Улаанбаатар хотын 380 жилийн ойн “Бүтээлч ажлын төлөвлөгөө”-г хэлэлцэв | News.MN

Улаанбаатар хотын 380 жилийн ойн “Бүтээлч ажлын төлөвлөгөө”-г хэлэлцэв

Улаанбаатар хотын 380 жилийн ойн “Бүтээлч ажлын төлөвлөгөө”-г хэлэлцэв

Улаанбаатар хотын 380 жилийн ойн “Бүтээлч ажлын төлөвлөгөө”-г хэлэлцэв

Нийслэлийн Засаг даргын зөвлөлийн өнөөдрийн хуралдаанд Улаанбаатар хотын 380 жилийн ойг тэмдэглэн өнгөрүүлэх арга хэмжээний нэгдсэн төлөвлөгөөг Нийслэлийн Засаг даргын Тамгын газрын НБХ-ын дарга М.Эрдэнэжаргал танилцуулав. Улаанбаатар хотын 380 жилийн ойн “Бүтээлч ажлын төлөвлөгөө”-г “Бүтээн байгуулалт, тохижилт, үйлчилгээ”, “Нийгэм, спорт, соёл урлагийн арга хэмжээ”, “Гадаад харилцаа, хамтын ажиллагаа, хүндэтгэлийн арга хэмжээ” гэсэн үндсэн гурван бүлэгт хуваан ажлын хэсэг боловсруулсан байна.

Өнөөдрийн зөвлөлийн хурлаар уг төлөвлөгөөг нарийвчлан хэлэлцээд, зарим үйл ажиллагааг хасах, уялдаа холбоогоор нь нэгтгэх, үргүй зардлыг танах, орхигдсон зарим бүтээлч ажлыг нэмээд, дахин хурлаар оруулж эцэслэхээр тогтов.

“Хотын соёлыг түгээх бүтээлч ажлуудыг ойн хүрээнд санаачлан хийж иргэд, олон нийтийн оролцоог нэмэгдүүлэх, ялангуяа хөгжлийн бэрхшээлтэй иргэдийн дуу хоолойг илүү анхааралтай сонсож, тэдний идэвх санаачилга, зүтгэл, оролцоог хангаж ажиллах хэрэгтэй. 380 жилийн ой тэмдэглэж баярлахдаа гол  нь биш, Улаанбаатар хотын цаашдын хөгжлийн стратегийг боловсруулах, Соёлын өвийг хамгаалах хүрээнд үр дүнтэй ажил хийх, боловсролын салбарын бүх шатны оролцогчдыг хамруулсан “Миний хот” хөтөлбөр хэрэгжүүлэх нь зүйтэй. Тиймээс ажлын хэсгийнхэн бүтээлч ажлын төлөвлөгөөндөө эдгээрийг тусгаарай” хэмээн Хотын захирагч С.Амарсайхан санууллаа.

Эх сурвалж: ULAANBAATAR.MN

Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-05-06 49.0.213.114

Битгий улин хуцаж унгас алд, гайгүй хэвтэх байлгүй муусайн луйварчид

NewsMN Гар утасны хувилбар Татах
NEWS.mn

Мэдээллийн эх сурвалж