Нэр хүнд, цар хүрээгээрээ хамгийн томд тооцогдох Европын хөлбөмбөгийн аваргуудын лигийн хагас шигшээ тоглолт өндөрлөж, шигшээд өрсөлдөх багууд тодорлоо.

Ирэх зургадугаар сарын 1-нд Испанийн нийслэл Мадрид хотын “Wanda Metropolitano” цэнгэлдэх хүрээлэнд аваргуудын лигийн Дэлдэн чихт цомын төлөө Английн Ливерпүүл болон Тоттенхэм Хотспур клубууд шалгараад байна. Ливерпүүл клубын хувьд аваргуудын лигийн шигшээ тоглолтонд 9 дэх удаагаа шалгарахдаа 5 удаад нь түрүүлсэн дархан аваргууд бол Тоттенхэм Хотспур клуб түүхэндээ анх удаагаа шигшээ тоглолтонд шалгарч байна.

Европын аваргуудын лигийн шигшээ тоглолтонд хамгийн сүүлд 2007-2008 оны улиралд Манчестер Юнайтед болон Челси клубууд шалгарч байсан бол 11 жилийн дараа дахин Англиас 2 баг аваргуудын лигийн шигшээ шатанд шалгарч байна. Энэ бол аваргуудын лигийн түүхэнд Английн 2 баг шигшээ тоглолтонд шалгарсан хоёр дахь тохиолдол юм. Үүнээс гадна Тоттенхэм Хотспур клуб аваргуудын лигийн шигшээд шалгарсан Английн 8 дахь баг болж байна. Английн багуудаас Ливерпүүл клуб 9 удаа шалгарч байгаа бол Манчестер Юнайтед 5, Ноттенхэм Форест 2, Челси 2, Астон Вилла, Лийдс Юнайтед болон Арсенал клубууд тус бүр 1 удаа шигшээ тоглотлонд шалгарч байжээ.

Б.БЯМБАБАЯР