн. Үүнтэй холбогдуулан, хэд хэдэн тодорхой арга хэмжээнүүдийг авч хэрэгжүүлэхээр болсон. Тухайлбал, "Хүчит шонхор" захын махны нийлүүлэлтийг нэмэгдүүлэх арга хэмжээг авлаа.

Өнөөдрөөс нийлүүлэгдэж байгаа махны хэмжээ нэмэгдэж байгаа. Цаашдаа дулааны аргаар боловсруулж экспортод гаргах махны хэмжээг дотоодын зах зээлийн хангамж, нийлүүлэлттэй уялдуулан квоттой болгох асуудлыг журманд нь өөрчлөлт оруулах замаар шийднэ" гэсэн юм.

Цаашилбал дулааны аргаар боловсруулж экспортод гаргах махны хэмжээг дотоодын зах зээл дээрх хангамж  нийлүүлэлттэй уялдуулан квоттой болгон зохицуулахаар ажиллаж байна.

Өнөөдрийн арга хэмжээний хүрээнд боловсруулах үйлдвэрүүд маань өөрсдийн хүчин чадлаас давсан хэмжээгээр махыг экспортолдог байдал тогтоогдсон. Манайд дулааны аргаар мах боловсруулах үйлдвэрүүдэд махаа нийлүүлэх зөвшөөрөлтэй 14,15 итгэмжлэгдсэн мах бэлтгэх үйлдвэр байгаа. Өнөөдрөөс зах зээл дэх махны үнэ тогтворжино гэж үзэж байна.

ӨНӨӨДРИЙН БАЙДЛААР 900 ТОНН НӨӨЦИЙН МАХЫГ БОРЛУУЛЖЭЭ

Улаанбаатар хотын махны нийлүүлэлт хангамж, үнийн тухай мэдээллийг тус яамны газрын дарга Т.Гантогтох танилцуулав. Тэрбээр “ХХААХҮЯ, Мал эмнэлгийн газар, Мэргэжлийн хяналтын газартай хамтран Улаанбаатар хот руу орж ирж буй махны нийлүүлэлт, мэдээллийг байнга авч ажиллаж байгаа. Энэ хүрээнд энэ оны тавдугаар сарын 2-14-ны хооронд арав хоногийн хугацаанд нийт 791.7 тонн мах, 7164 мянган амьд мал нийлүүлэгдсэн байна.

Өнөөдрийн байдлаар Хонины ястай мах Хүчит шонхор захад 8000-8500 төгрөг. Нарантуул захад 9000, Амгалан захад 9000, Фермерүүд захад 10 мянга, Жуков худалдааны төвд 10500  байна.

Хонины цул мах Хүчит шонхор захад 9500-10500, Амгалан захад 10500, Жуков худалдааны төвд 10500 төгрөг байна.

Үхрийн ястай мах Хүчит шонхор захад 8000-9000, Нарантуул захад 10000, Амгалан захад 12000, Фермерүүд захад 12000, Жуков худалдааны төвд 12500, 19 үйлчилгээний төвд 10000 төгрөг байна.

Үхрийн цул мах Хүчит шонхор захад 10000-11500, Нарантуул захад 12000, 19 үйлчилгээний төвд 13000 төгрөгийн үнэтэй байна. Махны нөөцийн асуудлаар 4000 тонн нөөцийн мах энэ жил бэлтгэсэн. Нөөцийн мах бэлтгэснээс хойш сарын хугацаа өнгөрсөн байна. Энэ хугацаанд 900 тонн мах борлуулсан дүнтэй байна.

2019 ОНД  10-12 ТОНН МАХ НӨӨЦЛӨХ ЗОРИЛГОТОЙ БАЙНА 


Мэдээллийн дараа Ч.Улаан сайд сэтгүүлчдийн асуултад хариуллаа.

-Нөөцийн махны үнэ цаашид тогтвортой байх уу. Ирэх онд хэчнээн тонн мах нөөцлөх вэ?

