Өнгөрсөн онд дэлгэцнээ гарсан шинлэх ухаант уран зөгнөлт адал явдалт “The Maze Runner” буюу “Оньс тайлагч” киноны үргэлжлэл “The Scorch Trials” буюу “Үхлийн сөрөлт”  киноны анхны трейлэр гарлаа.

Энэхүү киноны ерөнхий найруулагчаар өмнөх ангийг  бүтээсэн найруулагч Уэс Болл  ажиллаж байна. Энэхүү киног Жеймс Дашнерийн 2009 онд гаргасан ижил нэртэй романаас сэдэвлэн бүтээж байгаа ба кино зохиолыг Новлин  бичжээ.

Кинонд оньсыг тайлсан залуус дахин орхигдсон газар очих ба тэд дахин нууцлагдмал газрын оньсогыг тайлхаар тэмцэж буй тухай өгүүлдэг байна.

Кинонд “Teen Wolf” , “The Internship” кинонд тоглосон залуу жүжигчин Дилан О"Брайен, “Furious Seven” (2015) кинонд тоглосон жүжигчин Натали Эммануэль, “New Year"s Eve” кинонд тоглосон жүжигчин Кэтрин Макнамара, “Skins” олон ангид кинонд бүтээсэн дүрээрээ нэрд гарсан жүжигчин Кая Скоделарио зэрэг бүтээлчид оролцон тогложээ.

Шинжлэх ухаант уран зөгнөлт адал явдалт төрлийн “The Maze Runner: The Scorch Trials” кино ирэх есдүгээр сарын 18 ны өдөр Хойд Америкт нээлтээ хийх ажээ.

Н.ПУНЦАГ

Эх сурвалж: www.mminfo.mn