Б.Чимид: Улаанбаатарт тарьсан мод маш сайн ургаж байгаа | News.MN

Б.Чимид: Улаанбаатарт тарьсан мод маш сайн ургаж байгаа

Хуучирсан мэдээ: 2019.05.08-нд нийтлэгдсэн

Б.Чимид: Улаанбаатарт тарьсан мод маш сайн ургаж байгаа

“Улаанбаатар нэгтгэл" ОНӨААТҮГ-ын гүйцэтгэх захирал асан Д.Энхсайхан өнөөдөр /2019.05.08/ сэтгүүлчдэд мэдээлэл хийлээ. Тэрбээр ууланд ургаж байгаа нарс модыг Улаанбаатар хотод авчирч суулгах нь байгаль экологийн унаган тэнцвэрт байдлыг алдагдуулж байна гэлээ. Тиймээс уулны нарс модыг Улаанбаатарт авчирч суулгахыг зогсоохыг хотын удирдлагуудаас хүслээ.

Тэрбээр “2009 онд Энхтайваны өргөн чөлөө болон бусад гудамжинд 1000 гаруй нарс мод суулгасан. Гэвч 2013 онд мэргэжлийн байгууллагууд энэ модод ургах боломжгүй гэсэн дүгнэлт гаргасан. Тиймээс ургаагүй моддыг нийтийн эзэмшлийн зам талбайгаас зайлуулж, цэвэрлэж байсан” гэдгийг хэлж байна.

Мөн тэрбээр “Дэлхийн улс орнууд нарс модыг үржүүлгийн талбайд үржүүлж, бойжуулгын талбайд шилжүүлж суулгаад, тэндээсээ нийтийн эзэмшлийн зам талбайд суулгадаг. Маш цөөн тохиолдолд уулнаас авчирч суулгадаг. Энэ тохиолдолд ургалт нь 15-20 хувьтай байдаг. Тиймээс Улаанбаатар хотод тарих модны сонголтыг зөв хийх, татвар төлөгчдийн мөнгийг оновчтой зүйлд зарцуулах үүднээс уулнаас мод авчирч булшилдгийг зогсоогооч. Энэ шийдвэрээ эргэж хараач гэж хотын удирдлагаас гуйж байна.

Хотод тарих модны сонголт олон байна. Тухайлбал, хайлаас, шар хуайс, агч, голт бор, монос, долоогоно зэрэг маш олон төрлийн мод байсаар байхад заавал эрсдэлтэй нарсыг суулгаж байгаа нь буруу” гэлээ.

Нэг ширхэг нарс модыг уулнаас тээвэрлэж, хотын гудамжинд суулгахад 380 мянган төгрөг зарцуулдаг аж.

Хайруулын таваг шиг Улаанбаатар хотыг ойжуулах шаардлагатай 

Улаанбаатар хотын Захирагчийн ажлын албаны Тохижилт ногоон байгууламжийн хэлтсийн  бодлогын асуудал хариуцсан доктор н.Сүхбат, Улаанбаатар хотын ерөнхий дендрологичоор ажиллаж байсан  доктор, профессор Б.Чимид нар мөн үргэлжлүүлэн нийслэлийн ногоон байгууламжийг нэмэгдүүлэх шаардлагатай талаар мэдээлэл хийв.

Б.Чимид “Дэлхий дахины агаар, хөрсний бохирдолттой тэмцэх арга нь мод тарьж ургуулах. Энэ аян эрчтэй явж байгаа. 2016 оноос хойш 8095 том нарс модыг Улаанбаатар хотод тарьж, суулгасан. Маш сайн ургаж байгаа. Эдгээр нарс модыг хулгайлж авчирч тарьдаггүй юм.

1980, 1990-ээд онд Сэлэнгийн Бугант, Хүдэрт тарьсан байсан нарс мод өнөөдөр шаваад ургачихсан сийрэгжүүлэх шаардлагатай байгаа. 12 мянган га ойд тужийн нарс тарьсан байдаг юм. 50 хувийг нь өнөөдөр огтлох шаардлагатай болсон. Улаанбаатар хотод мод авчирч тарихдаа зайлшгүй сийрэгжүүлэлт хийх шаардлагатай болсон ойгоос л тусгай технологиор сугалж аван, зөөвөрлөж, тарьж ургуулдаг.

