Бөхийн өргөөнд өнөөдөр Сэлэнгэ аймгийн Зүүнбүрэн сумын харьяат, самбо бөхийн спортын мастер, Улсын начин "Дүүгүүр" хэмээх Чүлтэмийн Мөнхтогтохын нэрэмжит залуу бөхчүүдийн барилдаан болно. Мөн Бөхийн холбооны уламжлалт барилдааны нэг болох “Арвайн үндэс” ХХК-ий нэрэмжит Арслан цолны хүндэтгэлийн барилдаан маргааш болох хуваарьтай байна. Уг барилдаанд барилдах бөхчүүдийг өнөөдөр Бөхийн холбооны фэйсбүүк хуудсаар бүртгэж байгаа аж.