МАХН-ын дарга, ерөнхийлөгч асан Н.Энхбаяр ойрын өдрүүдэд Спортын төв ордонд “суудалтай” болжээ. Тэрбээр эдгээр өдрүүдэд Сагсан бөмбөгийн холбооноос зохион байгуулж буй “Гоё” дээд лигийн тэмцээний идэвхтэй үзэгчийн нэг болсон байна. Лигийн тэмцээний плэй-оффын тоглолтууд эхэлсэн энэ үед Н.Энхбаяр “Төв ургац”, “Алтан Танан гарьд” багуудын тоглолтыг өнгөрөгч долоо хоногт идэвхтэй үзжээ. Тэрбээр ойрын өдрүүдэд Спортын төв ордны хүндэтгэлийн суудалд тухлан сууж, сагсан бөмбөгийн хүчтэй дэмжигч гэдгээ харуулсаар байна. Өчигдрөөс эхлэн "Гоё" дээд лигийн аваргын төлөөх цуврал тоглолтууд эхэлсэн бөгөөд “Алтан Танан гарьд", "Хасын Хүлэгүүд" багууд үлджээ.

Ч.ШАРХҮҮ