Улаанбаатар хот хүртэл 500 км-ын цаанаас тээвэрлэн авчирч, гурван жил арчлаад тарьдаг. Тээвэр, гурван жил арчлах зардал бүгд ороод 380 мянган төгрөг. Сая хэвлэлийн хурал хийсэн залуус 380 мянган төгрөг их мөнгө гэлээ.

“Маршал таун”,  “Ривер гарден”-д 550-650 мянган төгрөгөөр суулгаж тарьж байгаа.

2008 оны долдугаар сарын 7-нд Улаанбаатар хотод би 33 нарс мод тариулсан. Тэр модноос ганц мод л үхсэн, бусад нь ургасаар 11 жил болж байна.

Явуухулангийн цэцэрлэгийг очоод үзээрэй. Энд долоон жилийн өмнө тарьсан мод ургаж байна. 2003 онд Улаанбаатар хотод 33 гацуур тарьсан. Ургаж л байна.

Ойгоос мод хулгай хийгээд авч ирээд, хотод суулгаад үхүүлж төсвийн мөнгө зараад байна гэдэг үндэслэлгүй. Би мэргэжлийн хүн. 45 жил мод тарьсны 30 жилийг Улаанбаатар хотод мод тарьж ургуулахад зориулсан.

2016 оноос хойш Улаанбаатар хотод 8095 мод тарихад тав нь л үхсэн.

Энэ их агаарын бохирдлыг мод өөр дээрээ барьж, тэмцэж байх үүрэгтэй учраас хүн ардынхаа төлөө тарьж байна. Ажил амжилттай болохоор сайн ажлыг нь дарж сонгуульд очков авах гэж байгаа юм уу. Ойд хэдэн сая живаа га ой хортонд идэгдэж, шатаж байхад дуугарахгүй байна. Хайруулын таваг шиг Улаанбаатар хотыг ойжуулж байж, асуудлаас гарна.  Ойн инженер уулнаас мод авчирч тарихыг эсэргүүцдэггүй юм” гэлээ.

Г.ХОРОЛ

Энэ мэдээнд өгөх таны сэтгэгдэл?
3
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Shineer mod tariya 2019-05-08 64.119.20.238

Uulnaas mod hulgailsnaa mod tarilaa geh yum. Gehdee Hanuul duuregiin zarim hesegt hailaas uneheer saihan urgaad ehelsen bnalee. Odoo yavgan hunii zamaa mashin zamaas tusgaarlaj mod tariad bval bur sain.

Avatar

jbsacjbascj 2019-05-08 202.9.43.100

xogshin zaluu 2 xudalch ta nariin tarisan nars yamarxuu baigaag xun bur medne mod urjuulegiin aj axun i xumuuseer n geree xiij tarij urguul

Avatar

зочин 2019-05-08 202.126.89.115

доктор гуай нарыг ч нэг мэднээ… Ямар мэргэжилтэн гэхээрээ дандаа шилмүүст мод тариад байгаа юм бэ. Энэ их дуу чимээ, утаа тоосыг навчит мод хамгийн сайн шингээдэг атал ямар мэргэжлийн дендрологич дандаа шилмүүст мод тарьдаг байнаа. Авто замын зорчих хэсгийн хажуу хөвөөнднавчитмод тарьж замын хөдөлгөөнийдуу чимээ, автомашинаас ялгарч байгаа хортой нагаараас хамгаалах,шүүх зорилго нь бүх байхгүй болж, зорчих хэсгийн дунд талын зурваст ыутлаг модн тарьж тэнэгтээд удаж байна.

