Малчин эмэгтэйчүүдийн хүчирхийлэлд өртөх эрсдэлийн судалгаа хийнэ | News.MN

Малчин эмэгтэйчүүдийн хүчирхийлэлд өртөх эрсдэлийн судалгаа хийнэ

Малчин эмэгтэйчүүдийн хүчирхийлэлд өртөх эрсдэлийн судалгаа хийнэ

Малчин эмэгтэйчүүдийн хүчирхийлэлд өртөх эрсдэлийн судалгаа хийнэ

Манай улсын нийт хүн амын 51 хувийг эмэгтэйчүүд эзэлж байна. Улсын хэмжээнд нийт малчдын 46.3 хувь нь буюу 137 мянган малчин эмэгтэй, өрх толгойлсон 78 мянган эмэгтэй байна гэх тоон үзүүлэлт бий. Хөдөө орон нутагт алслагдсан бүс нутгийн малчин эмэгтэйчүүд бэлгийн болон нөхөн үржихүйн эрүүл мэндийн тусламж, үйлчилгээ авах эрхийн хэрэгжилтийг судлах зорилгоор  Хүний эрхийн Үндэсний Комиссын даргаар ахлуулсан ажлын хэсэг дүн шинжилгээ хийхээр болжээ. Тус ажлын хэсэг энэ сарын 08-16-ны өдрүүдэд  Сүхбаатар, Дорнод аймагт ажиллаж байх хугацаандаа малчин эмэгтэйчүүдтэй уулзаж ярилцах, судалгаа авах, тухайн орон нутгийн цагдаагийн байгууллага, статистик, гэмт хэргээс урьдчилан сэргийлэх ажлыг зохицуулах зөвлөл, эрүүл мэндийн байгууллага, аймаг, сумдын Засаг дарга нар, Хамтарсан баг, иргэний нийгмийн байгууллагууд, өмгөөлөгч зэрэг холбогдох төлөөллөөс мэдээлэл цуглуулах, үйл ажиллагаатай танилцах замаар энэхүү дүн шинжилгээг хийх юм байна.  Энэ ажлыг НҮБ-ын Хүн амын сан дэмжиж хамтран ажиллаж байгаа аж.

Тэр тусмаа малчин эмэгтэйчүүд хүчирхийлэлд өртөх, энэхүү эмзэг асуудал тэдний гэр бүл, хамт олны эрүүл мэнд аж байдалд сөргөөр нөлөөлж буйг судлах зорилготой юм. Хэдийгээр орон нутагт хүчирхийлэлд өртөгсдийг хамгаалах байрууд болон зөвлөгөө өгөх тусламжийн утасны үйлчилгээг шат дараалалтай нэвтрүүлж, эрүүл мэндийн үйлчилгээ, сэтгэл зүйн зөвлөгөө, нийгмийн халамж, хамгаалал, хууль зүйн дэмжлэг үзүүлдэг ч  нэг цэгийн үйлчилгээний төвийн хэрэгжилтэд хүний эрхийн үүднээс тодорхойлох юм.

Монгол дахь НҮБ-ын Хүн амын сан, Статистикийн үндэсний хороо жендэрт суурилсан хүчирхийллийн тархалтын судалгааны 2017 оны тайланд бие мах бодийн болон бэлгийн хүчирхийлэлд өртсөн эмэгтэйчүүдийн эзлэх хувь Дархан-Уул, Өмнөговь, Говьсүмбэр, Булган, Ховд аймагт хамгийн өндөр байсан бол хамтрагчийн үйлдсэн аливаа хэлбэрийн хүчирхийлэлд өртсөн эмэгтэйчүүд Хэнтий, Дархан-Уул, Өмнөговь, Говьсүмбэр аймагт мөн их байжээ.

Хүчирхийллийн улмаас эмэгтэйчүүд нийгэм, эдийн засгийн амьдралд оролцох эрхээ бүрэн эдэлж чадахгүй байх, түүнчлэн нөхөн үржихүйн болон сэтгэцийн эрүүл мэндэд сөргөөр нөлөөлж, зарим тохиолдолд амь насаа алдахад хүрч байна.

"Болор дуран"-аар шалгав.
Энэ мэдээнд өгөх таны сэтгэгдэл?
1
ХарамсалтайХарамсалтай
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2019-05-09 202.21.120.42

ҮНЭХЭЭР ХИЙХ ЮМ АЛГАА ЭНЭ ТӨР ЗАСАГТ, МАЛЧИН ЭМЭГТЭЙЧҮҮДИЙН ХҮЧИРХИЙЛЭЛД ӨРТӨХ АСУУДАЛ ….

Avatar

zochin 2019-05-09 66.181.188.124

энэ их гоё судалгаа байна

NewsMN Гар утасны хувилбар Татах
NEWS.mn

Мэдээллийн эх сурвалж