УИХ-ын байнгын хорооны гишүүд яг одоо зарим Байнгын хорооны даргыг чөлөөлж, томилох асуудлаар уулзалдаж байна. Улмаар оруулж ирсэн нэрсээ бүлэгтээ өнөөдрийн дотор танилцуулах аж. Одоогоор чөлөөлөгдөх байнгын хороодын даргын орны хүмүүсийг нэр дэвшүүлээгүй байна. УИХ дахь МАН-ын бүлгийн хуралдаанаар Байнгын хороодын даргад шинээр нэр дэвшигчдийг тодруулах ажээ.

Монгол Улсын Их хурлын тухай хуульд “Байнгын хороог Улсын Их Хурлаас нэг жилийн хугацаагаар сонгосон дарга тэргүүлнэ” гэж заасан бөгөөд хороодын удирдлагын асуудлыг УИХ дээр тус бүрээр нь хэлэлцэх юм. Мөн хуульд улируулан сонгож болох заалттай тул хороодын гишүүд “сайн ажилласан” гэж үзвэл байнгын хороодын одоо байгаа дарга нар үргэлжлүүлэн нэг жил ажиллах боломжтой болох билээ.