Тарваган тахлаар таван жилийн дотор 584 хүн нас баржээ | News.MN

Тарваган тахлаар таван жилийн дотор 584 хүн нас баржээ

Тарваган тахлаар таван жилийн дотор 584 хүн нас баржээ

Тарваган тахлаар таван жилийн дотор 584 хүн нас баржээ

Жилийн дөрвөн улирлын алинд ч тарваган тахал гарах эрсдэлтэй

Манай улсын 17 аймгийн 137 суманд тарваган тахлын байгалийн голомт тэмдэглэгдсэн. Эдгээрээс Хөвсгөл, Баян-Өлгий, Завхан, Говь-Алтай, Өвөрхангай, Ховд зэрэг аймагт голомт нь илүү идэвхтэй байдаг байна. Тиймдээ ч тарваган тахлын тохиолдлууд дээрх газруудад гарах нь элбэг. Хамгийн сүүлд Баян-Өлгийд тарваган тахлын улмаас гэр бүлийн хоёр хүн нас барж, дөрвөн хүүхэд өнчрөөд үлдлээ. Гэтэл Баян-Өлгийн хөл хорио цуцлагдаагүй байхад Увсад мөн сэжигтэй тохиолдол бүртгэгдэв. “Иргэдэд тарваган тахлын талаар сэрэмжлүүлэг мэдээ хүргэж байгаа боловч энэ эрсдэл байсаар байна. Увс аймагт нохойгоор бариулсан тарвагатай харьцсан, мөн албан бус мэдээллээр түүхий эд эрхтнийг хэрэглэхээр авч хадгалсан гэсэн сэжигтэй тохиолдол энэ сарын 5-ны өдөр бүртгэгдлээ. Тус аймгийн хэмжээнд онцгой комисс ажиллаж, хэсэгчилсэн хөл хорио тогтоосон. 24 цагийн турш холбогдох байгууллагууд үүнд анхаарал тавьж ажиллалаа. Гэхдээ тарваган тахал өвчин биш болох нь лабораторийн шинжилгээгээр батлагдсан” хэмээн ЗӨСҮТийн Захиргааны албаны дарга Б.Амгаланбаяр ярилаа.

Манай улсад 2000 оноос хойш дунджаар жилд нэг хүн тарваган тахал өвчнөөр нас барж байсан нь ЗӨСҮТ-өөс гаргасан судалгаанаас харагдаж байлаа. Харин олон улсад 2010-2015 оны хооронд 3248 хүн уг өвчнөөр өвчилж, 584 хүн нас баржээ. Сүүлийн таван жилд манай улсад тарваган тахал өвчний тохиолдол жилд 1-2, зарим жилд бүртгэгдэхгүй алаг цоог байжээ. “Иргэд тарваган тахлыг зун, намар гардаг гэж ойлгодог. Гэтэл одоо уг тахалд улирал нөлөөлөхгүй болсон. Гэрийн хулганад тарваган тахлын нян илэрсэн. Гэтэл гэрийн хулгана ичээнд орохгүй. Тиймээс жилийн дөрвөн улирлын алинд нь ч тарваган тахал гарах эрсдэлтэй  болоод байгаа. Мөн иргэд эд, эрхтнийг нь хөлдөөгөөд хэрэглэж байгаа тул өвөл ч тарваган тахал үүсэх өндөр эрсдэлтэй” гэдгийг ЗӨСҮТ-ийн захирал Н.Цогбадрах онцлов.

Уг өвчний нэг тохиолдол бүртгэгдэхэд 40- 50 сая төгрөгийн зардал гардаг

Тарваган тахал нь зоонозын халдварт өвчин бөгөөд амьтнаас хүнд халдварладаг ангилалд багтдаг аж. Уг өвчнийг үүсгэгч нян нь 135 төрлийн мэрэгч амьтан болон тарваганд байнгын оршдог байна. Тиймээс тарваганаас гадна бусад мэрэгч амьтнаас халдварлах боломжтой гэдгийг ЗӨСҮТ-өөс анхааруулж байлаа. Түүнчлэн тарвага агнах нь хуулиар хориотой учир оношийн зөрүү үүсгэж, бусдын болон өөрийнхөө амь насаа эрсдэлд оруулдаг болохыг мөн хэлж байсан юм. Тиймээс иргэдийг зэрлэг ан амьтны эрхтнийг түүхийгээр нь залгих, түүхий цус уух зэрэг өндөр эрсдэлтэй зүйлийг мухар сүсэгт итгэн өөрийнхөө амь насыг дэнчин тавьж, бусдын эрүүл мэндийг хохироохгүй байхыг дахин сануулав. Тарваганы түүхий эд эрхтнийг эмчилгээний зорилгоор ашиглах нь амь насанд аюултайг мэргэжлийн байгууллага хэвлэл мэдээлэл, олон нийтийн сүлжээгээр сурталчилсаар байтал иргэдийн ухамсар мөчид үйл ажиллагаа, буруу хандлага зогсохгүй байгаа аж.

