Найруулагчид жил бүр Монгол төрийн их баяр наадмын нээлтийн арга хэмжээ болон хаалт, Төрийн хүндэтгэлийн концертын найруулагчийн сонгон шалгаруулалтад хүчээ сойдог. Энэ жилийн баяр наадмын арга хэмжээг найруулах Ерөнхий найруулагчийн шалгаруулалтад Үндэсний урлагийн их театрын захирал Г.Цоггэрэл шалгарч, бэлтгэл ажилдаа орсон байна.

“Херо” энтертаймент, “Монгол Тулгатны 100 эрхэм” нэвтрүүлэгийн найруулагч Б.Баатар Үндэсний их баяр наадам найруулах хүсэлтэйгээ олон нийтэд мэдэгдэж байсан билээ. Наадам найруулах мөрөөдөлтэй явдаг Б.Баатарын найруулгаар энэ жилийн наадмын нээлт болохгүй нь.

Үндэсний их баяр наадмын сүүлийн гурван удаагийн нээлтийг Төрийн соёрхолт, Улсын драмын эрдмийн театрын ерөнхий найруулагч Н.Наранбаатар найруулсан билээ.