-2018 онд 4000 тонн мах бэлтгэсэн. 2019 ондоо бид багтааж хамгийн багадаа 10-12 тонн мах нөөцлөх зорилготой бодлогоо тодорхойлж ажиллаж байна. Нөөцийн махны үнэ ханш цаашдаа тогтвортой байна. Зоорины хүрэлцээний тухайд Улаанбаатарын хэмжээнд 15 тонн мах нөөцлөх зоорьтой. Цаашид бид үйлдвэрийн аргаар мах бэлтгэдэг,  зоорьтой аж ахуй нэгжтэй хамтарч ажиллана.

-Салбар яам махны үнийг тогтвортой барьж чадалгүй өнөөдрийг хүрлээ?

-Өнөөдөр бид зах зээлийн харилцаанд шилжсэн нийгэмд амьдарч байна. Төр бүгдийг захиргааны аргаар зохицуулах бололцоо байхгүй. Гэхдээ онцгой ач холбогдолтой мах, гурил зэрэг хүнсний үнийг зохицуулахад төр бодлогоор оролцох зайлшгүй шаардлага байгаа.

-Таны хувьд нөөцийн махыг хэрэглэж үзсэн үү. Чанарын хувьд ямар байгаа вэ?

-Байнга хэрэглэдэг. Нөөцийн мах одоо шинэ нийлүүлэгдэж байгаа махнаас илүү чанартай байгаа гэсэн дүгнэлтүүд нэлээд их байдаг. Би хувьдаа ийм дүгнэлттэй байгаа шүү.

-Малчид махаа хямд зардаг боловч ченжүүдийн гар дээр ирэхэд махны үнэ өсдөг. Энэ дээр яам ямар оролцоотой ажиллаж байгаа вэ. Ямар бодлого барьж байгаа вэ?

-Ер нь үйлдвэрлэгч хэрэглэгч хоёрыг хооронд нь дундын зуучлал багатайгаар шууд холбох бодлогыг манай яам баримтлан ажиллаж байна.


ЖДҮХС-ИЙН ЗЭЭЛИЙН ДЭЭД ХЭМЖЭЭ НЭГ ТЭРБУМ БОЛЖ ӨӨРЧЛӨГДСӨН

ЖДҮХС-ийн зээлийн журам шинэчлэгдсэн асуудлаар Ч.Улаан сайд мэдээлэл өгөв. Тэрбээр “ЖДҮХС-ийн зээл тодорхой хугацаанд саатаж хүлээлгийн горимд орсон. Өнгөрсөн хугацаанд маш олон алдаа дутагдал гарсан тул  журмыг өөрчиллөө. Журмыг Засгийн газраар хэлэлцээд ХХААХҮ-ийн сайдын тушаал гарч, Хууль зүйн яам зөвшөөрснөөр ЖДҮХС-аас зээл олгох асуудал эрх зүйн зохицуулалттайгаар шийдэгдлээ. Бид ойрын хугацаанд шинэчилсэн журмынхаа дагуу ЖДҮХС-аас зээл олгоно. Шинэ журам батлагдсанаар хэд хэдэн зарчмын тодорхой асуудал шийдэгдсэн.

Төслийг хоёр шугамаар сонгон шалгаруулна. Нэгдүгээрт, арилжааны банкаар, хоёрдугаарт ЖДҮХС-аар дамжуулан олгоно. Төсөл сонгон шалгаруулахдаа нарийвчилсан үнэлгээг олон улсын байгууллагын хэрэглэдэг аргачлалын дагуу хийнэ.

Үнэлгээ хийсний дараа хянаж, зээлийг олгоно. Нөгөө талаар зээл олгох субьектийг тодорхой зааж өгч байгаа.  Зээл олгох зээлийн хороо долоон хүний бүрэлдэхүүнтэй байна. Түүний дөрөв нь мэргэжлийн холбоод олон нийтийн байгууллага төлөөлөл байх болно. Шулуухан хэлэхэд ХХААХҮ-ийн сайд зээл олгодог байсныг болиулсан. Зөвхөн сонгон шалгаруулах журмын дагуу зээл олгоно" гэлээ.

Зээлийн хүсэлтийг тавдугаар сарын 27-ноос зургадугаар сарын 10-ны хооронд хүлээн авна.

