-Манай волейболчид маргааш Вьетнам, нөгөөдөр Японы багтай тоглоно-

Олимпийн эрх олгох Ази тивийн эмэгтэйчүүдийн волейболын аварга шалгаруулах тэмцээн өнөөдөр БНХАУ-ын Тяньжин хотноо эхэллээ. 18 дахь удаагийн Ази тивийн АШТ-д 16 улсын баг оролцохоос Бүгд найрамдах Фижи, Туркменистан улсын баг тодорхой шалтгааны улмаас оролцох боломжгүй болсон байна. Тиймээс "С" хэсгийн өнөөдөр болох байсан Монгол-Туркменистаны тоглолт цуцлагдаж байна. Манай волейболчид маргааш Вьетнам, нөгөөдөр Японы багтай тоглох юм. 

Өнөөдөр Вьетнам-Японы тоглолт боллоо. Тус тэмцээнд хоёрт эрэмбэлэгдсэн Японы шигшээ баг тоглолтын эхний хоёр сэтийг авсан ч дараалан гурван сэтэд ялагджээ. Вьетнамын багийн хувьд чансаагаар 6-д бичигдэж буй баг бөгөөд маргааш манай багтай тоглох юм.

Вьетнам-Япон 3:2 (16-25, 22-25, 25-22, 25-22, 18-16)

Багуудыг танилцуулья:

 “А” хэсэг: БНХАУ, Иран, Энэтхэг

“В” хэсэг: Тайланд, Тайвань, ХонгКонг, Шриланк

“С” хэсэг: Япон, Вьетнам, Монгол

“D” хэсэг: БНСУ, Казахстан, Австрали, Филиппин
 

Тэмцээний албан ёсны сайт: http://asianvolleyball.net

Ч.БОЛ