Тарваган тахал өвчин амь нас, бусдын эрүүл мэндийг хохироогоод зогсохгүй хариу арга хэмжээ зохион байгуулах үйл ажиллагаа нь өндөр зардалтай байдаг аж. Уг өвчний нэг тохиолдол бүртгэгдэхэд 40-50 сая төгрөгийн зардлаар бусдад халдаахгүй байх хариу арга хэмжээ авдаг байна. Эмнэлгийн тусламж оройтож авах, тарваганы мах идсэн, арьсыг нь өвчсөн зэргээ эмнэлгийн ажилтанд хэлэлгүй нууснаас үүдэн оношийн зөрүү үүсдэг байна. Ингэснээр хугацаа алдаж, амь насаа алдах нөхцөлийг бүрдүүлдгийг ЗӨСҮТ-өөс онцгойлон анхаарууллаа.

Эх сурвалж: ЗАСГИЙН ГАЗРЫН МЭДЭЭ

"Болор дуран"-аар шалгав.
Энэ мэдээнд өгөх таны сэтгэгдэл?
2
ХахаХаха
1
ХөөрхөнХөөрхөн
1
БурууБуруу
0
ЗөвЗөв
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ДОРОЙТОЛ 2019-05-11 120.16.2.203

АРАЙ ХУДЛАА БАЙХ АА ЖИЛД 100 ГАРУЙ ХҮН НАС БАРЖ БАЙНА ГЭЖ ҮҮ?! ХЭВЛЭД МЭДЭЭЛЭЛ ЖААХАН ХАРИУЦЛАГТАЙ БАЙГААСАЙ! ГАДААД ХЭЛ МЭДЭДГҮЙ ХҮНЭЭР ГАДААД МЭДЭЭ МӨН БИТИЙ БЭЛДҮҮЛЖ БАЙГААЧ ЭЭ,

Avatar

өбы 2019-05-11 202.126.88.34

Худлаа

Avatar

Зочин 2019-05-11 202.126.88.34

Худлаа

Avatar

Зочин 2019-05-11 203.169.49.97

Тэнэг сэтгүүлчээ гарчигныхаа өмнө. Олон улс-д: гэж бичиж бай. Хүмүүсийг шоконд оруулах хэрэггүй. Бичгийн наад захын соёл гэж байна уу?

Avatar

БӨӨ БАТАА 2019-05-11 103.240.241.110

тарвагаа устгасан дэлхийд 584үхсэн нь худлаа тоо, үнэн юм БОЛ аль улсад хэдэн онд хэдэн хүн үхсэнээ хэлчих Монголд 1921оноос хойш 20д хүн үхсэн бх

Avatar

araatan boljee 2019-05-11 202.131.253.66

amitanii ed erhten iddeg buur zerleg araatan boloo yu muhar susglesen adguusnuud

Avatar

Зочин 2019-05-11 64.119.19.130

Ene garchigaa bodoltoi ugch baimaar yum. Het surjignesen huurgudsun medee ergeed muu niluu uzuulne.

Avatar

монгол 2019-05-11 64.119.21.67

Тарваган тахалыг хүн л тараадаг. Шуналтай, эсхүл мухар сүсэгтэй, анагаахын талаар ойр зуурын мэдлэггүй хүмүүс зөвхөн өөрсдийнхөө өчүүхэн эрх ашгийн төлөө хийсэн үйлдлээрээ тахлыг тараадаг. Түүнийх нь аюулыг зайлуулахын тулд баахан хүмүүс нойр хоолгүй зүтгэж татвар төлөгчдийн мөнгийг салхинд хийсгэж байна даа. Яалтай ч билээ. Мулгуунууд хурдан алга болоосой гэж хараахаас өөр үг алга

Avatar

шоогоо 2019-05-11 66.181.161.19

Дундад зуунаараа л амьдраад байх юм даа. Таосан гзраа бааж тасарсан газраа унтаж явдаг махан толгойтой моринууд

Avatar

Зочин 2019-05-11 58.140.202.122

энэ хорвоод бүх юм чиний хүслээр байх боломжгүй. тэрний төлөө тэгтлээ харааж зүхэх нь хэтэрхий байна .

Avatar

Zochin 2019-05-11 49.0.213.114

Гамшиг болох нь дээ

NewsMN Гар утасны хувилбар Татах
NEWS.mn

Мэдээллийн эх сурвалж