ЖДҮХС-ААС УРТ ХУГАЦААТАЙ, ХӨНГӨЛӨЛТТЭЙ ЗЭЭЛ ОЛГОХ,  ТӨСӨЛ СОНГОН ШАЛГАРУУЛАХ ЖУРАМД ОРСОН ГОЛ ӨӨРЧЛӨЛТҮҮД:

  1. Төрийн өндөр албан тушаалтан, түүний гэр бүлийн гишүүдийн хувь эзэмшдэг компанийн төслийг хүлээн авахгүй.
  2. Хороо, дэд хороо нь төсөл сонгон шалгаруулах, үнэлэх үйл явцыг цахимаар болон олон нийтийн мэдээллийн хэрэгслээр нээлттэй, ил тод зохион байгуулна.
  3. Төсвийн хөрөнгөөс зээл авсан хувь хүний овог нэр, хуулийн этгээдийн нэр, регистрийн дугаар, шалгарсан төслийн нэр, үйл ажиллагааны чиглэл, төсөл хэрэгжих байршил, сонгон шалгаруулсан шийдвэрийг цахим хуудсаараа дамжуулан нийтэд ил тод мэдээлнэ.
  4. Төсөл сонгон шалгаруулах хороо, дэд хорооны саналын эрхтэй 7 гишүүний 4 нь Жижиг, дунд үйлдвэр эрхлэгчдийн эрх ашгийг хамгаалах чиглэлээр сүүлийн 3 жил үйл ажиллагаа явуулсан төрийн бус байгууллагын төлөөлөл байна.
  5. Хөнгөлөлттэй зээлийн зарим эх үүсвэр, төсөл сонгон шалгаруулах эрхийг орон нутагт шилжүүлсэн.
  6. Жижиг, дунд үйлдвэрийг хөгжүүлэх сан, Тариалан эрхлэлтийг дэмжих сан, Мал хамгаалах сан, Хөдөлмөр эрхлэлтийг дэмжих сан, Сум хөгжүүлэх санд хугацаа хэтэрсэн зээлийн үлдэгдэлтэй бол зээл олгохгүй.
  7. Хөнгөлөлттэй зээлийг дамжуулан олгох арилжааны банкинд тавигдах шаардлагыг бий болгосон.
  8. Хөнгөлөлттэй зээл авах жижиг, дунд үйлдвэр эрхлэгчдэд тавигдах шаардлагыг иргэн, хуулийн этгээдээр салгаж, тодорхой болгосон.
  9. Төсөл хүлээн авах хугацааны товыг тогтоохдоо жижиг, дунд үйлдвэр эрхлэгчдэд төсөл бичих хугацаа олгох зохицуулалтыг хийсэн.
  10. Жижиг, дунд үйлдвэрлэл эрхлэгчийн төслийг хүлээн авах, шалгах, судалгаа хийх, хурлаар хэлэлцүүлэх зэрэг үе шат бүрийг нарийвчлан зааж хариуцлагыг нэмэгдүүлсэн.
  11. Жижиг, дунд үйлдвэрийг хөгжүүлэх сангаас шууд зээл олгох тохиолдолд зээлийн эрсдэлийн болон хөрөнгийн эрсдлийн даатгалд жил бүр заавал хамруулна.
  12. Тэргүүлэх чиглэлийг тодорхойлох.
  13. Төсөл сонгон шалгаруулалтыг онооны системээр үнэлнэ.
  14. Дээд хэмжээ – ЖДҮХ сан  нэг тэрбум хүртэлх

Дээд хэмжээ – Орон нутаг 200 сая хүртэлх

Доод хэмжээ – Жижиг, дунд үйлдвэрийг хөгжүүлэх санд 20 сая

Доод хэмжээ – Орон нутаг 20 сая хүртэлх байх ажээ. 