Avatar

зочин... 2019-05-08 202.21.109.62

Юуны доктор профессор байхав дээ…. Хотын захиргаанд л байсан юм уу… Орон сууцны цонх таглаж…, замын хөдөлгөөнд саад болсон мод тариулсан нөхөр энэ байсан байх н.ь ээ……хотод гардаг автын осол.. гаргах нөхцөл бүрдүүлсэн гэдгээр нь гэмт хэрэгт гэрчээр татах ёстой юм биш үү…

Avatar

Зочин 2019-05-08 91.65.30.101

Yhervvdee ! Meregjliin hvnii vgiig sons!

Avatar

Igren 2019-05-08 49.0.213.114

Ёстой улин хуцаж Унгас алддаг хулгайч вэ

Avatar

Зочин 2019-05-08 202.9.43.126

ГЭР ХОРООЛЛЫН АЙЛУУД ХАШААНДАА МОД ТАРИВАЛ ХОТ САЙХАН БОЛНО ДОО.

Avatar

ИРГЭН 2019-05-08 202.179.24.25

10 Р рооооллын мод үхэорхэ биз дээ

Avatar

Зочин 2019-05-08 202.126.89.98

Enkhsaikhan bol zugeer turiin mungu idsen khulgaich yag ah shigee ah ni Jargalsaikhan gej bas turd khudlaa yum khiij shakhaj sursan khulgaich nar bga yum iim khumuusiig dakhij khotod tuluulugchuur bitgii songooroi manai khotiin irgeder Gantumur darga khot tokhijiltiig mash sain khiilgej bga bolkhoor ataarkhaj bga yum .

Avatar

Зочин 2019-05-08 202.21.115.82

Доктор, профессор Чимид зөв хэллээ. Харин "хотод тарьсон моднууд үхээд байна" гэсэн худал цуурхал тараагаад байгаа хөдөөний оркууд өөрсдөө ганц ч мод тарьж үзээгүй байх шүү.

Avatar

монгол иргэн 2019-05-08 202.131.236.170

Хороололын төв зам миний мэдэх 1980-онд сйахан ногоон зүлэг, модтой байсан, сүүлйин 30 жил модд тариад ургуулж чадаагүй нэг гудамж байна даа, эрхэм ойн инженерүүдээ. Мөн Жуковын тузейн өмнөх цэцэрлэг 2014 оноос будаа, шороон тоос болсон доо. Хотын ерөнхий менежер юу хийж байна.

Avatar

Зочин 2019-05-08 198.16.66.100

Авчираад суулгаж байхад нь хаана юу хийж байсан гар вэ Гэв гэнэт гарч ирээд худлаа бас нэг шоучиэ

Avatar

зочин 2019-05-08 139.5.219.207

маш зөв шаардлага байна, байгалаа сүйтгэхээ болих хэрэгтэй,гантөмөр гэж мөнгө харж нүд нь улаанаараа эргэлдсэн хүн байна,зайлуулах хэрэгтэй

Avatar

зочин 2019-05-08 192.82.65.120

Уулнаас нарс битгий хэл шарилж ч бүү авчир.

Avatar

Зочин 2019-05-08 49.0.218.142

жил болгон суулгац суулгадаг тэр н ургадаггүй хэн ч хариуцлага тооцдоггүй татвар төлөгчдийн мөнгөөр хувийнхаа хөрөнгийг арвижуулдаг энэ мэт нөхдүүдийг зайлуулаад шудрагаар өрсөлдүүлэх цаг нь болсон хотын шинэ дарга анхааралдаа авах байх

Avatar

Иргэн 2019-05-08 203.217.139.231

Мод борцолдог албан тушаалтан хулгайчуудын бизнес цэцглэж байгаа.

Avatar

Зочин 2019-05-08 43.228.129.4

Алтанхуягын суганы үс шүү дээ ч

Avatar

мгл 2019-05-08 202.179.11.230

Уулнаас мод авчирахаар модны тоо нэмэгдэхгүй шуу дээ. ийм балай юм хийдгээ болио чээ. Модгүй боллоо.

NewsMN Гар утасны хувилбар Татах
NEWS.mn

Мэдээллийн эх сурвалж