“Үхлийн хөндий”-н хөдөлдөг чулуунууд | News.MN

“Үхлийн хөндий”-н хөдөлдөг чулуунууд

“Үхлийн хөндий”-н хөдөлдөг чулуунууд

“Үхлийн хөндий”-н хөдөлдөг чулуунууд

Бид "ТАНИН МЭДЭХҮЙ" булангаараа энэ удаа Калифорнийн “Үхлийн хөндий”-н хөдөлдөг чулуунуудын тухай мэдээллийг хүргэж байна.

Тус хөндийн хатсан нуурын лаг шаварлаг хагарч, дардайсан хөрсөн дээр чулуунууд амь орон байрнаасаа хөдлөн явцгаадаг гэлцдэг. Үнэхээр том том бул чулууд яг л чирүүлсэн мэт мөр үлдээн байрнаасаа хөдөлсөн байдаг аж.

Ойр хавьд чулуунуудыг хөдөлгөх амьтад үгүй. Хичнээн хүчтэй салхи ч хэдэн арав, зуун килограм жинтэй чулууг тэгж хөдөлгөхгүй. Гэвч чулуунууд нэг л мэдэхэд хөдөлсөн байх бөгөөд ардаа зам мөрөө үлдээнэ. Гэхдээ тэдгээр чулуунуудын хөдөлж, нүүж байхыг хэн ч нүдээр үзээгүй байж. Зуу гаруй жил эрдэмтэн судлаачид, жуулчдын анхаарлыг татсан энэ үзэгдлийн учир хожуу тайлагджээ.

Хэргийн эзэд салхи, бороо, мөс байсан аж. Энэ газарт хур тунадас маш бага унадаг, жилд хэдхэн миллиметр бороо орох төдий. Хүйтний улиралд бороо орох үед хэдэн сантиметрийн гүнтэй ус бий болох бөгөөд шөнөдөө дээд хэсгээрээ хөлдөж хонодог. Өглөө нар мандах үед мөс хайлж хагарах бөгөөд том том хэсгүүд болон хуваагддаг байна. Салхилах үед мөсний том хэсгүүд хөдөлж, дунд нь байх чулуунуудыг түлхэж байрнаас нь хөдөлгөнө. Хөрс усанд дэвтэж, шавар болсон байх тул чулуунуудын хөдөлсөн мөр үлддэг байна.

Эрдэмтэд үүнийг олж тогтоохын тулд чулуунуудад GPS суурилуулж, тэднийг хянах камер байрлуулан, бүтэн гурван сарын турш ажиглаж, учрыг тайлжээ. Ямартаа ч харь гаригийнхан, дэлхийн соронзон орон, хүчтэй хуй салхи, нууцлаг амьтад чулуунуудыг чирч, түлхээгүй нь тодорхой болсон байна.

Б.ЖАРГАЛ

"Болор дуран"-аар шалгав.
Энэ мэдээнд өгөх таны сэтгэгдэл?
19
ГайхмаарГайхмаар
4
ЗөвЗөв
4
ХахаХаха
3
БурууБуруу
2
ХөөрхөнХөөрхөн
1
ХарамсалтайХарамсалтай
1
ТэнэглэлТэнэглэл
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Photoshop 2019-05-10 49.0.213.114

Наад чинь фотошопдсон зураг л байна, чулууг ус л дийлдэг болохоос салхи арай барахгүй байхөө

Avatar

Zochin 2019-05-10 202.131.248.90

Бичиж байгаа тайлбар нэг л зөрчилдөөд байна. Энэ газарт хур тунадас маш бага унадаг, жилд хэдхэн миллиметр бороо орох төдий. гэчихээд Хүйтний улиралд бороо орох үед хэдэн сантиметрийн гүнтэй ус бий болох бөгөөд шөнөдөө дээд хэсгээрээ хөлдөж хонодог. гэдэг нь хэдхэн мм бороо хэдэн см ус бий болгоно гэдэг ойлгомжгүйл юм байна.

Avatar

иргэн 2019-05-10 202.9.42.39

Бас л үнэмшил муутай гаргалгаа. Чулууны хөдөлсөн чиглэл дандаа нэг зүгт байна. Хэрэв салхины хүчээр мөсөн дээр гулгаж байгаа тохиолдол салхи хаанаас байхаас шалтгаалаад тэр зүгт нь хөдөлмөөр. эсвэл энд дандаа нэг талаас салхилдаг юм уу. Бас орсон бороо мөсний хэмжээ нь ийм том чулууг гулгуулхаар хэмжээний биш л гэж бичсэн байх юм. тэглээ ч чулууны доод тал газарт наалдсан тохиолдолд мөс доогуур нь орж биш хүрээлж хөлдөнө. харин ийм том чулууг мөсөн дээр гартал үлээх салхи байх уу.

Avatar

dfgfg 2019-05-10 192.82.64.212

wooow, sonirholtoi gazar bn shuu.

Avatar

Зочин 2019-05-10 112.72.11.120

Монгол ялнаа. Бид яг энэ чулуу шиг сүнстэй.

Avatar

Зочин 2019-05-10 66.181.161.5

Зүгээр нэг сайхан мэдээ уншуулчихгүй юмаа. Дандаа нэг өдсөн турхирсан юм бичиж байх юм. Калифорнид нэг тийм чулуу байдаг энээ тэрээ гээд уншаад дуусахад л монгол ялна, бид нар ийм сүнстэй ч гэнэ үү. Юу гэсэн ч үг юм.

NewsMN Гар утасны хувилбар Татах
NEWS.mn

Мэдээллийн эх сурвалж