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
6
ХахаХаха
6
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

26 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-05-14 66.181.179.104

За ёстой жинхэнэ худлаа шаалаа даа. Яаж ингэж худлаа шааж чадаж байнаа? та нарт одоо хэзээ ч итгэхгүй. Ам ажил 2 тэнгэр газар шиг зөрүүлдэг босон. Татвар нэмэхгүй гэснээ 7 -гийн 7 н татвар бий болгосон биздээ. Миний хүүхдийн хадгаламжнаас 80000 төгрөг ш****н байна лээ. Та нар наадхаа аль хэдийн хуваагаад тохирцон байгаа. Ганц жил үлдлээ. Сайн идэж уугаад амжуулах биз. 20 oнд бүгдээрээ зайлахаа мэдэрцэн гарууд сайхан шаацгаа. Энгэж ярих тусам улам шижгийн харагдаж байна.

Avatar

Irgen 2019-05-14 49.0.213.53

Махны үнээ сайн нэмээд бай, 20 онд та нар онх шаана

Avatar

Худлаа өө 2019-05-14 59.153.112.140

Заа тэгээд худлаа дөө. Аль ч Намын эвэртэн туурайтны авгай хүүхэд хадам бэр хүргэн ах дүү эгч дүү нар л аваад гудардаг биз дээ. Аль НАМ ын үед Монголд ийм л байсан….

Avatar

ХҮРЭЛСҮХ 2019-05-14 32.97.110.59

Тархины тураалт оркуудаа. Ирэх он болтол би та нарыг халамжаар буцаж огьтол чинь угжихаар шийдлээ. 20 сая төгрөгийн барьцаагүй зээл, оюутны сургалтын барьцаагүй зээл гээд, аваад байгаарай. Авахгүй бол би ганц л баруун гарын шулуун цохилт хийнэ шүү. ЖОНХУУ бид хоёр Элбэгдорж, С.Баяр, М.Энхболд мэтийн авилгачдыг шийтгэхгүй ээ. Авилгач авилгачидаа хайртай байдаг юм.

Avatar

Зочин 2019-05-14 202.55.188.44

ГЭхдээ хамааралтай этгээдэд олгоно. Эхнэр, нуудгай, сугачин, түрийчин, ахан дүүс, хурга ишиг гээд л. Дараа нь хэн магадлах юм бэ? Хоорондоо хагаралдаж, сандал ширээгээ булаацалдах үедээ л та нар өөрсдөө булайгаа дэлгэдэг шүү дээ. Бусдаар бол мэдээлэлд ойр нь гэдэг зарчим л үйлчилнэ. Бичигдээгүй хууль.

Avatar

Зочин 2019-05-14 202.9.42.234

vxsen ulaan xuur mini abch idchixeed odoo uxaarab uu

Avatar

Zochon 2019-05-14 103.26.195.27

Avaad duussan baihad ta yu yarina ve.

Avatar

ХМ 2019-05-14 202.179.24.3

АВДГАА АВААД АШГАА ХИЙЧИХЭЭ ЮУ

Avatar

Zochin 2019-05-14 66.181.188.145

JDU geed ix xemjeenu mongo avsan MAH iin luivarchdig shorond yvuulaach.

Avatar

Зочин 2019-05-14 203.91.119.122

Тэнэг

Avatar

Zochin 2019-05-14 103.229.121.107

Oroitson boroo

Avatar

Тоо 2019-05-14 59.153.112.85

Тоо мэдэхгүй хонь уу? Бичээчээ 10−12 тн махаа чи бараг ганцаараа иднэ.

Avatar

Зочин 2019-05-14 66.181.179.217

ТАНЫ СОНГУУЛЬД ХҮЧИН ЗҮТГЬЕ. НАДАД ХАМГИЙН ТҮРҮҮНД ХАМГИЙН ИХИЙГ ОЛГООЧ

Avatar

ЭНХ 2019-05-14 103.10.22.110

За ямар ч байсан зохих журмын дагуу төслөө бичээд зээлээ авна даа.Одоо бидэнд боломж олдож байна.

