Бакугийн “Их дуулга” өнөөдөр эхэлнэ | News.MN

Бакугийн “Их дуулга” өнөөдөр эхэлнэ

Бакугийн “Их дуулга” өнөөдөр эхэлнэ

Бакугийн “Их дуулга” өнөөдөр эхэлнэ

Олон улсын жүдо бөхийн холбооноос зохион байгуулдаг ээлжит “Их дуулга” тэмцээн өнөөдөр Азарбайжаны Баку хотод эхэлнэ. Жүдо бөх сонирхогчдын хүсэн хүлээдэг Бакугийн “Их дуулга”-д 57 орны 449 (эрэгтэй 256, эмэгтэй 175) жүдоч барилдахаар хүрэлцэн ирээд байгаа аж. Тэмцээн гурав хоног үргэлжилж, Ням гаригт өндөрлөнө.

Тэмцээний эхний өдөр буюу өнөөдөр эрэгтэйчүүдийн 60, 66, эмэгтэйчүүдийн 48, 52, 57 кг-ын жингийн барилдаан болж, медальтнууд тодрох юм.

Энэхүү тэмцээнд манай улсаас 14 жүдоч хүч сорино. Өнөөдөр 60 кг-ын жинд Гавьяат тамирчин Д.Амартүвшин, залуу жүдоч Л.Өнөболд, 66 кг-ын жинд Д.Төмөрхүлэг, Ё.Басхүү нар барилдана. 60 кг-ын жинд 29, 66 кг-ын жинд 37 бөх тус тус барилдахаар болжээ.

Эмэгтэйчүүдийн 48 кг-ын жинд манай улсаас бөх байхгүй бол 52 кг-ын жинд Л.Сосорбарам, Б.Хорлоодой, 57 кг-ын жинд Хөдөлмөрийн баатар, Гавьяат тамирчин Д.Сумъяа барилдах юм.

Тэмцээний 57 кг-ын жинд 29 бөх барилдах бөгөөд Д.Сумъяа “С”хэсгийг, Бразилын Рафаэль Сильва “D” хэсгийг тэргүүлжээ. “Рио 2016” олимпийн наадмын финалд таарч байсан хоёр бөх хэсгээ тэргүүлж чадвал хагас шигшээд таарч барилдах юм. Уг жингийн барилдаан хамгийн их анхаарал татаж байна.

Өнөөдрийн барилдаан Улаанбаатарын цагаар үдээс хойш эхэлнэ.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

BAYARAA 2019-05-10 122.201.24.41

Улаанбаатарын цагаар үдээс хойш гэснийг хэдэн цаг гэж ойлгох вэ? Сэтгүүлч ээ.

Avatar

Зочин 2019-05-10 122.201.24.41

Улаанбаатарын цагаар үдээс хойш гэснийг хэдэн цаг гэж ойлгох вэ? Сэтгүүлч ээ.

Avatar

jjj 2019-05-10 202.131.245.34

73 margaash shuu dee

NewsMN Гар утасны хувилбар Татах
NEWS.mn

Мэдээллийн эх сурвалж