Ялалтын түүхэн зургийн эзэн хэн бэ? | News.MN

Ялалтын түүхэн зургийн эзэн хэн бэ?

Ялалтын түүхэн зургийн эзэн хэн бэ?

Ялалтын түүхэн зургийн эзэн хэн бэ?

Гитлерийн Германыг ялсан ялалтын баярын тухай ном болгонд зайлшгүй байдаг зураг нь Рейхстагийн оройд ЗХУ-ын тугийн мандуулж байгаа зураг байдаг. Энэ зургийн эзэн нь дайны үеийн гэрэл зурагчин Владимир Петрович Гребнев юм.

Владимир Петрович Гребнев нь 1907 онд Москва хотноо төрсөн. Хэвлэх үйлдвэрт туслах ажилтан, “Мосфильм”-д найруулагчийн туслах хийж байгаад гэрэл зурагчин болсон. 1930-аад онд Москвагийн хэд хэдэн хэвлэлд гэрэл зургаа нийтлүүлдэг болсон.

1941 оны зургадугаар сард дайн эхлэхэд цэргийн “Красная звезда” сонины гэрэл зурагчнаар фронт руу илгээгджээ. 1942 он гэхэд фронтын дайчдад зориулсан “Фронтовик” сонинд ажиллан, Улаан армийн цэргүүдтэй хамт Москвагаас Берлин хүртэл явжээ. Байлдааны гавьяаны улаан тугийн одонгоор шагнагдсан.

1945 оны дөрөдүгээр сард Берлинд дөхөж очсон Улаан армийн ангиудад Берлинийг эзэлж, Рейхстагийн оройд мандуулах улаан тугийг өгсөн байна. Нэг дивизэд 10 туг өгчээ. Дайчин болгон Рейхстагийн оройд ялалтын улаан тугийг мандуулахыг хүсч байлаа. Рейхстагийн оройд хэн хамгийн эхэлж улаан тугаа мандуулсан талаар одоо ч түүхчид маргадаг. Зарим эх сурвалжид дөрөвдүгээр сарын 30-нд Рейхстагийн оройд улаан туг мандсан гэдэг ч энэ баримтыг нотлох зүйл одоо болтол олдоогүй. Берлинийг чөлөөлөх үед тэнд Зөвлөлтийн гурван гэрэл зурагчин байжээ. ТАСС-ын Евгений Халдей, “Правда” сонины Виктор Темин, Зөвлөлтийн мэдээллийн хорооны Владимир Гребнев.

1945 оны тавдугаар сарын 1, 2-нд кино найруулагч Роман Кармен онгоцоор Рейхстагийн оройд намирах улаан тугийн видеог агаараас авах үед Темин мөн тэнд байж зураг авчээ. Харин Евгений Халдей, Владимир Гребнев хоёр тавдугаар сарын 2-ны өдөр Рейхстагийн орой дээр гарч бараг ижил шахам зураг авчээ. Тэр хоёрын зургийн ялгаа нь салхинд хийссэн тугны чиг л өөр ажээ.

Эх сурвалж: РИА НОВОСТИ

"Болор дуран"-аар шалгав.
Энэ мэдээнд өгөх таны сэтгэгдэл?
3
ЗөвЗөв
2
ТэнэглэлТэнэглэл
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зоч 2019-05-13 66.181.160.18

Хөөш түүхэнд ялалтын дараа тугны зургийг авсан гэдэгшдээ. Тэгээд суман мөндөр дор авсан болж байнауу

Avatar

Paвcaл 2019-05-13 174.216.3.231

Яагаад тугийг шөнө мандуулсан гэхээр өдөр мэргэн буучид нь шөнө их буучид нь орой дээр гарсан болгоныг буудаад байсан юм.

Avatar

Paвcaл 2019-05-13 174.216.3.231

Энэ туган дээр дивизийн захиранч нь өөрийн дивизийн нэр хаягаа нэмж сүүлд нь оёсон. Рейхастагаас буулгаад Москва авч явахын өмнө. Одоо энэ тун ОХУ-ын батлан хамгаалахын төв музейд үүрд хадгалагддаг ба хадгалалтын чанарыг сайжруулахын тулд яг ижилхэн өөр туг хийж хийсэн тугаа үзмэрт тавьж жинхэнэ туг нь нарийн хадгалалтанд байдаг. Энэ бол Рейхастагийн оройд мандсан 4 дэх, ялалтын бэлэг тэмдэг болсон цорын ганц туг. 1945/4/30-22:00 Берлиний цагаар.

Avatar

Paвcaл 2019-05-13 174.216.3.231

Өмнөх 3 тугийг германы их буучид устгасан юм. Энэ тугийг 5 сарын 9-ны өдөр герман бууж өгсний дараа өөр оросын алх хадууртай шинэ тугаар сольсон. Учир нь нэгт энэ туг суманд оногдож сэмэрсэн, хоёрт холбоотны гэрээний үүргээр рейхастагийг Английн мэдлийн бүсэд шилжүүлэх учир энэ тугийг нөхөр Сталинд бэлэг болгон явуулсан юм. Ялалтын парадад энэ тугийг мандуулсан 3 цэрэг нь авч жагсах байсан ч нэг цэрэг нь хүнд шархтай мөн туг нилээн сэмэрсэн учир парадад оролцуулаагүй.

Avatar

Paвcaл 2019-05-13 174.216.3.231

Ийм чухал юмны тухай ямар муу мэдээлэл өгдөг юм бэ? Ялалтын туг. Рейхастагийг дайрахад ялалтын тугийг мандуулахаар 10 бүлэг гарсан юм. Яг энэ зурагт байгаа туг бол Белорусын 1-р фронтын цохилтыэ 3-р армийн 79 дүгээр буудлагын корпусын харьяа Кутузовын 2-р зэргийн одонт 150-р дивизийн авч явсан туг. Энэ туг 1945 оны 4 сарын 30-ний орон нутгийн цагаар шөнийн 22 цагт Рейхастагийн орой дээр мандсан юм. Гэхдээ энэ анхдагч нь биш 4 дэх туг. Өмнө нь өөр 3 туг мандуулсан ч германы их буучид тугийг

NewsMN Гар утасны хувилбар Татах
NEWS.mn

Мэдээллийн эх сурвалж