Avatar

Aimaar 2019-05-14 192.81.133.54

Tarialn erhleh san, bolon tanai yamtai holbootoi busad sanguudyn asuudal yu bolson be? Ter Chinbat gej hunii hamaaral buhii aj ahuin negjuudiin awsan zeeliin ergen tulult yu bolj baigaa ve? Bas l nuguu huun heleltseh hugatsaag huleej baigaa geh um. Hudalch hulgaich nartaigaa temtsej chadwal ajil ugaasaa undraad ireh n oilgomjtoi shuu dee!!! Umnuh luiwarchidtaigaa hariutslag tootsoogui tsagt buh hiih ajil sanhuujiltuud mun adil dashin shog bolondoo

Avatar

Зочин 2019-05-14 66.181.190.13

Ингэж сайхан донгосч байгаад л хийдэг хулгайчид даа.

Avatar

УлаанНогоонЦэнхэр 2019-05-14 49.0.213.53

Махны үнэ 30,000 хүрээд ирэхлээр 2020 онд Энхбаярын нам олонхи болно, тэгэхээр наад улаан даавуу чинь эргээд Энхбаярын намдаа гүйж очоод сангийн сайд болчих юм байна

Avatar

Зочин 2019-05-14 202.170.84.188

Энэ хулгайч хичнээн ч сайхан шударга юм ярьсан ч худлаа гэдгийг нь нохой ч андахаа байлаа… Жинхэнэ хулгайч шударга ёсоор зээл тараана гэнэ шүү…. чаддаг шударга залуучууд зөндөө л байна… яахаараа ийм новшнууд улс орон удирдаж гай болдог байнаа

Avatar

зозочин 2019-05-14 124.158.124.142

энэ тэнэг махны хөөрөгдөж, авилга авч суухаа боль. ажлаа өг

Avatar

Зочин 2019-05-14 66.181.179.217

УЛАЙХГҮЙ ШААНОО ЭНЭ. АРГАА НАРИЙСГААД СОНГУУЛЬД ӨӨРСДИЙГӨӨ ДЭМЖИЖ ДАЛДГАНАЖ ГҮЙЛДЭХ ТЭЖЭЭВРҮҮДДЭЭ ТАРААЖ ӨГӨХ ГЭСЭН УЛСТӨРЖСӨН АТГАГ ЗОРИЛГОТОЙ ЗЭЭЛ ГЭДГИЙГ ИРГЭД МЭДЭХ НЬ МЭДЭЖ БАЙГАА.

Avatar

зочин 2019-05-14 66.181.161.80

хаанаас үнэ олж ирж үзүүлээд байнаа хонины ястай мах 10500 гэж байна баянзүрхэд

Avatar

Зочин 2019-05-14 150.129.140.240

УЛАЙДГҮЙ УЛААН НЭГ Л ИХ ГОЁ ҮГЭЭР БАРИН ТАВИН ХУДЛАА ЯРЬДАГ ХЭВЭЭРЭЭ Л БАЙНА. ЁСТОЙ УЛАЙНА Ч ГЭЖ БАЙХГҮЙ ИЧНЭ Ч ГЭЖ БАЙДГҮЙ АЛААН ЦАГААНДАХМГАХСАН ХҮН ДЭЭ… ДЭЭДСҮҮД ЖДҮ-Д ЦАДЧААД ОДОО ДООДОСД ӨГӨХ БОЛОХОООР НЭГ Л ИХ ЖУРАМ ПҮРЭМ ЯРИАД Л… КККККККККК

Avatar

Зочин 2019-05-14 202.70.46.20

Ах дүү нар нь зээл авчихна биздээ:

Avatar

Зочин 2019-05-14 202.21.111.20

Аваад тоночихоод "одоо бүгдийг нь та нар ид" гэж байгаатай адилхан бна.

Avatar

МАХНЫ ҮНЭЭ БАГАСГАЖ ӨГӨӨЧ 2019-05-14 66.181.190.122

МАХНЫ ҮНЭЭ ХЯНААЧ ХХААХҮЯ

Avatar

Зочин 2019-05-14 202.21.100.210

Наад ЖДҮ-гээ нэг хоёр жилдээ болиоч дээ. Ичиж үхэхгүй юм аа: Төрийн албан хаагчийн найз нөхөд хамаатан садан болно тээ. Эсвэл баярлалаа өгвөл болно тээ. Ичиж үхмээр юм даа.

NewsMN Гар утасны хувилбар Татах
NEWS.mn

Мэдээллийн эх сурвалж