Бүх цаг үеийн хамгийн алдартай кино болох “Оддын дайн” спорт гутлын загварыг илэрхийлэх болжээ. Stride Rite компани “Оддын дайн” киноны баатрууд болон киноны сонирхолтой хэсгүүдийг харуулсан гэрэлтдэг зураг бүхий спорт гутлын шинэ коллекци гаргаж байгаа аж. Энэхүү гутлын коллекци киног сонирхон үздэг фэнүүдийнх нь хамгийн дуртай сонголт болно гэдэгт үйлдвэрлэгчид итгэлтэй байгаа аж.
Үнийн хувьд 35-54 ам.доллараар зарагдаж буй эдгээр гутлууд Stride Rite-ийн нэрийн дэлгүүрүүд болон онлайн дэлгүүрээр худалдаалагдаж байгаа гэнэ.
Дашрамд сануулахад, спорт хувцасны нэрт брэнд “Adidas” 2009 онд “Оддын дайн”-ы зураг бүхий гутлын коллекци гаргаж байсан юм.

Н.Наран