“Их хааны театр” Төрийн бус байгуулага 2003 онд “Grands pas” хувийн балетын анхны студиэр үйл ажиллагаагаа эхэлсэн бөгөөд өдгөө 15 дахь жилдээ үзэгчдэд уран бүтээлээ толилуулж байна. Монголын тайзны урлагийг хөгжүүлэх, сонгодог бүжиг, балет болон үндэсний уламжлалт ардын урлаг болох бий биелгээ, цамын бүжгийг дэлхий нийтэд сурталчилан таниулж, хадгалан хамгаалах, залуу үеийнхэнд өвлүүлэх, өсвөр, залуу үеийн урлагийн боловсролын дэмжих зорилготой ажиллаж буй юм.

Энэ удаа “Их хааны театр”-ын уран бүтээлчид алдарт С.Прокофьевын хөгжим, У.Шекспирийн зохиол “Ромео, Жульетта” балетыг сонгодог урлаг сонирхогчдод зориулан тайзнаа тавих гэж байна. Уг балетыг тавдугаар сарын 17, 18-ны өдөр Улсын дуурь, бүжгийн эрдмийн театрын тайзнаа тоглох юм.

“Ромео, Жульетта” балетын найруулагчаар Д.Дашлхагва, продюсерээр Э.Бэхтулга ажиллаж байгаа бол гол дүрүүдэд МУГЖ О.Анужин болон А.Эрдэнэболд нар тоглоно.

ДҮРҮҮДЭД:

• Ромео: А.Эрдэнболд
• Жульетта: Гавьяат жүжигчин О.Анужин
• Тибальт: А.Өлзий-Орших
• Меркуцио: Б.Төгөлдөр
• Бенволио: Д.Нацагдорж, Ө.Мөнхжин
• Өрлөг эх: Э.Ууганцэцэг
• Лоренцо лам: Ардын жүжигчин О.Ганбаатар
• Айлгүй хүүхнүүд: Б.Саранбямба, Г.Батчимэг, У.Анужин
• Ноён Капулет: Х.Мөнгөнхөлөг
• Хатагтай Капулет: Б.Ариунтулга нар тоглоно.

“Ромео, Жульетта” балетын зөвлөхөөр Төрийн шагналт, Хөдөлмөрийн баатар, Ардын жүжигчин Б.Жамъяндагва, Азийн утга зохиолын шагналт, зохиолч Д.Урианхай, АРдын жүжигчин П.Хаянхярваа, Гавьяат жүжигчин Т.Туул нар ажиллаж байна.

“Их эзэн хааны театр”-ын уран бүтээлчид өнгөрсөн хугацаанд олон арван бүтээл дээр ажиллажээ. Тухайлбал,

• 2004 онд “Цамын бүжиг” ардын урлагийн тоглолт
• 2005 онд “Хунт нуур” балет
• 2005 онд “Модерн нугаралт” циркийн нугаралтыг шинэ хэлбэрээр дэлгэсэн тоглолт
• 2007 онд “Цөмөөхэй” хүүхдийн балет
• 2007 онд “1001 шөнийн үлгэр” Монголын үндэсний циркийн бүрэн хэмжээний тоглолт
• 2013 онд Солонгосын балетын компанитай хамтарсан хандивын тоглолт
• 2013 онд “Royal” сонгодог, модерн бүжгийн тоглолт
• 2014 онд “Бодлын үнэр” БНСУ-ын бүжиг дэглээч Сон Ён Илтэй хамтарсан тоглолт
• 2015 онд И.Штраусын “Оргилуун дарс” тоглолт
• 2016 онд АНУ-ын илбэчин Кристи Тогүчитэй хамтарсан “Magic show” тоглолтуудыг тус тус тоглосон байна.